逃出魔幻紀

早幾日喺臺灣睇電影《返校》，散場時老婆話唔知香港有冇呢出戲上畫呢？我話唔使旨意喇（我只係憑當時嘅感覺噉樣講），我個女話好似有上畫喎噉講。
誰知返到屋企翌日，就睇到新聞話原先排期10月上畫嘅《返校》已取消放映。果然不出所料，有得做至奇！
遠嘅唔好講，香港係八九十年代，乜嘢資訊都可以接收，乜嘢意見都可以表達，《爭鳴》《香港時報》等報紙雜誌周街賣，大家去戲院睇《投奔怒海》、《假如我是真的》，都覺得理所當然，都冇人覺得突兀，點知而家變成……
忽然間，一個我一直唔想面對嘅，但係每時每刻都感覺到嘅現實，喺我面前清晰起上嚟：我熟悉嘅，熱愛嘅，都消逝喇，不以人們嘅意志為轉移噉樣消逝喇……。喺呢個時候，我諗起咗耶穌基督嘅說話：「天地要過去，但是，我的話決不會過去。」（路加福音21:33）。
咁啱得咁喬，睇到呢段新聞嘅當日，去聖堂望彌撒嘅進堂詠，係《迦拉達書》6:14：「至於我，我只以我們的主耶穌基督的十字架來誇耀，因為藉著基督，世界於我已被釘在十字架上了；我於世界也被釘在十字架上了。」
的確，將要過去佢嘅世界，對於基督徒嚟講係死亡嘅世界，基督徒喺將要過去嘅世界亦早已死亡。雖然我有此覺悟，但身心仍掛念世界，雖然我鍾意聽《榮光》，但我唔唱“祈求民主與自由萬世都不朽”同埋“我願榮光歸香港”呢兩句……，要完全清除雜質真係唔容易啊，求耶穌基督帶領。
呢場運動俾我嘅啟發真係唔少，感謝天主！

抽刀斷水

呢名女子都係天主教徒，天主又會點對佢呢？



令我聯想到老夫子有個笑話：警察拜關二哥，黑社會又拜關二哥，漫畫中既關二哥就唔知幫邊邊……當然依家就無分別啦。

抽刀斷水

改為12月上映:
https://www.facebook.com/Detenti ... C5wWk&__tn__=-R

逃出魔幻紀

回覆 3# 抽刀斷水
呢出戯能否上畫，而家都可算係一個敏感性標誌事件。靜觀其變。
每個教徒都必須親自同老世交代，我代父係深藍，成日鋪護旗啊自豪啊嗰啲，又正如眾所周知，有神父喺教堂帶領唱《榮光》，所以同枱食飯各自修行，就算係教徒，都要喺屬靈方面思考同学習，確保唔會偏離耶穌嘅軌道。

旁觀者

感謝天主！
逃出魔幻紀 發表於 2019/9/24 19:40

    敢問令千金係唔係處女﹖要感謝「天主」，最好就擰佢紅燒俾「天主」打牙祭﹗

旁觀者

回覆  抽刀斷水
確保唔會偏離耶穌嘅軌道
逃出魔幻紀 發表於 2019/9/24 22:23

    要「確保唔會偏離耶穌嘅軌道」，首先要將父母、兄弟、姊妹、兒女殺死，還要自殺。

龍井樹

要「確保唔會偏離耶穌嘅軌道」，首先要將父母、兄弟、姊妹、兒女殺死，還要自殺。 ...
旁觀者 發表於 2019/9/24 23:59

聽聞耶和華之所以唔立時消滅撒旦以及世上一切罪惡，係因為要俾人有自由選擇(包括選擇犯罪背離上帝嘅可能)。要保證唔會偏離耶穌，本身就符唔合上帝嘅想法。耶穌要你去選擇，而唔係去消滅其他選項。

龍井樹

回覆 1# 逃出魔幻紀

一切都會過去，連"一切都會過去"呢個存在於我腦裡嘅念頭亦會過去。咁即係有永恆定冇永恆呢？即使有永恆，亦唔係好似人一樣嘅有限生命所能知道。雖然唔知，但生活仍要過，咁信邊樣好？信有往績，可證偽嘅事就好。

即使不可證偽，硬要歸邊揀一樣，亦唔見信有永恆比信冇永恆強，只不過係合埋眼買舖大細咁上下。

逃出魔幻紀

回覆  逃出魔幻紀

一切都會過去，連"一切都會過去"呢個存在於我腦裡嘅念頭亦會過去。咁即係有永恆定冇永 ...
龍井樹 發表於 2019/9/25 12:03

耶穌話都會過去嘅係“天地”，而唔係“一切”。呢個天地係寓意定係真實嘅天地，我唔肯定。耶穌話佢做國王嘅國唔係世間嘅國，所以世界一定冇永恆，永恆嘅係天國。
你講得冇錯，人嘅智慧係無辦法證偽永恆嘅天國，就好似人無辦法解釋，死咗埋葬咗3日嘅人點解會復活，仲會時空穿梭於不同地點去同徒弟見面。
因此，正如你所講，好似買大細咁，各人憑自由意志去選擇相信邊樣。我亦都係通過幾十年嘅深入邏輯分析，選擇咗信耶穌同永恆嘅天國，而且大量事實話俾我聽，必然買大開大。正如耶穌被釘在十字架上時，左盜買世界而唔信耶穌，右盜買永恆天國，耶穌就應承佢今日揭盅，買大開大。
歷史上，真係有啲好出名嘅天主教徒係用你所講嘅買大細方式選擇信仰嘅，我就唔係合埋眼買，而係經過推理再去買贏面大嗰邊。

龍井樹

耶穌話都會過去嘅係“天地”，而唔係“一切”。呢個天地係寓意定係真實嘅天地，我唔肯定。耶穌話佢做國王 ...
逃出魔幻紀 發表於 2019/9/25 13:48

耶穌早就收左聲，都係託佢名既人響度講講講。不如你叫佢穿越時空出黎發表下，起碼耶教內部唔駛因為耶穌究竟講過乜而各自表述丫。我唔知你對邏輯了解幾多，邏輯只係研究推論本身，推論正確亦唔代表結論真確，例如：

1)猴子都是鋼琴家，愛因斯坦是猴子，因此愛因斯坦是鋼琴家。

例子 1)中的邏輯推論正確，但結論不真確。推論是從已知的前提去推出未知的結論。首先如果對前提的認知錯誤，推論無論是否合邏輯，結論都不能保證真確。有限的現世，無論你掌握多少事實，只要放入永恆裡，它對結論的重要性都是趨近零。

龍井樹

噢，上面我講錯左。

有限既現世，人所掌握既有限事實，放入趨近無限長既時間，重要性先係趨近於零；如果放入永恆，對結論既影響係完全等如零。

逃出魔幻紀

回覆 11# 龍井樹
我明你講緊乜嘢，人嘅思想同意志係自由嘅，所以我亦都喺呢度提出個自由意志論同揀選論嘅思考，最後被聖神帶領統一咗答案嘅經歷。亦提出個聖女加大利納《對話錄》記載天主對耶教俻種紛爭嘅親身解釋同指示，祇不過大部分人選擇視而不見聽而不聞嗻。你嘅天線接收角度同思考方式，我好理解；但係我就覺得某啲人明明買咗閒離曬手，然後去努力鬧個庄，呢啲人好奇怪，噉有乜意思呢？你如果有絕對信心呢舖係開閑嘅，你咪陰陰嘴笑等收錢，然後睇下買庄嗰啲人點樣兜踎咪得囉，你越鬧得勁越表示你無信心。不過呢個題目係屬靈方面好易理解，喺《對話錄》天主都有解釋過。

龍井樹

回覆  龍井樹
我明你講緊乜嘢，人嘅思想同意志係自由嘅，所以我亦都喺呢度提出個自由意志論同揀選論嘅思考 ...
逃出魔幻紀 發表於 2019/9/25 17:34

你番說話去同最鍾意鬧鬧鬧嘅 bbc 講就最啱。我呢 d自己唔賭，亦反對人賭嘅人，就連鬧果 d鍾意鬧鬧鬧嘅賭徒都覺嘥時間。

逃出魔幻紀

回覆 13# 龍井樹
bbc係鍾意辯論，而唔係鬧。閙個D係帶住仇恨，唔鬧衰鬧殘你死不瞑目噉嘅款，我真係好鄧佢哋辛苦。
不過邊款都好，都係現實中其中一種存在狀態，係必然嘅存在。我覺得無論係鍾意思考嘅人、鍾意辯論嘅人、鍾意詛咒閙鬧鬧嘅人，同埋……包括作奸犯科者嘅所有人，事實上都係買緊大細（所以我唔同意你話自己唔賭呢個講法），衹要荷官未撳鐘，包括你同我在內嘅所有人都可以喺兩腳一伸斷氣之前調整落注方向，但必須買大或買細，冇得買圍骰。

beebeechan

回覆  龍井樹
bbc係鍾意辯論，而唔係鬧。閙個D係帶住仇恨，唔鬧衰鬧殘你死不瞑目噉嘅款，我真係好鄧佢哋辛 ...
逃出魔幻紀 發表於 2019/9/26 17:00

對某幾個壇者，　我真是在鬧囉。
因為他們根本不懂辯論，　連討論也不如，
跟他們辯論都是嘥膠氣

旁觀者

耶穌要你去選擇，而唔係去消滅其他選項
龍井樹 發表於 2019/9/25 11:48

    移鼠叫信徒殺滅親族，就講明係條明路，冇得選擇。

逃出魔幻紀

對某幾個壇者，　我真是在鬧囉。
因為他們根本不懂辯論，　連討論也不如，
跟他們辯論都是嘥膠氣 ...
beebeechan 發表於 2019/9/26 21:44

雖然耶穌會窒人，不過佢係最高智慧者，佢做到嘅野我哋未必做到，佢做嘢嘅目的我哋亦都未必完全明解，佢反而教我哋要愛人如己。所以我覺得基督徒應該係活出耶穌精神，而鬧係鬧唔出耶蘇精神嘅。

beebeechan

雖然耶穌會窒人，不過佢係最高智慧者，佢做到嘅野我哋未必做到，佢做嘢嘅目的我哋亦都未必完全明解，佢反 ...
逃出魔幻紀 發表於 2019/9/26 23:15

    你都識講哩，　耶穌是「最高智慧者，佢做到嘅野我哋未必做到」，　我只是很普通過普通既小小教友，
有的是一般人的脾性，　七情六慾。

而且，　耶穌也有頂唔順的時刻，　要在聖殿對商販『武力清埸』哩
（有無『無區別』鞭打群眾，　經上就無講勒，　或要召個特別調查委員會，　耶監會。。。睇睇）

沙文

公安條例17B應該入硬。
(2) 任何人在公眾地方作出喧嘩或擾亂秩序的行為，或使用恐嚇性、辱罵性或侮辱性的言詞，或派發或展示任何載有此等言詞的文稿，意圖激使他人破壞社會安寧，或其上述行為相當可能會導致社會安寧破壞，即屬犯罪，一經定罪，可處第 2 級罰款及監禁 12 個月。
只須坐12個月，智慧高過曾蔭權

beebeechan

公安條例17B應該入硬。
(2) 任何人在公眾地方作出喧嘩或擾亂秩序的行為，或使用恐嚇性、辱罵性或侮辱性的言 ...
沙文 發表於 2019/9/27 07:16

包唔包括啲廢青大聲叫：　五大訴求，　缺一不可