返回列表 回覆 發帖

JOM 少,請賜教

小弟11月辦喜事,未來外父和他們一眾是無酒不歡的農民。唯小弟自幼多病,不能喝酒。

素知JOM 少懂酒道,不知能否告知該用什麼酒招待他們。
提示: 作者被禁止或刪除 內容自動屏蔽
回復 1# dye


    值得恭喜!下次帶阿嫂出黎見下面丫。
先恭喜阿染兄小登科,祝一年三胞兩年雙胞.....

賜教就唔敢啦,大家交流吓重可以.

如果係一般鄉民既,茅台,五糧液,皖酒王又或者瀘洲特曲都ok架啦.如果想玩得再有品味尐既,就可能要駛多少少,去福建訂一野龍岩沉缸,其實係黃酒,亦即係女兒紅果類.喜興時候,飲呢隻就最好,味道亦想當香醇.加多一箱藍帶馬啤梨就應該夠晒有餘.

但如果令丈為無酒不歡者,佢嫁女而你又啅咗人家個女,咁恩怨交纏既心境,你點唔飲得都要陪吓佢飲吓架啦.如果要預埋自己飲,就要視乎你想個局面係點至決定飲乜酒.
做好男人,是讓身邊所有人開心
做賤男人,只是不想自己太傷心
唔,他的確是無酒不歡,上回我請他吃飯,就因為少了酒而怪怪的。我飲酒既結局多要在醫院散席了。

等我問下酒樓有冇呢尐酒先。
回復 5# dye

唔....呢個時候,就係你出賣你兄弟既最佳時機...搵定兩位兄弟mark實佢....

由有賓客(mainly係佢尐老死)入場開始,兩位兄前車輪戰咁應付佢,一有老友埋枱,就著兄弟斟酒,一人隊返一part先,飲完講兩句再黎一part.一個兄弟同佢地玩到咁上下,第二個上,輪流交替穿梭來回,到開席佢都應該七七八八架啦.

記得,開席前就叫佢地飲馬啤梨,敬酒就用香檳,如果你攞既圍數唔夠十圍,記得敬酒既時候要添喜.因為通常家吓敬酒係鸻得好快既,有乜私人思怨都會係敬完酒先發生.所以當你老外敬完酒飲返咁上下香檳,如無意外戰鬥力會好低架啦.就算佢要捉住你去講數,都可以好快收皮架啦.

咁,好彩既話老婆都係一世人娶一次,入廠咪入廠囉.人家咁大個女就咁俾你啅咗,如果我係佢老豆,我驚你唔食番幾打蓮子幾箱菠蘿都咪諗呀.
返回列表
高級模式 | 發新話題
B Color Image Link Quote Code Smilies
換一個