撻Q猛男

冇，冇搞錯，不過有D暈暈地，暈暈地嘅 fee ling 咁啫。

輕鬆下先

傲凌空

我都輕鬆一下先 (請留意出發日期)

?t=1270785177654

傲凌空

騎呢參選人簡介

港島區:
巴士阿叔陳乙東
政綱要求政府每個市民派 40萬元，可做退休金、升學及買樓。聲稱爭取最低工資時薪 100元，每日工時上限 8個鐘，每周工作 4天；兩日放假家庭日，一日畀夫妻享受性愛。佢老作古語有云：「有性愛，無戰爭。」巴士阿叔又要解散醫管局，爭取全民免費醫療，經費由富豪隨緣樂助，同時設立賭場同紅燈區，安排老人領養計劃，解決老人院宿位不足問題。

九龍西:
林依麗
多年來爭取包二奶刑事化，今次參選繼續嗌呢句口號，新增政綱係保留功能組別，不過唔畀啲議員投票，即係得個講字，又建議取消農曆年、 10.1放煙花，將費用救濟窮人，爭取立法全港商場商廈晚上 10點熄燈，減少光污染。

白姐姐白韻琴
保留功能組別，仲要加多家庭主婦、在職婦女、 80後青年、傷健人士同退休人士五個組別。

郭兆明
報稱係國際釋迦文化中心主席，又係「國際共產黨員」，政綱係以六合彩攪珠方式進行選舉，候選人唔使拉票，包冇賄選問題，參選宣言好豁達，「若能零票紀錄落選，留一佳話，足矣！」

新界東:
陳國強(不是工聯會前議員陳國強)
佢帶埋一堆生果報名，話生果要嚟食唔係掟

胡世全
餐廳老闆兼虔誠基督徒，幾年前已想從政，希望更多基督徒參政影響社會。

九龍東:
杜森
96年曾參與首屆特首選舉

抽刀斷水

胡世全那間提多餐廳已結業了，他還有開另一間福音餐廳麼？

淚兒

回復 44# 抽刀斷水


    提多餐廳 ,提多提多 ,唔笠就奇了

抽刀斷水

很有趣～

隔牆有耳：勁爆政綱起義

2010年04月09日

天氣陰陰濕濕，特別多蛇蟲鼠蟻橫行。噚日五區補選截止提名，忽然湧出一大堆人交表，選舉常客固之然無失場，豹隱多年嘅特首參選人都蒲頭，佢哋啲政綱講就天下無敵，恐怕做就無能為力，出選港島區嘅巴士阿叔陳乙東，政綱要求政府每個市民派 40萬元，可做退休金、升學及買樓，十分大想頭。


有建議領養老人
巴士阿叔多次參選，今次政綱激過起義，聲稱爭取最低工資時薪 100元，每日工時上限 8個鐘，每周工作 4天；兩日放假家庭日，一日畀夫妻享受性愛。佢老作古語有云：「有性愛，無戰爭。」巴士阿叔又要解散醫管局，爭取全民免費醫療，經費由富豪隨緣樂助，同時設立賭場同紅燈區，安排老人領養計劃，解決老人院宿位不足問題。
八方並非對狄娜不敬，之不過出選九西嘅林依麗，都堪稱奇女子啩，佢多年來爭取包二奶刑事化，今次參選繼續嗌呢句口號，新增政綱係保留功能組別，不過唔畀啲議員投票，即係得個講字，又建議取消農曆年、 10.1放煙花，將費用救濟窮人，爭取立法全港商場商廈晚上 10點熄燈，減少光污染。
另一奇人白姐姐政綱天馬行空程度毫不遜色，唔止要保留功能組別，仲要加多家庭主婦、在職婦女、 80後青年、傷健人士同退休人士五個組別。同白姐姐一樣係出選九西嘅商人郭兆明，銜頭夠晒嚇鬼，報稱係國際釋迦文化中心主席，又係「國際共產黨員」，政綱係以六合彩攪珠方式進行選舉，候選人唔使拉票，包冇賄選問題，參選宣言好豁達，「若能零票紀錄落選，留一佳話，足矣！」


特首參選者出動
在新東出選嘅陳國強，之前一度被誤會係工聯會前議員，原來只係同名同姓，佢帶埋一堆生果報名，話生果要嚟食唔係掟，八方知佢寸社民連，可惜冇乜創意。報名出選新東嘅胡世全，據網上資料係餐廳老闆兼虔誠基督徒，幾年前已想從政，希望更多基督徒參政影響社會。忽然參選九東嘅杜森，根據資料， 96年曾參與首屆特首選舉，事隔多年心癮未死，好有 heart。

李八方 http://hk.apple.nextmedia.com/te ... d=45&coln_id=20

撻Q猛男

呢三位3T賠率依家好似已經係 1:10000
白韻琴
陳乙東
胡世全

傲凌空

回復 47# 撻Q猛男


1賠10000?都熱過3T wor
3T(10蚊1注獨中計)最低都有33000000
即係1賠3300000

火柴

巴士阿叔陳乙東無得選了。（仲有杜森都係）
你地個賠率要改喇~

回復 48# 傲凌空

下唔係下話，乜三T剩係得跑馬架咋，咁我早排買既波仔狗仔係乜黎？賭賽車競選到靚模，乜都有三T架喇傻仔，咁孤漏寡聞架。

傲凌空

回復 50# Guest from 195.168.109.x
小朋友,你去馬會求其問一個阿叔,咩係3T,睇下佢答唔答到你賭賽車競選到靚模
仲有,想請教你波仔點3T?(同時估中同年歐聯3甲,歐霸3甲,世盃3T?)賽車點3T?(估3場賽事3甲?)競選點3T?(3個區競選得票3甲?)靚模點3T?(三場選美3甲?)
傻仔,bet365,立博都冇啦,你開盤呀?有冇人玩呀?
同埋,我係好鄙視匿名遺言(咁又係既,唔使怕比人恥笑)
開個a/c都懶,學下beebeechan,光明正大同人地開火
同埋,我都唔係傻「仔」喇,我已經係傻「佬」

撻Q猛男

holy cow, so busy here!

傲凌空

回復 52# 撻Q猛男
自從出左個爛方案之後我都覺呢個政府唔抵幫
我之前係咁出post為政府同你爭議都已經對政府仁至義盡
公投都可能係一個沒辦法之中既辦法

撻Q猛男

多謝各位將會投票的朋友，給自己 100 分！無論是投那一位，閣下行使自己投票的權利已值得稱讚！

將會投給五位辭職議員或大專2012，支持真普選的朋友，估計 at the minimum 將會有六十萬票墊底，就像'03年五十萬人上街一樣，議員按着你們這幾十萬票回歸議會後，將會有好多嘢睇！謝謝你們那一票，請繼續呼籲你的朋友親人，516齊投票！