抽刀斷水

2018-01-30

瑞典宜家家居（IKEA）創辦人坎普拉德離世，Kelly八卦吓佢嘅生平，原來佢有好多威水史，除咗產品銷量驚人，如書櫃系列「BILLY」極受歡迎，平均每五秒就賣出一個之外，IKEA每年出版嘅家居產品目錄《IKEA Catalogue》更加號稱全球流通量最多嘅「書籍」，每年印刷量仲多過聖經！

坎普拉德好有生意頭腦，五歲就識得同朋友仔推銷火柴賺錢，佢十七歲創立宜家家居，出售自組傢俱，開創出平板包裝（Flat-pack）方法，運輸成本大減，又慳包裝。

唔講唔知，IKEA全球最熱賣嘅系列有兩個，一個係POANG嘅扶手椅，另一個係BILLY嘅書櫃。POANG扶手椅喺四十二年前已面世，但至今全球知名度仲好高，銷情十分理想，直至一六年已賣出超過三千萬張！而BILLY嘅書櫃就喺一九七九年推出，設計簡約，由唔同材質製造，大受歡迎，喺世界各地平均每五秒就售出一個BILLY書櫃，銷量驚人！

小妹仲發現，IKEA嘅家居產品目錄成為咗唔少人嘅最受讀物，大家都用佢嚟做家居佈置嘅參考，絕對稱得上係「暢銷書」！佢有超過三十種文字版本，印刷量達二億份，有人話佢嘅印刷量拍得上《聖經》、《可蘭經》同《Harry Potter》啊！

http://hd.stheadline.com/news/columns/0/20180130/642159/

沙文

我根本唔信佢地公佈嘅聖经發行量,除非平時教徒用佢抿屎

抽刀斷水

太陽神節我出街都收到一本，但咁派法既去貨量都應該唔及宜家目錄。