酒店, 大亨, 改版

龍井樹

加入時鐘酒店，讓二名或以上玩家同時踩進，加倍罰錢。

我呢個構思你地話得唔得呢？

Jom

又未諗過喎...睇落都幾得...

反而我以前就同班friend玩過真金白銀戰國風雲...好玩過原先單擲骰好多...其實好簡單,每加兵落去一個地方,每粒兵要俾一蚊做軍費,到移兵既時候又要加多一蚊落個destination port度,但放咗落去既錢就唔可以攞返,打死咗又好,移兵又好都無得攞.到有人完成任務,佔領咗既地方上既錢就歸領主所有,如果全滅就梗係通殺啦...

再加埋一個每個地方加兵限額既制度,令到澳洲唔再係儲兵天堂,真係打到頭崩額裂架...我地試過單係一個中東就有超過六舊水係度...亦多咗好多為咗搶錢而係自己任務完成前打既資源戰...

anyway,都好耐無玩過lu

龍井樹

2# Jom
我復活節先同我同家姐 d細路玩過.

記得以前讀中學同同學去宿營，都試過每人夾十蚊玩 RISK。
因為半夜玩怕大家眼訓唔投入，所以提議每人夾十蚊，統一天下者獨領六十玩。
哩個提議相當好，大家果然精神晒。
最後由我同另一同學合謀，消滅其他玩家再二人分錢。

Jom

3# 龍井樹

其實最開頭我地都有諗過話定額,一來簡單,唔駛咁多大餅,二來上落有限,唔會太傷感情.

但玩過兩三個回合,我地發現咁樣會經常出現為錢夾計炒人既情況,而少咗因為錢而產生破壞協議既情況.相對地唔夠刺激同更近乎戰爭既本標 - 地區性大規模既資源搶掠.尤其去到有人就黎成任務前,你會見到多錢既地方係會不停咁打同被打,令到錢不停咁加上去,循環下就更多人打.

其實以四至六個人而言,一般有三百蚊大餅就ok架啦,一人手持三百入場,上落都係百零上落,好刺激架.

話時話,不如下次gathering搵個地方開吓戰好喎.有無興趣?

龍井樹

4# Jom

但凡戰略戰爭遊戲我都有興趣。

關於合謀之事，我們賽前定下指引，一切在遊戲進行期間的協議均無約束力，純粹遊戲性質，就算事前協議好打完分錢，都要由一人統一天下才算完成遊戲，由他決定分不分錢。所以雖然各方列強都有各自盟友，但隨著形勢變化，沒有永遠的敵人也沒有永遠的盟友；遊戲勝負，除了運氣使然外，亦靠各人憑其三寸不爛之舌遊說串連。

Jom

回返你講既酒店大亨,除咗二人同行四人收費之外,重可以諗諗加多尐元素:

- 增加"供應"及"需求"卡: 遊戲開始時每位參與者分發"供應"及"需求"卡各一張,定其屬性.
需求卡:   供應卡:
人手     人手
名聲     名聲
質素     質素
財技     財技

如果獲得名聲需求卡,即是說該參賽者所興建的所有酒店在名聲上有待改進,而當持有名聲供應卡的持有者經過時.本來是踏進者要俾錢,但如果type match的話,就要反過來由酒店付出相同款項給持有者.而每個屬性,都有一個對應屬性(相尅),當踏進與其屬性相對的酒店時,則要擲骰決定罰款倍數或定額三倍,可任由踏入者選擇.

屬性相對如下
人手>財技     
名聲>人手     
質素>名聲     
財技>質素     


- 建造入口時要進行公開競投,各競投者可自由選擇參加與否.競投用暗標,出現同價者則以骰子大小決定,以大為勝.如果競者不是酒店持有人時,可自由轉讓,送贈或以出口換出口形式交換,唯交換方式需要公開.如果投得者不轉讓,每次該出口的收入20%將由出口持有者獲得.如果不能回購所有出口,不可申請專營權.

Jom

4# Jom  

但凡戰略戰爭遊戲我都有興趣。

關於合謀之事，我們賽前定下指引，一切在遊戲進行期間的協議均無約束力，純粹遊戲性質，就算事前協議好打完分錢，都要由一人統一天下才算完成遊戲，由他決定分不分錢。所以雖然各方列強都有各自盟友，但隨著形勢變化，沒有永遠的敵人也沒有永遠的盟友；遊戲勝負，除了運氣使然外，亦靠各人憑其三寸不爛之舌遊說串連。龍井樹 發表於 2009/4/23 15:03

- 協議無約朿力: 贊成,完咗都有排玩
- 一統天下單一摸式完成: 反對,用回任務制會好一點,多咗突然死亡呢一part,人性大暴露呀!!

龍井樹

6# Jom

咁複雜既？
我諗住整間時鐘酒店俾大家開心下咁乍喎‧‧‧

7# Jom

任務制我好少玩, 唔太清楚. 哩樣野相對地比較新, 由 Castle Risk 開始先有任務制, 我通常都係玩一統天下果種, 可以滿足我既征服感佔有慾呀.

Jom

8# 龍井樹

Risk:
任務制其實係開波前每個人派一張任務卡,但唔可以開出黎俾人睇.但一到做到卡上既任務,比如完全佔領北美洲和澳洲,就可以亮出任卡以示任務完成,遊戲結束.其實當中亦有追殺某顏色之軍隊至全滅呀,又或者佔領二十多個地方及每地駐兵不少放兩萬等任務.

因為大家都唔知各人任務如何,勾心鬥角情況更為劇烈.而且各人也有可能突然完成,令節奏加快.再者,如果自己既任務接近完成,為咗錢唔難想象全有大量既資源戰.相對地亦會引起因佔領地既錢多,而專登唔完成任務住.都相當千變萬化架

hotel:
呢個構思係複雜咗,但係因為平衡返酒店大亨入面既地域決定性.如果apply落去個game度,咁就算你買唔到好既地皮,甚至買唔到地起唔到酒店,亦可以同各資本家週旋一番.而且亦打破咗買到長coast就幾乎贏得既局面.



好似off topic得太緊要,不如將Risk既details開過一條thread吧.

龍井樹

9# Jom

RISK：

我盒 RISK 都係新版既 (舊果盒 RISK 送左俾人啦, 因為新版唔再係用羅馬數字做兵, 而係立體 FIGURE.), 所以我都知道任務制係乜野, 之但係就無正正式式玩完一次囉.


HOTEL：

不平衡係酒店大亨既優點，令佢唔洗好似玩大富翁咁死拖爛拖玩極唔完。


P.S. 開新版呀？睇睇有冇其他人有興趣回先啦，夠腳可以約出黎開番檯。

Jom

10# 龍井樹

羅馬數字做兵既classic risk我都有過一盒,後來又係俾咗人....

開咗先啦,實有人join既...到時搵間樓上cafe,可以玩足一日先去食個飯,都幾過癮....

Jom

hotel:

大富翁玩極唔完係因為要攞到大部份版圖先得,但如果酒店係出口同屬性上面有呢類突然死亡既元素,會快好多架..

龍井樹

11# Jom

開左, 又睇睇今次搞唔搞得成丫.