逃出魔幻紀

咦？又再追問？你唔係有結論喇咩？

1) Factual野我唔check了。
2) 我不明白你在說什麼。
3) 嚴格來說，我 ...
抽刀斷水 發表於 2021/10/26 23:48

唔check又點知事實真相呢？尋找真相點可以懶惰點可以唔認真呢？你開貼話我講「非教徒／反基不會明白、不會理解」、「唔認真」、「有幻覺」，我叫你解釋兼邀請你一齊尋找我有冇講過呢句說話同有冇幻覺嘅真相，你就話唔搵啦閃啦咁，咁樣叫認真？咁樣叫老屈兼無賴似啲喎。如果你真係好「認真」咁老屈兼無賴，咁你嘅討論風格同色譜就逐漸趨同於本討論區嗰啲用神經反射式的粗言穢語、禮橫折曲、跳躍逃避、未查清未了解就胡亂指責、不為尋找真相只求情緒發洩的伎倆同人討論嘅人。我仲諗住叫你問吓語文老師算術老師添，玩無賴就唔使問老師啦！

逃出魔幻紀

回覆  逃出魔幻紀


    你响本帖76樓咪話你搞清楚喇喎，仲見到我無寫過既野，咁仲唔係幻覺係乜野？我好心 ...
抽刀斷水 發表於 2021/10/27 00:38

    唔好發爛渣，你應該保持好你一向嗰個彬彬有禮、講嘢雖然唔多但出言必辭順理正嘅網主形象。
你開貼話我講「非教徒／反基不會明白、不會理解」天主教/基督教相關嘅問題，因為我根本冇講過咁樣嘅說話，亦從未表達過相關嘅意思，你喺公眾面前咁樣講會造成好壞嘅影響，甚至可能對天主教/基督教嘅概念產生誤解，所以要求你澄清並解釋。你本帖嘅意思相當於話我講過「我阿媽唔係女人」、「狗唔係生物」，我係咪有需要要求你作出澄清先？所以我先至認真咁同你討論，並相信成日勸我守持正念正道嘅你會俾一個合理嘅答案我。

點知你講講下就唔繼續認真討論，仲發爛渣，仲走埋去話「中國三十萬同胞被外族奪地兼勞役後全部被屠殺是一件很正常合理的事」嗰個人嗰度附和佢，你明知我點解唔答佢，你搞到自己同佢同grade，咁我都好難答你㗎啦，你點樣老屈我都悉隨尊便啦。關於三十萬同胞嘅辯論，本網中你同bbc當時都在場睇晒全過程，你知道發生過乜嘢事，所以應該係知道我唔係「玩緊語理分析，唔得閒理你」，而係一早理得清清楚楚，而且搞明白雙方暫時冇晒討論嘅空間。你玩發爛渣，我同你都冇咗討論空間，你想咁樣？

講個故仔：我同你講：「我哋聽日一齊飲茶再詳細傾吓好嗎？」你回答話；「呢個提議幾好喎，一於咁話。」翌日我打電話同你講你話今日同我一齊飲茶傾偈，我已經book咗枱，點知你話「我幾時有應承過你今日去飲茶啊？我有確實講過『今日同你一齊飲茶傾偈』呢句說話咩？我話：「……」我忽然間諗起小學時候嘅語文老師。

逃出魔幻紀

回覆  逃出魔幻紀


    你講咗三次我發爛渣，都唔代表我有發爛渣架喎。
       
正如你唔認有表達過「非教徒／ ...
抽刀斷水 發表於 2021/10/27 09:57

    飯要一口一口地吃，我本來以為你係講道理嘅人，仲話過我哋有一定嘅討論空間，所以咪諗住搞掂咗我覺得你老屈我嗰單嘢先，然後我就打算跟住再討論「要明白天主耶穌基督嘅道理必須靠聖神引領」呢個話題，其實我一直記掛住呢件事，呢個話題比較好講，冇老屈成份，只係基與反基，信與不信嘅問題，冇乜嘢好拗嘅。而家冇咗討論空間，更加容易處理，你隨時可以點講都得，錄音機又得，老屈又得，禮橫折曲有得，甚至你發展到講埋粗口我都唔覺得驚奇，反正我有我講，你有你講，大家冇交集，好似對山歌咁，等聽眾自己去分析邊便比較好聽啲。
如果你仍然想認真搞清問題，我隨時歡迎你繼續討論，共同搵出真相，所有問題我都會同你討論，不過必須集中焦點，先至能搵到真理。如果好似嗰啲人咁成日講張「三李四夠係咁衰囉，點解你淨係話我唔話佢？上次你夠唔睇紅綠燈過馬路啦，而家見到我摸女人pat pat就懶正義去報警，成日偽君子啊你」，咁樣嘅討論，毫無意義，可免則免。我忽然想重複你嗰句說話：「請守持正念正道」（只係記憶中你講過嘅意思，唔係要原話，唔好話我老屈，我會銘記於心，多謝你嘅教導）。

逃出魔幻紀

嗯，大家開開心心討論就好了。

至於你想搵啲咩真理，想證實啲咩，我反而唔認同有一放諸四海皆準既真理存在 ...
抽刀斷水 發表於 2021/10/27 11:55

    如果你係認真嘅，咁我多謝你！不過你開貼老屈我，用「我阿媽唔係女人」、「狗唔係生物」嘅邏輯結構話我「說非教徒／反基不會明白、不會理解」天主教/基督教相關嘅問題，我認為你咁樣係誣陷我，令人對天主教/基督教相關嘅問題產生唔解，要求你解釋，你解釋到語焉不詳，我就逐點同你討論以澄清事實，你就發爛渣。我俾人老屈咗得唔到澄清，好需要你嘅幫助，你可否幫我：
1）搵出真相，睇下我究竟有冇講過嗰句說話，或者表達過嗰個「意涵」？
2）老屈完人哋之後唔解釋原因然後發爛渣閃咗去係咪放諸四海而皆準嘅合理行為？

逃出魔幻紀

你夠一直老屈我反基啦，一路我都覺得我係慕道者，咁我又有無同你計呢？ ...
抽刀斷水 發表於 2021/10/27 12:35

    你可以同個計，我好歡迎你同我計，等我哋慢慢理性邏輯咁討論下，搵吓你係咪基，只要你唔好講張三李四紅綠燈過馬路摸pat pat嗰啲嘢，我隨時歡迎你討論。老實講，我而家都仲係未肯相信你嘅內心冷血到「三十萬」咁嘅程度。

逃出魔幻紀

我無指名道姓話嗰個係你，其實你唔對號入座自己認係，人地都未必知道講緊嗰個係你。 ...
抽刀斷水 發表於 2021/10/27 12:39

咁就又要請你幫忙解釋吓39樓嘅「意涵」啦。
就算以前嗰啲抹咗唔計，係你提出邀請之後，我加埋104樓以下兩個請求已經提出左三個請求啦：
1）搵出真相，睇下我究竟有冇講過嗰句說話，或者表達過嗰個「意涵」？
2）老屈完人哋之後唔解釋原因然後發爛渣閃咗去係咪放諸四海而皆準嘅合理行為？

逃出魔幻紀

不如重點分析一下你在「天主的保佑與祝福？」二樓的文字：




    從上句我接收到的訊息是：
        
    ...
抽刀斷水 發表於 2021/10/27 15:12

都話飯要一口一口吃，你既然作出邀請同承諾，咁就請你答咗嗰三個問題先，或者聲明你幫唔到我並講明理由，否則你老屈我呢個現象就一直存在。
你實踐左你嘅承諾認真答咗呢三個問題之後，我哋即刻開始討論你嘅問題。
講口齒，唔好跳，守持你提倡嘅正念正道。

逃出魔幻紀

我邀請同承諾咗你啲咩，可唔可以講清楚？

另外你提及有三個問題，其中一個係咪：［搵出真相，睇下 ...
抽刀斷水 發表於 2021/10/27 16:38

    呢個講法都合理。我哋暫時唔討論［搵出真相，睇下我究竟有冇講過嗰句說話，或者表達過嗰個「意涵」？］呢個問題先，遲D將佢同110樓嘅「意涵」合併一齊傾。另外剩返兩個問題嘅意思係：

1）是非題：
老屈完人哋之後唔解釋原因然後發爛渣閃咗去係咪放諸四海而皆準嘅合理行為？即係話：誹謗他人之後不作任何解釋或答辯，並向對方撒潑反唇相譏後一走了之。這種行為是否在世界上任何社會都不能／不會被接受？「大家避免成為呢種人」係咪放諸四海皆準既真理？
2）問答題：關於你講「我無指名道姓話嗰個係你，其實你唔對號入座自己認係，人地都未必知道講緊嗰個係你。」請你幫忙解釋吓39樓嘅「意涵」，係咪話我講過「非教徒／反基不會明白、不會理解」？



而家答你「我邀請同承諾咗你啲咩，可唔可以講清楚？」

你發出要約：「而你一定要搵，我有咩幫到你就即管出聲啦。」
我承約：「請你幫忙解釋……，以搵出真相。（大意）」

逃出魔幻紀

回覆  逃出魔幻紀

   


    我想指出的是，你的這條問題 / 複合問題本身就出現邏輯錯誤，不如你試下唔 ...
抽刀斷水 發表於 2021/10/28 01:11

是非題係針對你「沒有放之四海而皆準的真理」而提出嘅三種提問，其實仲有好多種提問方式，無論用邊一種，我都係希望你明白世界上任何人都唔接受「屈完人就閃」呢種行為嘅。
用一大堆野砌厲砌去羅羅嗦嗦，並非我所願，好耐之前我已經發覺喺本網講嘢如果唔咁樣清清楚楚講係收唔到效果嘅。雖然咁樣表達我都好攰，但係收到效果，我好欣賞你最近嘅回答，令到雙方就算意見唔同，都可以互相理解對方嘅立場。

「嗱，我係話我試下幫下你，當中係無邀請你做乜或者承諾你做乜既，請你唔好誤會」呢句說話嘅問題係：你當然有權咁樣解釋（不過你好似冇講過「試下」呢兩個字），口頭承諾兼唔關錢銀名譽嘅嘢，唔通去法院同你搵真相咩？不過喺社會上如果你成日咁樣做，就會賺得「下巴輕輕」嘅盛名。「得閒飲茶吖！」同「我聽朝成朝都好得閒，你係要搵我飲茶就即管隨時call我啦！」係兩句語意絕不相同嘅說話。

我覺得我係本貼要講嘅嘢講完嘞，好高興你返番嚟我哋有共同討論空間嘅位置，係世界上多個人傾偈總好過多個人嗌交。我講咁多嘢，目的只係想表明我冇講過或者表達過「非教徒／反基不會明白、不會理解」天主教/基督教相關嘅問題，同埋想對你有多啲了解。雖然言語間偶有挑剔、激烈，但絕無怨恨，絕無針對個人，就算提及「三十萬」嘅話題，都只係憎恨「冷血」呢個行為本身而非憎恨leefeng本人，我如有怨恨之心，都只係針對違反天主誡命嘅行為，絕對唔會怨恨本網嘅任何人。

你問我係咪乜乜意涵又好，leefeng問我有冇老屈佢表示過「三十萬」又好，大家個心諗乜都好，我都係果句說話：「天主知道」，呢個係我堅信嘅真理。

110樓所牽涉嘅問題，其實我以前都講過好多次，考慮到呢個問題關係到天主聖三嘅道理，要用一定嘅篇幅先至講得清楚我嘅理解，佢呢度三言兩語冇可能搞清楚，所以我打算另外開貼討論。多謝你！