2010年某天深夜，加拿大Ontario小鎮Trenton，一個貨車司機駕車行經一T字路口，轉彎時車頭燈掃過一間屋及其旁邊的空地，附近周圍乜都冇，就只有嗰間屋。他看到空地上停放著一輛SUV.情景有些奇怪，點解屋主/訪客泊車要泊得咁L遠？當時佢正在貨運，只放在心中，繼續做嘢。
第二日新聞，鎮上昨夜發生兇殺案，佢認得新聞片上嗰間屋就係昨晚佢揸車經過嗰間。佢同差佬講昨夜他見到的情形。
CSI出動，在空地上找到車胎印，憑輪距斷定型號，排查附近Nissan SUV車主，找到一名空軍基地司令Russell Williams上校，死者正是佢麾下基地一名女兵。
原來上校乃變態佬，幾年來在附近常潛入民居偷女人底衫褲，自己著埋上身玩selfie. 近來終於忍唔住手，殺咗幾個女人，差佬一路都查吾到。
嗰晚佢好小心，驚被人見到佢架車在下屬屋企出現，所以特登泊得遠些，寧願行多幾步。
點知就係因為小心，引起貨車司機注意。如果泊在屋的driveway，根本不值得貨車佬好奇，而且paved driveway唔會留下車胎印。除非先前行过泥路。
小心得滯，仲衰。 |
2020/12/10 21:34
| 
2020/12/11 00:10
|