星期五晚在金鐘地鐵月台見到有個人隻腳爛晒，成個人企晌度上身俯下摺埋，晌度玩地下打火機，我行過先諗起，佢應該上咗毒癮，芬太尼，爛腳應該係加咗tranq，當時無諗到要幫佢添。
頭先晌床上面諗，如果我帶佢去渡假屋，叫佢拎晒啲錢同衫褲畀我，然後幫佢畀一個月屋租，吩咐附近餐廳定期送餐畀佢，唔知可唔可以幫佢戒咗佢呢？
朋友叫我下次最好帶佢去戒毒所，等專業人士幫佢戒，應該有效啲。
我翻查香港有關機構：
https://www.nd.gov.hk/tc/6-1-2.html
十間有九間都係基督教背景。點解唔見有佛教、道教戒毒所？
人到無助時會攬住啲信念先可以繼續前行，基督教就成為無助既人精神支柱。
都不得不佩服基督徒服侍他人的精神，幫人戒毒唔容易既。 |
2024/8/4 11:22
|