人性

實

大家好,

本人離教大約兩個多月(之前返左約兩年), 因事而令我了解到"雞篤桃"冇人性之處, 以及呢個宗教之廢, 令本人大開眼界;

不過呢兩年的確有過快樂, 我都同自己講當去左次旅行, 體會過所謂"雞篤桃"既生活, 不過最後發現原來係搵笨團, 最後發生意外後幸運生還;

但令我最唔開心既, 除左為過班cheap 友付出過感情之外, 就係我決左志;

我想問係咪我一世就係"雞篤"既人??? 有冇出會既儀式??

仲有有冇過來人士可以分享一下點可消除陰影??? 因為而家我見到d "雞篤" 野都好反感, 謝謝!!!

實

撻Q:
我都好想快快正常返, 想起當初離開, 個腦成日出現D "奀句", 好似提住我要返去咁, 攪到我每次唔返, 都好內疚, 又好似累左我D FD 返唔到, 苦不堪言, 後來慢慢先好返, 唔知你當時係睇D 咩書, 可以介紹下嘛

無神:
聽到你咁寫時, 我隻眼差D 跌左出來

樹:
果真每個離教既人背後都有一段故事, 想唔到你信左咁多年, 相信最後一定都受左唔少苦, 我雖然返左只係兩年, 但我當中實在投入過(到走左時受左內傷先知), 都令我好難頂, 何況你, 咁你最後仲同D 人有冇聯絡呀??

斷水:
嘩哈哈哈哈~~~~~ 你既提議實在太正, 就咁決定, THX

實

撻Q 兄,

"3. 嗰Ｄ唔返教會就唔舒服嘅感覺，係邪教嘅 programming 嚟，包括容易自責、內疚。如果理性地去分析，呢條「神」都係假嘅，guilty to whom? 空氣？"

如果係咁, 耶教咪係邪教?? 可唔可以再講多D??

樹兄,

我真係好同意你講佢地既絕招係人際關係, 同埋教會節目, 到而家我到時到候都會想起, 真真折墮, 我渣架14座, 嘿~~~~~~~

實

真係要好好睇多d 書黎向人証明耶教係邪野黎, 因為我英文唔好, 所以明天會去買李天命本睇左先, 謝謝Q兄

實

1# 實  
我想終有一天，你會明白這種能夠將自己控制自如，想自己怎樣就變成怎麼的惡，是怎樣的一回事。
潔瑩 發表於 2009/3/26 10:47

瑩,

雖然我呢次花係耶教既時間比較短, 但相信時間同傷害未必成正比, 而呢次對我既傷害亦係極深, 深至我自己亦始料不及, 我想我講出黎, 亦會嚇大家一跳, 所以都係算了吧, 只望大家能互相支持, 更能將離教者之家發揚光大, 我想為左耶教認真過, 而後來受傷既真係大有人在

很欣賞你話呢度係希望讓 "雞篤桃" 了解咩野係愛, 就算係唔同界別, 都係兄弟也

我真係好高興搵到呢一個可以讓大家療傷既地方, 有時大家傾下講下, 相信比起所謂充滿愛, 實際滿是人性陰暗面既教會, 溫暖得多

實

prussianz,

你既問題, 相信上面Q 兄都已經答左你, 嘿~~~~~~~

我認為佢地成日話要做好見証, 點知返工個個人面獸心, 成班所謂既 "雞篤桃" 多數就係做盡衰野果班, 但返到教會又繼續扮X誠既大好人, 當中更會扮晒關心大家(就係佢地所謂既相交同愛), 點知一有事, 大家人性盡露, 對你仲衰過樓下橋底個亞伯, 當唔識你仲要叫你不如過主........

神既大能, 真係勁, 真係"哈你老爺"啦

佢地往往, 識UP唔識DO, 呢D 唔叫廢, 仲可以叫咩??
信左十年, 廿年, 卅年, 又如何??
識背金句, 解經, 又如何??
我地細個學計加減數, 都知第日出街識買野找錢先叫識啦
佢地咪背經照背, 態度照舊囉

實

16# 潔瑩  
我有時將這班人是當喪屍那樣看，是一班俾人呃了又一齊去呃人的怪人，入親去的都俾佢食人唔lur骨，有時重彼此互咬，好恐怖呀！
撻Q猛男 發表於 2009/3/28 01:02

Q 兄實在形容得太太太太太貼切啦

實

今日去左聽個工作坊, 點知原來攪既機構既背景又係基督教

有時真係覺得自己有幾大既陰影, 因為當時我見到佢地既易拉架寫住叫人祈禱, 我真係好想一腳踢落去, 又係呢d 騙人技倆

其實祈禱呢家野, 我都好反感, 係某程度上我真係曾經好相信過, 可惜最後都係令我徹底失望

不過算啦, 我明白有捨必有得, 冇左教會, 冇左一班朋友, 又如何

實

我都有想過去參加一d 團體, 但我年紀都唔細, 都唔知參加d 咩會比較好

實

講出黎都覺得有d 好笑, 以前鍾意玩既, 自從返左教會之後就好似咩野都冇咩興趣......

以前鍾意唱k, 電腦等等

實

35# 實  
失去咗嘅興趣唔係真係冇咗，可以慢慢培養番出嚟，離教初期係咁。
撻Q猛男 發表於 2009/4/1 01:06

多謝鼓勵, 我都想快快投入另一d 生活, 希望呢三個月可以努力搵搵同嘗試

實

等我去排下自己個時間表先

實

遵命, 我之前都畫過d 好簡單既畫, 搵到既話, 等我post 上去

實

41# 實  
除咗畫畫之外，實兄有冇諗過試下做番Ｄ以前覺得係「壞」嘅事，好像上波樓，打麻將等。很多其實都不是壞的，亦很可笑。

另外做運動會幫助康復，這是本人的經驗。 ...
撻Q猛男 發表於 2009/4/3 00:40

Q 兄,

我而家都有特登去買六合彩, 你話打下麻雀, 都係唔錯既建議, 等我都BOOK 下場打波先

實

43# 實
十分十分十分好，預祝今期六合彩老哥一Q攪掂！我第一次再講番粗口，那種感覺簡直是釋放！
撻Q猛男 發表於 2009/4/4 07:16

六合彩就冇咁易中啦, 不過都算係一種解脫

你當年都為左信教改左好多野喎, 不過我都係, 哈哈哈~~~~~~ 不過而家唔會喇