jimmychauck

回覆 1# 逃出魔幻紀

嗱你睇吓，又有人黎簽到啦。你用你啲文獻Level嘅資料同埋論證，高明啲咁說服佢啦。

jimmychauck

回覆 9# 逃出魔幻紀

係囉，咁麻煩下次你唔好干涉我點嘲佢，我都同你唔同教，你唔洗幫我。
你以為我同佢討論宗教？我嘲緊佢啲中國內容農場飛機文咋，我有冇言論自由去做呢啲野呀？

jimmychauck

回覆 11# 逃出魔幻紀

唔同教，係因為你係天主教徒，我係基督徒。如果你依足天主教信條去信，我同你信嘅唔係同一個神。請你記住，我唔係你嘅同路人。
冇咩，你放心，你唔嘈我我就唔會嘈你嘅。我同阿邊個講乜你鍾意插把嘴黎我都唔拘，阿BB陳有時喺度插嘴我都當睇唔到由佢自己同人傾飽佢，正等如我自顧自哂啲無閱讀理解之能之徒時我都冇期望過你需要睇需要覆一樣。
咁你如果唔同意我觀點，又說服唔到我又要齮齕呢，我又黎齮齕吓啫，呀有來有往一次咁多。大家講明期望就OK啦。
我對馬拉松式嘅潑婦罵街都冇興趣，我嘅興趣係逼到啲人只能馬拉松式潑婦罵街自暴其短。

jimmychauck

回覆 13# 哈佛專家

呢個係你嘅分法。

我素來唔認為天主教徒同基督徒信嘅係同一樣野同一個神，天主教徒係信天主教嘅教條，當聖經抵觸教條時佢地係選擇信教條而唔係聖經。
佢地獲取救恩嘅方法同我唔同，信心嘅對像唔同，我亦多次請求本網天主教徒確認我到底按天主教標準是否得救，只換來一片靜默。佢都唔承認我係佢教徒，我又唔承認佢地係基督徒，點解你又係都要話我地兩班人都係"基督徒"？
我冇話過呢位逃先生唔係"廣義嘅基督徒"喎，我知你地點分㗎，我只係話"我唔係佢同路人"啫，唔通我連表逹我自己觀點都唔得？

如果我同你睇法唔同講法唔同定義唔同，你就稱呼我"有病"，咁唔洗討論㗎，你話自己啱晒咪得。唔同意人地就稱人地有病，呢啲就係冇網絡禮儀嘅表現啦。

jimmychauck

回覆 16# dior13dior13

曾有人解讀釋永信在沒有上頭同意下去見教皇，是他被拿下的原因之一。

jimmychauck

回覆 18# beebeechan

吓，同你嘅對話裡面多不勝數啦。

聖靈保守你不失腳你解唔解釋到呀？都成年等你解啦。

你啲信口雌黃無中生有之徒，聖經話唔可以作假見證，不可做像，你邊樣敢答吖？

出黎行又乜柒都唔識，乜柒都唔敢答，返鄉下聖堂收皮啦。

jimmychauck

我乜柒都無,
所以, 最柒都係你
beebeechan 發表於 2025/10/23 22:49

你唔係乜柒都無，你係乜柒都無中生有啫。
嗱，舉晒例子出黎，問左又唔敢答啦，"聖經抵觸教條時信教條"冇講錯你㗎。
你鍾意信教條係你嘅自由，冇人話唔俾你信，之但係你要作假見證話教條同聖經冇抵觸，就唔該常作吓準備，人地問起叉能住嘅時候識答囉。

jimmychauck

回覆 23# beebeechan

你唔洗轉移視線㗎，你都未解釋到你教條講人會失落救恩點樣同聖靈保守你唔失腳調和。你又解釋唔到點解聖經話不可造像你教條就話可造。
或者你直接承認自己教條抵觸聖經咪得囉。
是就說是，不是就說不是，若有多說就是出於那惡者。你直接講你啲教條有冇抵觸聖經咪得。
簡簡單單是是非非都答唔出，癈噏乜都係代表無法否認我所講嘅再轉移視線啫。我新教有冇抵觸經書，同你舊有冇抵觸經書係完全獨立無關嘅事情黎㗎，你又拉埋講做乜？人地有錯自己就所有錯都唔係問題？

jimmychauck

回覆 25# beebeechan

你地天主教幾盞鬼㗎喎，可以咁不問世事同咁落後嘅？

羅5:13 沒有律法之先，罪已經在世上；但沒有律法，罪也不算罪。

教宗2008年宣告新七罪宗:
基因改造;人體實驗;污染環境;造成社會不公;導致貧窮;過度積聚財富;濫用毒品或毒品交易

係咪2007年前過度積聚財富唔係罪，2008年1月1日後就卜一聲要入地獄？
和坤呀、洛克菲勒呀、JP摩根果啲過度積聚財富唔叫罪，今日啲有錢佬就係犯罪？
係咪2007年前賣毒品唔係罪，2008年1月1日後就卜一聲要入地獄？

基因改造又係罪？
Monsanto公司1960年代發明左除草農藥ROUNDUP，但ROUNDUP毒性太勁連正常農作物都殺埋，研究左輪，喺自己ROUNDDUP工廠排水口揾到啲ROUNDUP殺唔死嘅微生物，就將啲微生物基因用高速槍轟落啲唔同種子到，做左一批批基改免疫ROUNDUP嘅種子出黎。
咁係咪即係喺2007年呢間公司唔犯罪，之後就犯罪呀？2008年之後喺度返工嘅天主教徒就要日日去告解？咁喺呢間公司返工但2007年之前過身嘅天主教徒係咪就叫做於呢間公司嘅"罪"無份？

耶穌對他們說：「我問你們，在安息日行善、行惡，救命、害命，哪樣是可以的呢？」

基因療法1970年代開始研究，1990年開始臨床，可用於治療beta-地中海贫血、脊髓性肌肉萎缩症、镰状细胞病，咁唔知係咪2007年之前咁醫就冇事，2008開始基因療法就係犯罪要去告解？要救自己生命嘅就喪掉左生命？

教會因時而教, 不是一本經書教到世界末日。

即係你教會一時一樣囉。

律法嘅總綱就係愛，最大嘅誡命係愛神，其次係愛人如己，請問呢幾句係咪直到世界末日前有野要改？

你們這假冒為善的文士和法利賽人有禍了！因為你們將薄荷、茴香、芹菜，獻上十分之一，那律法上更重的事，就是公義、憐憫、信實，反倒不行了。這更重的是你們當行的；那也是不可不行的。你們這瞎眼領路的，蠓蟲你們就濾出來，駱駝你們倒吞下去。

都廿一世紀啦，仲好似啲猶太拉比爭論安息日抱哭泣的嬰孩係咪犯安息日咁定義乜野係罪乜野唔係罪？你們受了聖靈，是因行律法呢？是因聽信福音呢？你們既靠聖靈入門，如今還靠肉身成全嗎？你們是這樣的無知嗎？

用呢啲聖經教導你，真係毫不會過時。