返回列表 回覆 發帖

我想勸我老豆離教

我本身從來無信任何宗教, 我24歲仔, 從來都無同佢認真傾過宗教問題,但今日我同佢終於搬哩個問題出黎講,仲爭論得好激烈
我本身係「不可知論者」, 唔否定, 亦無承認任何宗教
以我之所以想勸佢離教
其一、我覺得哩個宗教唔值得信, 至於點樣唔值得信, 我相信哩個網都搵到
其二、係近日佢有個教友, 借住「想了解我職業」為名, 約左我出黎飲茶, 點知講到尾又話咩「合作做生意」, 約我兩日後去佢間公司傾, 我都估佢係咪傳銷, 但我當時只係暫時應承住先, 返到屋企再問返我老豆先知佢做axxxy, 我老豆仲已經幫佢買左甚麼鈣片, 仲話人地好好人

我都唔敢問佢買左幾多, 見到佢有d咁嘅教友,
我覺得與其勸佢離開教會, 不如直接勸佢離教
但係我今日嘗試勸佢離教, 講左好多我嘅論點
佢又話我唔信都唔應該攻擊人地宗教, 唔應該勸人離教
話我不知不覺落入魔鬼手中都唔知

我應該點做好呀?
上面果個係我黎ga
唔知係咪我太耐無郁, 所以幫我logout左
看到你的例子,小弟認為這與該宗教是兩回事,只是有傳銷作業者在這間教會找客而已。

基本上呢個case都唔駛同老豆撐既,我建議同該教會既話事人(e.g. 牧師)表達你既不滿,睇下佢有無回應囉。
支持鼓勵每位離教者
我本身從來無信任何宗教, 我24歲仔, 從來都無同佢認真傾過宗教問題,但今日我同佢終於搬哩個問題出黎講,仲爭 ...
Guest from 183.179.178.x 發表於 2011/8/7 23:20




你所擔心的是老父會給傳銷商所哄, 用幾千元買呢樣, 用幾千元買那樣。呃錢!
(實在也應擔心, )

可是, 為何你老父所得的訊息, 與你爭呦的卻是有神, 無神, 離教對嗎這種話題上?
岔開了囉。

傳銷商好明是利用教會作平台, 增廣客路。 一旦沾上了新客, 也跟本不需要再「返教會」來銷。
約出來, 在教會以外銷, 落咀頭更好, 這是教徒自己找來的生意, 教會人仕更不能干擾, 杜人詬病。

勸阻應針對間題, 在分支問題上紏纏只影響感情, 打後的話更聽不入耳。
本帖最後由 言兼 於 2011/8/8 08:45 編輯

我反而唔係執住「佢有教友係傳銷」哩個point, 勸佢離開教會
因為我覺得勸佢離開教會, 同離開哩個宗教一樣咁難

反正我不嬲都覺得基督教唔值得信
所以一開始, 我已經係針對宗教問題, 而勸佢離教
反而無提及佢個傳銷教友
跳到去直接勸去離教

例如我話神唔應該用d災難畀考驗d剛出世嘅bb, 佢地唔應該有罪
佢就話d災難係人做出黎, 仲反問我係咪想講, 神唔應該容許哩d災難
我話係呀
佢話哩d bb, 神自會定奪佢去向喎

又例如我話基督教「不要問,只要信」係自圓其說, 佢又話其實無話唔可以質疑ga喎

最重要一個point, 係我話每個宗教同反宗教嘅人, 就好似控辯雙方, 都拎到好多證據去prove自己係啱, 但奈何d被告(即係每個宗教嘅神)都無出庭(係我地面前出現), 仲去審案? 真係可笑
佢又話神以前出現過, 咩釘十字架, 為我地續罪之類la
我就話歷史都可以隱瞞更改, 我就搬埋中國唔承認六四哩個活生生例子出黎去證明我哩個講法, 咁所以我覺得聖經, 佛經, 可蘭經等等又有好多版本, 又經過咁多年, 當中修改左幾多其實係無人知囉,
佢又話叫我了解左先
我就話最客觀係應該睇晒咁多宗教經文, 但我人世苦短, 根本無可能睇得晒, 睇亦都只係徙時間

講到哩度, 佢就話要靠我自己先可以去信
但我就話, 其實我係掉返轉想叫你離教囉
哩個時間佢就話自己平時應該為我多d祈禱, 依家已經太遲, 我落入魔鬼圈套la喎

我就話「上帝」同」魔鬼」其實都只係一個名稱,
孔子都話「未能事人 焉能事鬼」, 人連在世嘅事都未顧得掂, 仲去理有無鬼神係浪費時間ga
我仲話我都太遲叫佢離教, 佢已經畀宗教洗腦, 脫離現實

佢就話孔子就係未夠智慧係了解哩d野囉
我就講返證據太多, 睇唔信, 而且d被告唔出庭, 點證明咩宗教嘅證據最啱? 所以根本信邊個教, 都對其他教唔公平, 與其係咁不如咩都唔好信, 所以我先覺得孔子講得好啱
看來令尊已信了一段時間,對教義有一定了解,相信程度也很深。

既然你和令尊立場同樣鮮明,我看短期內都難以改變對方立場。

假如你和令尊(被勸說者)曾有過激辯,那麼雙方都會「太」了解對方的立場,大家都對宗教議題張起保護傘,甚至導致關係變差,都不利進行遊說勸說(勸人離教和勸人信教都是如此)。

我建議暫時先休戰,兩仔爺friend 返先,再從長計議。

無論如何,因這宗教而導致你倆關係破裂,也是不值得的,對麼?
支持鼓勵每位離教者
我反而唔係執住「佢有教友係傳銷」哩個point, 勸佢離開教會
因為我覺得勸佢離開教會, 同離開哩個宗教一樣咁 ...
言兼 發表於 2011/8/8 08:41


既然不是與教會內有人傳銷有關.....你更加不應干涉老爹的信仰囉。
(你上邊的帖用了大篇幅講傳銷便跟本無意義, 也誤導了我!)
講句俗話: 佢信耶穌關你鬼事咩?
佢有佢信仰自由。
同樣, 老爹也不干涉你不信耶穌的自由。

強說人信教, 與強說人不要信教.....同樣都是幾乞人憎的事。
我反而唔係執住「佢有教友係傳銷」哩個point, 勸佢離開教會
因為我覺得勸佢離開教會, 同離開哩個宗教一樣咁 ...
言兼 發表於 2011/8/8 08:41


我都想問...
你老爹返教會, 若不是會識到潛伏教會內傳銷者騙其入局, 浪費金錢外, 還有甚麼會對家庭有不利影響先?
經過一晚反思, 我都覺得唔應該強行迫我老豆離教

咁我只好跳返果個傳銷嘅問題,
畢竟佢個教友做傳銷, 我仍然擔心佢畀人呃
但我有個朋友又話唔好干涉我老豆點用自己d錢, 佢咁大個人
聽我老豆口吻, 佢都覺得果個人好好人, 完全唔覺得畀人呃
我是否應該若無其事呢
本帖最後由 beebeechan 於 2011/8/8 12:52 編輯
但我有個朋友又話唔好干涉我老豆點用自己d錢, 佢咁大個人

言兼 發表於 2011/8/8 11:32


你朋友講得有道理啵。
老爹不會是狂熱到借貸賣屋來入貨罷!
香港地地方淺窄, 家中可以擺得幾多貨丫!
人係要從錯誤中學習, 跌一次便會精多一次。
況且你亦從旁提點過了,
他發覺揼心時也不會怪你囉.


在商言商.....a_ _ _ _ y 產品定價過高, 物非所值, 能零售沽出的機會低, 當家中都屯積著賣不出的貨品時, 這個夢會好快醒。
若要打開下線靠收佣, 變相就係去引新人入局 (我暫且不用個「騙」字), 老爹咁虔誠基徒, 到時你問下佢做唔做得出? 點對良心交代?
-mwa-都算系老牌传销,又未至于纯层压式嘅传销。相等于無咁偏激嘅基督教教派一样。始终做老豆嘅唔系咁容易比嗰仔说服,可能面子攸关。做老豆嘅可能觉得自己食盐多过你食米(只系假设,对令尊不了解)。
本帖最後由 dye 於 2011/8/9 12:44 編輯

Have you considered that you can be wrong?  The mode of business has proven to be sucessful for some but not the others (just like any other business).  Can it be a bias against certain mode of business?

I am not sure if you have considered (for the business), working out the details of the business plan on paper in front of both of you togather and check for assumptions that you differ.

Follow by reseraching the facts (such as the stock level at home, reciept and payment records, nothing grand, just fact of your own), and have a reality check.

Present you case clearly and objectively.  Ask if he will agree to the testing method on every stage before the test.

And yes, don't forget there are alternatives! There are alternatives other than sit idle at home (obviously)
-----------

For a character proof, if you would attend a church gathering a few times, and raise your question after the gathering (to him only).  It will show that you are willing to make a concession, and your goodwill.  

Then, you can offer him the opposite view, possibly from well known atheist authors and ask if he will also consider the other possiblity.
樓主係有獨立思想,成熟睿智的人,所以基督教呢類迷信思想影響唔到你!
但係閣下父親較迷信,所以落入呢類思想圈套,但你亦應該尊重父親的宗教自由,如果他
覺得開心就讓他自由決擇吧!
樓主係有獨立思想,成熟睿智的人,所以基督教呢類迷信思想影響唔到你!
但係閣下父親較迷信,所以落入呢類 ...
阿修羅 發表於 2011/8/10 14:02



無錯..

所以..我認為..如果你想佢走出呢個教..最好就係叫佢走得入一點..

鼓勵佢做多D.. 佢祈禱一次..叫佢祈多幾次.. 佢自己返..你叫佢叫埋佢D同事呀..其他人返.. 叫佢讀多D聖經. ..

某一天..佢會自己走的.
同意, 應鼓勵 你爸爸睇多d 聖經, 認識多d.  加上佢又唔係女人, 又成家立室, 都無咩野可以被教會影響啦, 咪由得佢係果度安享晚年囉.     kwongyauleung 講得岩, {某一天.. 佢會自己走的. }     當你爸爸真正咁去思考, 會見到好多錯漏同埋脫離現實.   紙包唔住火, 一個謊言越講越大, 終有穿既一日.    好似我以前間教會咁, 佢話教會以外係 撒旦主宰既世界, 充滿魔鬼既誘惑.  我將呢件事同一個天主教徒講, 佢都話只係間教會想留人.
毅力並非長跑, 而是一次接一次的短跑
[......好似我以前間教會咁, 佢話教會以外係 撒旦主宰既世界, 充滿魔鬼既誘惑........]
講得出呢類咁既說話的人,或呢類教會,肯定好人/教會有限!
正所謂「有心栽花花不成,無心插柳柳成蔭」慢慢來吧
我依家唔會再勸人離教
我唔想同d基徒一樣, 做d反感嘅野
我已經諗清楚, 如果我成日叫人離教, 咁同d基徒成日叫人入教有咩分別
除非有人叫我入教, 我先會反問「點解你唔離教」
我只會用d間接手法表達自己
例如久唔久打d文章話點解自己唔信教, 但唔會主動叫人睇
例如我打算買件寫住「No Religion」嘅t恤, 作無聲抗議
回復 18# 言兼


   

預先寫好,有人問起時就可提供連結即可:
http://www.whynot.antichristendom.com/leave26.html
多謝樓上提供, 又令我多左了解其他「非基」點解唔信教嘅理由
同我唔同嘅係
我主要係兩個point:
其一、每個宗教同反宗教嘅人, 就好似控辯雙方, 都拎到好多證據去prove自己係啱, 但奈何d被告(即係每個宗教嘅神)都無出庭(係我地面前出現), 仲去審案? 真係可笑
其二、聖經有幾可信? 歷史都可以隱瞞更改, 咁所以我覺得聖經, 佛經, 可蘭經等等都可以有好多版本, 又經過咁多年, 當中修改左幾多其實係無人知

基於我對證據可信性有保留, 所以哩個就係我唔會信教嘅最主要原因
返回列表
高級模式 | 發新話題
B Color Image Link Quote Code Smilies
換一個