jimmychauck

回覆 2# beebeechan

1. 特朗普又唔係信徒，點解有義務要聽上帝支笛？
2. 你又知特朗普之前冇求過神問好冇出兵？
3. 上主回答達味說可以出兵，咪即係有正義嘅戰爭囉，咪就係葛福臨講嘅"戰爭存在「正義與否」之分"囉，你個上主唔係叫個達味做啲唔正義嘅野跣佢一鑊下話？
4. 特朗普有個天主教徒副手JD萬斯嘛，仲洗乜要你口中果啲邪魔外道基督教牧師傳道人？人地萬斯什至敢公開講希望自己太太信天主教呀，夠唔夠虔誠呀？

我睇你就唔知頭唔知路啦。

jimmychauck

回覆 6# beebeechan

神又你鬼又你乜都你講晒啦，天主唔罩天主教徒，淨係罩你BBC吖嘛。

基督教原來同你天主教有一樣效力？係咪即係你教會之外有救恩？以前摩西點解又咁唔妥隻金牛A貨呢？

jimmychauck

回覆 7# beebeechan

我唔洗鳥你啲咩大師㗎，佢喺我面前冇權威㗎喎。

咁以色列人攻打耶利哥或艾城時，係唔知係侵略時自衛、要保保護無辜的人、停止某方出現的殺戮、種族屠殺邊一樣呢？定係唔正義？

伊朗神權政府一個週末殺三萬示威群眾，咁除左美國，大家袖手旁觀，成件事對你黎講我諗算做正義啦。

喂我又聽講以前入迦南時係要取那留奶與蜜之地為業㗎喎，按你嘅講法應該唔算係正義之戰啦。

中唔中得晒？迴力鏢係咪好和味？你日日廢噏當秘笈，咪戇膠膠囉。

jimmychauck

係咪作野, 作得大咗啲呢
beebeechan 發表於 2026/4/17 10:26

所以你就證明左自己生活喺中共嘅訊息繭房。

國際特赦、人權觀察，聯合國伊朗問題獨立國際調查團，聯合國伊朗人權問題特別報告員佐藤麻衣，全部都指出伊朗有反人類罪，向人群開火，致命武力，大規模拘捕。30000死亡人數係好多專家從醫療記錄推得。呢啲野，外國報紙報晒啦，你睇開CGTN？

伊朗自己抵死，1 月開始斷左網，即係同出面人講，你鍾意點講都得。呢啲係普通嘅舉證妨礙原則啫，你妨礙人地取證，咁大家咪可以認定取證嘅人嘅主張囉。

伊朗自己封鎖資訊封鎖調查核實嘅渠道，其他人就再冇責任去為資訊嘅精確性負責㗎啦。

OK就算3萬有錯唔係準確，又點？你鍾意話其係2萬1萬，都只不過係假精確謬誤（false precision）啫。伊朗官方自己都認死左3千人，係咪殺3萬對你黎講就唔OK，殺區區3千就忽然疴泥？你地天主教徒即係認為死小小人冇所謂啦，係咪咁樣樣？咁我就明啦8964死得個23個，你地唔當係一回事囉。呀香港2019年係冇警暴嘅，果啲咩鄭柏林拗斷人手腕，7月21日黑社會暴打市民，8月31日警察暴打12歳小童，都唔算係囉，都冇死夠幾十幾百人，算得上咩一回事？

基礎事實有根有據都要否認，其實有咩需要認為你講嘅野係有份量有內容㗎呢？係冇。

好似我比你更唯獨聖經啵
經文唔係話迦南人行惡, 上主要把他們由這塊地「吐出來」咩?
呢個責任交咗比以色列人去完成喎。
beebeechan 發表於 2026/4/17 10:25

你嘅意思即係行惡俾土地吐出係天公地道。
咁喺度濫殺平民，俾人吐出有咩問題？
同埋你對歷史其實有冇認知？毛拉政權根本唔係波斯本族，哈梅內依根本係阿塞拜僵裔唔係波斯裔，波斯裔嘅傳統宗教亦根本唔係毛拉回教而係明教，一班鵲巢鳩佔嘅極權係土地上濫殺平民，俾人炸死吐出，又有咩唔正義之有？

乜你本聖經同我本真係好唔同架咩?
你本經無話攻打耶利哥, 艾城是上主吩咐以色列人做架咩 ...
beebeechan 發表於 2026/4/17 10:08

我從來冇反對聖經喎，你識唔識推理㗎，所以上主吩咐嘅咪係正義㗎囉，即係連侵略嘅戰爭都可以係正義㗎囉，咁你仲嘈乜野："聖奧斯定, 和聖湯馬士阿奎那討過何謂正義的戰爭。為被侵略時自衛, 要保保護無辜的人, 停止某方出現的殺戮, 種族屠殺等...可以正義之戰。"喺你眼中聖經講嘅上主講嘅都還及唔上聖奧斯定聖湯馬士阿奎那？你地啲聖人咁大嘅陳聖？

因為聖奧斯定聖湯馬士阿奎那好巴閉，早過你曾曾祖父出世，你就全聽佢講，聖經講乜你個上主吩咐以色列人乜都唔洗再理唔洗再諗？
人地聖奧斯定聖湯馬士阿奎那講嘅就算數，果啲就叫正義，上主叫人侵略嘅就唔係正義，咁樣樣下話？

jimmychauck

回覆 15# 抽刀斷水

哦原來佢係教徒，咁我又真係唔知喎，咁你引嘅維基都只係話得40幾巴仙美國人認為佢係基督徒，咁我相信解釋到我之前嘅錯誤認知吖。

jimmychauck

哇, 乜掟人落街, 拗斷人手腕咁冇人道既事都有呀?
咁2019年特朗普大條道理派海軍陸戰隊登陸北角, 或者派海 ...
beebeechan 發表於 2026/4/17 20:51

我從來冇講過有掟人落街喎，只係你一直信口雌黃自己講，又攞唔出證據，又話我有講，又一樣攞唔出證據啫。你地信口雌黃嘅名聲咪咁樣黎㗎囉。
吓新聞片影住個喺沙田被制服嘅示威者俾個白衫督察拗斷手腕，不過算啦，你地啲藍絲有時盲症，你睇唔到我唔會怪你。

咁2019年特朗普大條道理派海軍陸戰隊登陸北角, 或者派海豹擄咗林鄭返去審喇。
可能香港鑽石山係冇鑽石, 油塘不出石油, 無興趣卦
beebeechan 發表於 2026/4/17 20:51

你親口認為死少過3千係OK㗎嘛，請問你係邊度揾到一個報導當時香港死左3001人？
唔緊要，按返比例囉，伊朗1億，香港唉讓埋你啦得6百萬，有冇死夠180人？你邊度有數字香港鎮壓死左百幾人？
冇你又放咩屁？東拉西扯冇野好講？

喺度討論緊咩野令到一個戰爭正義，討論緊天主教係咪接受屠殺3千人，你攞個冇啦更嘅香港都冇死夠十個人嘅情況出黎扯開話題。你乜都唔肯正面回覆，係咪有乜野唔敢討論？

#4 你講咗4點, 我反駁晒4 點,
你又再回駁, 之不過又只係回得3點之喎,
嗰個MAGA, 係咪我講得好應棍, 你 ...
beebeechan 發表於 2026/4/17 20:53

單就第1點你嘅回應已係廢㗎啦，我講佢聽笛你又求其噏咩上帝聽佢笛？你個上帝咁水皮要聽人地笛聲你咪出聲囉。你都幾buy阿kam"有字就叫有覆"呢個道理喎，你係佢同鄉定佢同你一齊教叻沙㗎？

你求其拋個字出黎，自己冇任何證明呢，我就唔洗認真覆你嘅。即係比如你又提到阿特朗普話明係要攞人啲鑛產開採權，請問你邊度有證據佢講過要伊朗嘅鑛產開採權？即係雖然我都慣左你地張口就來信口雌黃，咁但係既然你咁具體問到MAGA啦，我咪具體啲問返你證據囉。
吖你又講到咩報復，請問今次美伊以戰爭，幾時又有一個"報復"嘅重點或誘因呢？
喂你唔好以為可以好似阿kam咁，求其拋幾個冇根冇據嘅字出黎就諗住開始揾道德高地得㗎。求其砌一兩個詞出黎唔會令你本身乏善可陳嘅論點有多啲支撐㗎喎。
吖你又講到咩自大，請問今次美伊以戰爭，幾時又有一個"自大"嘅重點或誘因呢？
你自大就括埋MAGA，又請問你如何證明MAGA就係自大呢？係A以前都唔G吖，定係A唔可能再G吖，定係你認為A唔應該G？一個話要提升國力嘅口號，又點樣可以解出係自大？請問你有邏輯㗎咩？

依.....依家好似你你好唔唯獨聖經啵,
上主在經上講既野你都話錯, 以色列人入迦南係侵略, 掠地, ....唔係聽上主指示去趕走邪惡的人出預許地.
beebeechan 發表於 2026/4/17 20:56

你好似有好嚴重嘅閱讀障礙喎，我正正係質疑緊你將啲聖乜聖物擺得高過聖經同上帝嘅話。你宜家好似個白痴咁睇唔明人地嘅反問，掉轉個頭問我係咪反對聖經？我咪一早講左，上主吩咐以色列人侵略係正義，所以就算侵略嘅戰爭裡面都有正義㗎囉，乜我講嘅野咁難明，定係其實你閱讀有障礙？
就算係"聽上主指示去趕走邪惡的人出預許地"，都從來唔會否定"侵略掠地"㗎。咩"急起上黎要執法"就否決左"執法過程使用非法暴力"㗎咩？你如果真心係認為有一個"理由"就可以否定"事實"，點解你扮咁耐烏龜唔幫人地朱蛇同暗角七警翻案呀？

咁係咪要係猶太人, 割包皮...先可以信天主, 上帝? ....(唔係, 應叫YHWH)
beebeechan 發表於 2026/4/17 21:00

你既贊成土地吐出行惡之人，我就講你聽呢啲非本土人行惡被吐出同樣可接受。我引申你對聖經經文嘅呢個解法，又同以色列人、割禮、信教有乜野關係？你冇野講可以唔好講，唔係話有字就叫有野講㗎。

唔通你真係幻想緊有日有啲海豹空降赤柱監獄, 接走隻「鷹」???
beebeechan 發表於 2026/4/17 21:32

你講咩幻想嘅廢話，都掩飾唔到你對該地文化宗教歷史發展嘅無知㗎啦。

因為個獨裁政權打死咗3000個示威者,
民主大國特朗普睇唔順超, 唔OK, 所以要打伊朗政權,
不過, 飛彈無眼, 又炸死+2000 平民....
炸多半個月可能死得仲多個鎮壓示威時俾保安部隊打死嗰啲啵!
你係嚟打救我, 定係嚟打鳩我架?
(哦....簡接傷亡啫....為大家有個美好將來之嘛...!)
beebeechan 發表於 2026/4/17 22:25

嗱首先睇吓你點揀數字，乜都要揀啲回教政權俾出黎嘅數字，我真係唔知你係想離教，定離開西方文明社會。
我從來冇見過炸死2000+平民呢個數字，你自己有證據就提供，冇就繼續信口開河。我就反而見唔少片段出黎，就係啲民眾睇住炸導彈庫時歡呼，平民開心地播啲無人機聲嚇到啲伊朗城管冇鞋挽屐走。
IDF都話已擊斃超過6000個IRGC。
就算攞你個2000黎比，民軍戰損比高逹1:3，仲高過迦沙時1:1。
我一攞30000出黎時你就更加收皮啦，3千都未死夠，3萬你都未出聲，宜家你有個毫無根據嘅2千你好意思攞出黎同我講？
有人有資格講，果啲係伊朗人。死一個人伊朗人都有資格講，不過宜家點解伊朗人冇聲出？因為被你話"正被不正義地移除嘅政權"滅左聲禁左聲吖嘛。
你好地地一個天主教徒，咩唔好撑，走去信口開河撐一個逼害基督徒逼害本地人嘅回教政權，話其他人郁佢係唔正義，認真盞鬼。我睇你都係身為藍絲先過身為天主教徒㗎啦。咁愛國，幫手上X做大外宣吖嘛，好簡單㗎咋，揾個上線講幾時出帖一日出幾多個就得㗎啦，仲有錢收，好過喺度同我嘈啦。