逃出魔幻紀

前一段時間討論過的信仰與賭博的問題，在我和兒子的微信通信中再次出現，他提及某名人XXX的有關觀點，好像與很多網友的觀點相似，故在此將微信內容與大家分享（Q：兒子，A：我）：

Q：XXX提出左同我一樣ge問題，一千幾百年之前d中國人或者d無任何途徑得知天主ge人系米抵死，無得上天堂。甘都唔公平，都無得知道天主存在，點樣去信者得救。

A： 我不嬲都知XXX呢啲觀點，都知佢天線嘅接收方向。我嘅觀點係:有人唔聽智者同科學家嘅勸告，亂倫近親繁殖出畸胎，畸胎變成智商低下嘅人，已經睇唔明智者前人留低嘅勸告理論，而且繼續一代代繁殖落去。直至n年之後智者研究出同低B人嘅溝通方法，某啲低B人開始接受勸告去睇醫生，回復返正常狀態。XXX話上述n年內啲人因為唔知有醫生睇，所以成世冇得做返正常人好唔公平，由呢個唔公平可以推斷呢種醫療方法係假嘅，所以XXX決定自己都唔睇醫生，噉你話XXX係低B定正常呢？這種累鬥累嘅鬥氣行為，得益嘅係邊個？損失嘅係邊個？
另外，XXX係將自己視為同天主同level ，但我認為以佢嘅IQ想明白曬無限嘅天主嘅思想，好似用螞蟻嘅邏輯去質問人類嘅行為咁無稽。我相信耶穌基督死後嗰3日，下降到陰府就係去處理上述n年嘅所謂唔公平嘅例外情況，至於點處理，規矩係點，尺度係點，由天主話事，唔到XXX講。

Q： XXX唔信教，好鍾意用邏輯分析任何嘢。

A：  XXX係一個幾叻玩投資嘅生意人，亦都鍾意用邏輯仔細分析投資利弊，但係，佢就冇用呢種邏輯嚟仔細分析宗教，譬如話：喺唔肯定基督徒所相信嘅信者得救不信落地獄嘅概念是否屬實嘅前題下，如果買相信，開盅嘅時候見到係真嘅噉你就贏曬，見到係假嘅亦都冇損失；，但係如果買唔信，開盅嘅時候見到係真嘅就一鋪清袋，見到係假嘅你亦都無贏到D乜嘢。基於此，我相信佢基本上係一個無神論者。

Q： 好似話佢成日玩佛珠噶窩，應該係信佛。

A： 噉佢都唔係咁邏輯咁叻嗻，除非佢好邏輯噉分析話D佛珠同埋D佛理好合理好合邏輯咁話。不過信仰呢家嘢，買大細只係一個比喻，個心真係信乜嘢先至係基礎，呢個亦都係我曾經思考過嘅“預定論”同“自由意志論"嘅問題。