|
|
【國際不再恐同日】黃耀明問教徒 ：你們是要「上帝治港」嗎？
黃耀明曾以同志組織大愛同盟成員身份，喺上年跟基督教團體就反性傾向歧視立法交流睇法，仲請咗主流基督教會簽「彩虹約章」，承諾消除歧視，亦有牧師公開撐同志，令明哥感受到教會嘅善意。今年初，基督教國際學校公然歧見同志教師，大愛同盟批評呢間學校將同性性傾向跟亂倫、通姦、人獸交等相提並論係誤導同歧見，要求教育局介入，盡快立法防同類事件發生。
今日係「國際不再恐同日」IDAHOT，黃耀明今朝喺網上上載一張香港基督教浸信會、播道會同宣道會聯署聲明，聲明中列出三點。
第一：同性性行為是上帝所憎惡的罪。
第二：不認為在一男一女、一夫一妻的配搭以外，有其他合乎上帝心意的婚姻形式。
第三：同性婚姻是上帝不悅納的，並將對社會上傳統的婚姻和家庭制度造成嚴重破壞。
明哥留言反駁：「想問問這些教徒們，你們是要『上帝治港』嗎？你以為香港人都有宗教信仰嗎？有信仰的都信上帝嗎？我們可以是無神論者嗎？在國際不再恐同日 IDAHOT 的今天看到這些霸道的聲明，越加令我們要堅持撐下去反恐同。 」何韻詩亦有轉貼黃耀明呢個po，並寫道:「今天是『世界不再恐同日』，但願這些滿口仁義的人有天真的會學懂什麼才是真正的包容和愛。」
之後明哥又轉載大愛同盟嘅一個微博，指有教會團體呼籲家長唔好參加支持同性戀嘅「小童群益會」嘅活動，所以明哥留言：「請一起聯署支持小童群益會，沒有他們的支援服務，青少年同志大概會被明光社引領去作『拗直治療』。」但係噚日明光社總幹事蔡志森表示，佢發出嘅WhatsApp只係表示「請各家長留意小童群益會的立場及其活動」，仲話該會協辦「一點粉紅」，但就冇批評或者呼籲家長杯葛該會，相信有關文字係其他人士寫上。
http://hk.apple.nextmedia.com/enews/realtime/20140517/52486890 |
|
2014/5/18 15:43
|