沙文

大佬，唔轉教會而走去離教，係靈性上既upgrade，
抽刀斷水 發表於 2018/11/21 04:41

咁講就畀人睇出貴網其實並非如"本網的價值觀"所申述"宗教包容"、"支持每一位離教者" , 而係處心積慮想製造離教者！
人地想轉會, 您就話不如唔好踢波, 您有咩根據"唔轉教會而走去離教，係靈性上既upgrade"?  教徒認為
轉會先係靈性上既upgrade, 您有冇尊重佢嘅睇法?

本網的價值觀 Our Values
尊重宗教自由：捍衛教徒有自由離教或改變宗教信仰之權利，不強迫、誘使、教唆或反覆遊說教徒離教。

抽刀斷水

話到明係支持每一位離教者，呢個係源於「離教對自身有益」既信念，否則就無所謂支唔支持啦。

首頁都講明：

離教，一般不像信教一樣，是「受感動」（一時衝動，往往看完煽情的見證後）而草草「決志」，反而好像從夢中甦醒，是理性的抉擇。

個人醒咗，仲唔係upgrade? 你要搵根據，可以晌離教見證入面搵啦。我每篇都睇過，先講得出「離教係靈性上既upgrade」呢句。

個人想離開教會但唔離教，就唔好話自己「曾經係耶撚」啦，咁講好容易令人唔會真係做咗離教者，但其實原來仲承認呢個上帝既存在，咁究竟呃緊人定呃緊自己？

beebeechan

話到明係支持每一位離教者，呢個係源於「離教對自身有益」既信念，否則就無所謂支唔支持啦。




個人想離開教會但唔離教，就唔好話自己「曾經係耶撚」啦，咁講好容易令人唔會真係做咗離教者，但其實原來仲承認呢個上帝既存在，咁究竟呃緊人定呃緊自己？

抽刀斷水 發表於 2018/11/21 23:34

咁等樓主澄清下耶撚的定義囉。
我看只是稱謂，現今人叫耶撚，耶穌年代叫法利塞人。。。
泛指講一套，做又另一套，口不對心的教徒。

沙文

回覆 22# 抽刀斷水

一講「實驗並不一定是轉教會，實驗一下離教又何妨？」就已經違反貴網自己宣稱的「不強迫、誘使、教唆或反覆遊說教徒離教」啦。

既然肯定「離教對自身有益」這立埸,而又「不強迫、誘使、教唆或反覆遊說教徒離教」, 咁就被人睇穿貴網的所謂「包容」, 其實係偽善。貴網对教徒的真正睇法係, 教徒信教係錯嘅, 係蠢嘅, 所以先會支持離教嘛；貴網根本就否定兼睇唔起基督教。因此, 貴網在结構上不可能「尊重宗教自由」, "本網的價值觀 Our Values" 中宣稱「尊重宗教自由」, 係不實嘅宣言
若果真係有心「尊重宗教自由」, 點會淨係「捍衛教徒有自由離教或改變宗教信仰之權利」, 而冇「捍衛教徒有自由信教或不改變宗教信仰之權利」

貴網宗旨中的宗教自由，同貴國憲法中的宗教自由
，好似在精神上具有相同意義。

抽刀斷水

咁係源於叫人信教既團體、網站同資訊，向來都如恆河沙數，因此本網既然係少數定位支持離教者既網站，要去捍衛教徒信教就變得好無謂，而且失卻焦點。

咩叫包容？咩叫尊重宗教自由？就係呢度可以容許教徒發聲、甚至傳教，要信教既，網站立場無話要阻止佢架，就算乜教都係。係歷史上由教會或基督徒主理既討論區，講吓反基野就會刪文ban人，咁就無包容無宗教自由喇。

沙文

咁貴網只係捍衛離教自由-- 係宗教自由的局部, 不能宣稱自己捍衛宗教自由

點解唔回應"一講「實驗並不點解唔回應"一講「實驗並不一定是轉教會，實驗一下離教又何妨？」就已經違反貴網自己宣稱的「不強迫、誘使、教唆或反覆遊說教徒離教」"?

貴網的所謂包容, 其實意思係: 信教係錯嘅, 係蠢嘅, 不過您係都要信,我都吹您唔脹, 即本畀您吹下水, 但本網一定打沉您。在貴網的宗教立場下, 揚言"尊重宗教自由", 係人都睇得出您的偽善。您只係實踐咗教徒/非教徒的言論自由, 並無尊重宗教自由。

"要信教既，網站立場無話要阻止佢架" 亦係不實宣言 -- 「實驗並不一定是轉教會，實驗一下離教又何妨？」

點先係尊重宗教自由呢?譬如，我話：我决定明日受浸了!
您就代表貴網仝人話：恭喜沙文呀，终於找到信仰啦!我一定要來觀禮幚您拍video留念呀!

若貴網能夠做到咁包容，就係人都承認您宗教包容嘞

旁觀者

本網既然係少數定位支持離教者既網站，要去捍衛教徒信教就變得好無謂
抽刀斷水 發表於 2018/11/22 22:46

污泥中一朵蓮花！

旁觀者

您只係實踐咗教徒/非教徒的言論自由, 並無尊重宗教自由。
沙文 發表於 2018/11/23 12:20

那要看尊重的是否邪教。

beebeechan

咁貴網只係捍衛離教自由-- 係宗教自由的局部, 不能宣稱自己捍衛宗教自由

貴網的所謂包容, 其實意思係: 信教係錯嘅, 係蠢嘅, 不過您係都要信,我都吹您唔脹, 即本畀您吹下水,

沙文 發表於 2018/11/23 12:20

    咁又要講番句公道話,
「信教係錯嘅, 係蠢嘅,」係抽刀斷水發帖是的個人立埸, 雖然係主觀, 偏激咗一啲,
呢啲都係佢作為普通版友可以講既立埸黎。唔可以因为為佢身份係網主, 就係呢個網既立埸黎。
至少呢到係無「基督徒主理既討論區，講吓反基野就會刪文ban人」呢種陋習,
連亞旁觀者都可以亂翕24既.........真係都幾包容架哩

beebeechan

\離教，一般不像信教一樣，是「受感動」（一時衝動，往往看完煽情的見證後）而草草「決志」，

抽刀斷水 發表於 2018/11/21 23:34

    乜你認為個個信教的都係「（一時衝動，往往看完煽情的見證後）而草草「決志」」過類架咩?
天主教徒係唔可以草草洗既.....一般的都要經過一年半的慕道班, 此(有些正統的新教教會也是如此)
一年多的時間, 幾煽情的慾火都會冷卻既

抽刀斷水

回覆 26# 沙文

    講「實驗一下離教又何妨？」只係提供準離教者可以有這個option，提下都叫「強迫、誘使、教唆或反覆遊說教徒離教」咩？你咁嚴格既標準，就真係似本國既法律喇。

所謂包容，其實應該講話係「寬容」（tolerance），原意係離教後可以有自由投身其他宗教，更有表達意願和分享既自由，呢個自由晌基督教係好難出現既。一個討論區除咗實踐言論自由之外，你認為仲可以實踐邊方面既自由？至於教徒與非教徒之間互相想打沉對方，或者我個人不同意教徒既言論而作出反駁，咁就叫唔尊重宗教自由咩？如果你覺得本網就religious tolerance方面可以改善，歡迎提出一起研究。

至於關於你明日受浸，你想收到我代表本網仝人既恭喜，咁先晌你心目中叫包容，咁我同你對包容既理解真係相當唔一樣。屆時真係有呢一日出現，我就可以話：你要浸我唔會阻止你，對你已經好包容喇，因為呢度係支持鼓勵離教者，而唔係支持鼓勵教徒既。

旁觀者

天主教徒係唔可以草草洗既.....一般的都要經過一年半的慕道班
beebeechan 發表於 2018/11/24 17:51

一個吸毒嘅道友，吸一日係咁High, 吸十年一樣咁High。

沙文

提就係誘使、教唆咖啦。您貼一帖, 教徒反覆睇好多次, 唔可以話「挑我係咁倚講一句」顧播
版主/網主自己講埋一份, 點都有些騎哩, 本來版主應該做拳證, 但而家好似拳證又落場打埋一份咁

提下就係「誘使、教唆」咖啦, 4項您都中咗兩項
貴網宣稱"每個人都有權利去選擇適合自己的道路，健康和快樂地走將來的日子，創造自己美麗的人生。" -- 咁若果我有朝一日決定信教而又健康和快樂地走將來的日子，創造自己美麗的人生, 都好符合貴網的理想, 您有咩理據唔支持鼓励我呢?


貴網既然唔係支持鼓勵教徒既, 「每個人都有權利去選擇適合自己的道路健康和快樂地走將來的日子」此宣稱就並非真心, 其實貴網認為信教後就唔會健康和快樂地走將來的日子

沙文

你要浸我唔會阻止你

擺到明廢話喎。
您可以點樣阻止呢?

「沙文您條扑街一浸落去我抽刀断水就唔斷水, 信唔信我抽刀断㭍吖嗱」咁呀?

beebeechan

那個「離教IG」，極醜化信教的人，又是事實。
不知那是你（抽刀斷水）個人意見，還是代表本網立場？

beebeechan

一個吸毒嘅道友，吸一日係咁High, 吸十年一樣咁High。
旁觀者 2018/11/25 23:56 提交

一時慾火焚身，同條女一夜情。
與十年都係只同同一條女上床。。。。。
係咪一樣先？

抽刀斷水

提就係誘使、教唆咖啦。
沙文 發表於 2018/11/26 06:19

    咁樣，「離教」呢個詞語一提就令教徒知道有呢樣野，所以都唔提得呀？

版主/網主自己講埋一份, 點都有些騎哩
沙文 發表於 2018/11/26 06:19

好多討論區都係咁架啦。

咁若果我有朝一日決定信教而又健康和快樂地走將來的日子，創造自己美麗的人生, 都好符合貴網的理想, 您有咩理據唔支持鼓励我呢?
沙文 發表於 2018/11/26 06:19

個理由係，你到時大把教會勢力支持鼓勵你（及準備收你的奉獻），我可以留返尐精力去支持鼓勵比較少人支持既離教者。

抽刀斷水

那個「離教IG」，極醜化信教的人，又是事實。
不知那是你（抽刀斷水）個人意見，還是代表本網立場？ ...
beebeechan 發表於 2018/11/26 16:44

    我只收集網上圖片，邊幅圖你覺得極醜化咁呢？

beebeechan

我只收集網上圖片，邊幅圖你覺得極醜化咁呢？
抽刀斷水 發表於 2018/11/26 21:12

網上也有唔少四仔相，又唔見你為本網收集既？
至少我同沙文都拍掌歡迎。

抽刀斷水

本來嗰尐相並唔係為本網收集，只係我多年來上網覺得有關基督教而又有趣的圖片而已。

因為咁：
https://exchristian.hk/forum/red ... 3094&pid=123985

所以先開呢個IG而已。