抽刀斷水

大埔宏福苑五級大火令全城哀慟，在是次大火中失去3名家人的林一君牧師，昨晚（5日）以喪親家屬身份出席祈禱會分享。她憶述，當證實失聯家人離世那刻，她自責身為牧師去祈禱，但「我做唔到、救唔到我屋企人」。不過面對這個香港人共同面對的苦難，事後回看，她仍相信在苦難當中有愛，看到基督在人間。

▍    未能忘記遺照中親人樣貌

分享中，林一君哽咽提到，有多名家人均居於宏福苑。大火當日，其母曾多次致電她指「屋企人唔見咗」；當時林一君查看手機，以為只是其中一個單位起火，未為意事態嚴重。直至下班回家，親友請求她祈禱尋回家人，她打開電視才知悉共7座大廈起火。

其中一名居於宏福苑的家人碰巧下樓購物避過火警，但其家中3名親人因「燒到埋嚟」，未能逃離火場；持續了一段時間後，該3名親友便再沒有回應。當時家人請求林一君，「你係我哋屋企唯一嘅牧師，你可唔可以祈禱搵番佢哋出嚟？」林一君隨即向同工發出代禱請求。

由於林一君其他居於宏福苑的親友，單位同樣被燒毀，於是火災翌日，有20多名親友聚集在馮梁結紀念中學等候消息，惟一直未有失聯家人的下落。隨著官方公佈的死亡數字不斷上升，林一君與家人都「好驚」，於是她發出第二次代禱訊息。

在馮梁結中學等候期間，林一君與信主的家人圍在一起禱告。當刻，身邊許多不認識的人也走到他們身旁陪伴祈禱。「嗰一刻我覺得有盼望，應該得嘅。」然而，他們最後還是收到訊息，要到廣福社區會堂辨認死者遺照。林一君直言，至今仍未能忘記那些照片中的樣貌，指跟平日的照片不同，「嗰啲人係唔郁㗎」。儘管家人一直未能接受要辨認死者，但警方突通知要到富山公眾殮房認屍一刻，已確認家人離世。

▍    家人哭求「你祈禱等佢哋復活」

林一君自言那一刻「感覺好苦」，眼淚潰堤，「因為我作為一個牧師，我喺度祈禱，我發現我做唔到、救唔到屋企人。」而其親人亦拉著她說：「大表姐你係牧師嚟，你快啲祈禱等佢哋復活，你等佢哋翻生啦！」

雖然傷心難過，但林一君在等候認屍時，又再啟動「牧師mode」，向家人預警認屍的情況，提醒他們作好心理準備。而在馮梁結中學等候期間，她認識了一位牧者和一名神學生，亦有陪伴她和家人一起前往認屍。該名女同工更擁抱她說：「牧師，不如你今日放低牧師嘅身份。」

事後林一君覺得自己的禱告已蒙應允，皆因她的禱告是希望尋回失聯家人；而最終能夠找到，是對家人最大的安慰，讓他們能與逝者好好道別。「就算佢哋（離世家人）今日個樣同以往唔同，但我諗起經文，我們本是塵土，仍要歸於塵土。」

她亦感謝一直守望與同行的同工、弟兄姊妹和網民。「呢個係我哋屋企嘅苦難，亦都係香港人共同面對嘅苦難。但我好相信，喺苦難當中，仲有愛。喺苦難當中，睇到基督在人間。」她又提到，在她最難過、不懂如何向家人解釋所發生的事時，有人向她遞上兩粒糖，讓她在苦中得到一點甜。

▍    唐榮敏：基督在人間成苦難一部份

是次祈禱會由香港華人基督教聯會主辦，大會以「基督在人間」為主題。香港浸信會聯會會長唐榮敏牧師分享信息時指，儘管在如此苦難中，人難以理解基督如何在人間，但基督徒仍要確信這是基督的應許。「耶穌基督在人間，從來不是一個旁觀者，祂是同擔苦難，我們永活的神。」

唐榮敏指「基督並非從天上解決這個苦難，而是在人間成為苦難的一部份。祂讓我們看見神拯救世界的方式，時常用人的手、人的眼、人的懷抱。」

文：Kitty



https://www.thevoicehk.com/news/2025126

抽按：祝願逝者安息，生者堅強。

沙文

林一君覺得自己的禱告已蒙應允，皆因她的禱告是希望尋回失聯家人；而最終能夠找到
抽刀斷水 發表於 2025/12/6 01:43

佢就係唔多口, 如果祈禱時加多幾隻字: 而最終能夠找到生鉤鉤的家人, 咁而家就唔使咁徬徨啦

祈禱要祈清楚先得㗎, 上帝點L知你想點喎?

抽刀斷水

去到呢啲情況，好多人都唔理生死了，只係想救返出黎：

其中住在宏昌閣住戶鍾先生，受訪時聲淚俱下：「她指在家中的大房，很大煙、頂不順要暈了，接着應該真的暈了，我回到來已經很大火，我衝入去找消防員不斷求救，幾十次求救，到現在仍未救得到，她與她最愛的貓一起離開，很多朋友不斷幫我打電話，問醫院都未有消息，只是想快些救她出來，生也好、死也好，先救她出來。」

文章版權為電視廣播有限公司所擁有，原文請按﹕ https://www.tvb.com/1010332

沙文

所以冷靜好緊要，就係因為祈少幾個字，全家連貓貓都冇命

抽刀斷水

祈「最終能夠找到生鉤鉤的家人」都係唔穩妥，可能救返出黎係生鉤鉤，但送院途中就不幸逝世。

沙文

唯有再加"至少3025年之前唔會再對佢地發召回令”。
keep in mind祈禱愈多details，愈方便上帝執行

抽刀斷水

其實可唔可以效法中國傳統稟神咁，簡單四個字：

家宅平安

喂你咁祈求既話，言簡意賅，有靈既話屋都唔駛燒到。

沙文

我擔心上帝總是唔放過任何機會整蠱人。
能維持最低限度生存條件，畀你冚家一世住嗰度冇錢upgrade，每年都夾幾十餅維修，咁都算平安吖？
（可能“唔放過任何機會整蠱人”咁講極端咗，但我覺得至少整蠱人係佢業餘興趣）
乜今日好似咁靜茄，你哋緊係個個去曬投票？

beebeechan

我擔心上帝總是唔放過任何機會整蠱人。
能維持最低限度生存條件，畀你冚家一世住嗰度冇錢upgrade，每年都夾 ...
沙文 發表於 2025/12/8 01:49

    沙文突然間變咗「好有神」論者。
乜都係神既安排。連人既犯罪都係天主安排咗佢哋要墮落。依劇本行事咁。

抽刀斷水

我擔心上帝總是唔放過任何機會整蠱人。
能維持最低限度生存條件，畀你冚家一世住嗰度冇錢upgrade，每年都夾 ...
沙文 發表於 2025/12/8 01:49

咁補多四個字啦：

家宅平安　家運昌隆

同「希望尋回失聯家人」字數一樣，但意涵廣闊得多了。

沙文

咁應該周密些。keep in mind上帝會千方百計喺禱文內容中尋找漏洞來整鬼你。
所以人生不如意事十之八九，就係咁嘅原因
上述是否包埋阿仔唔會畀條女飛？

抽刀斷水

上述是否包埋阿仔唔會畀條女飛？
沙文 發表於 2025/12/9 20:47

    女好既就扶手棍，唔好既就攞命藤。唔飛既就係好女，飛既就係衰女。阿仔被飛，焉知非福？

沙文

或者家宅乎安，家運亦都昌隆，今公子桃花運。
但係老婆突然信耶穌呢？

抽刀斷水

或者家宅乎安，家運亦都昌隆，今公子桃花運。
但係老婆突然信耶穌呢？
沙文 發表於 2025/12/10 00:12

    耶穌說：「你們不要想我來，是叫地上太平，我來並不是叫地上太平，乃是叫地上動刀兵，因為我來，是叫人與父親生疏，女兒與母親生疏，媳婦與婆婆生疏，人的仇敵就是自己家裏的人。」

咁好明顯唔會家宅平安啦。

沙文

一時一樣啫

Jhn 14:27 我把平安留給你們，我把我的平安賜給你們。

即係同阿尖嘅方法一樣, 總之講到你一嚿雲,等你唔知佢噏乜L嘢, 如果你話你唔知佢噏乜L嘢, 咁佢就話係你自己蠢。咁就算過咗骨。

沙文

不過你又真係幾蠢, 咁都睇唔穿, 繼續同佢brabrabra……

抽刀斷水

小弟身為場主，都想個場旺啲既，我既苦心你都唔明白，都唔係叻我好多。

抽刀斷水

一時一樣啫

Jhn 14:27 我把平安留給你們，我把我的平安賜給你們。

即係同阿尖嘅方法一樣, 總之講到你一嚿 ...
沙文 發表於 2025/12/10 10:07

    一時一樣，一時平安一時唔平安，即係保唔到平安囉。

沙文

小弟身為場主，都想個場旺啲既，我既苦心你都唔明白，都唔係叻我好多。
抽刀斷水 發表於 2025/12/9 18:50

旺場都要識得揀客, 即係好似香港遊客咁樣, 窮遊多多都冇L用㗎嘛,貪佢阻街咩
苦心唔係攞嚟做生意嘅

抽刀斷水

百貨應百客，揀咁多客，不如做好自己先啦。

窮遊咪窮遊囉，香港仲有大把銷金鍋，呢啲客路係唔會晌街四圍蕩既，阻唔到。