孔夫子, 全世界, 一夜激情, 成安

沙文

其實您的存在，只不過係令尊/令慈一夜激情嘅結果。嗱，這個theory唔係我發明嘅，而係全世界最孝順嘅孔夫子嘅20世孫 - 讓梨嘅孔融發明嘅：

後漢書/卷70 孔融傳：
父之於子，當有何親？論其本意，實為情慾發耳。子之於母，亦復奚為？譬如寄物燦中，出則離矣

而我，有小小補充。您阿媽/阿爸生您之前，又確係未得您同意噃。

如果您贊成安樂死：
既然安樂死都要得本人同意，點解安樂生就唔需要呢？

如果您不贊成安樂死：
既然安樂死得本人同意都唔得，點解安樂生未得本人同意又得呢？

沙文

一般來說，父母包辦生、養兩种行動。在一些特別情況下，會有foster parent同biological  parent分開，咁嘅情形下，我地就有機會剖析孝順究竟係咩一回事。

譬如，假設抽刀斷水拋妻棄子，並無盡老豆責任。好嘞，三十年後有一日抽仔發現有個踎街乞兒原來係老抽。而抽仔一毫子都唔肯施捨，相反佢對阿媽帶住佢改嫁之後父沙三少就好孝順。。咁，大家都會話抽仔對老抽的不孝係啱嘅。而抽仔對沙三少孝順，可算孝子。

由此可見，您孝順父母係基於養而非基於生。亦即係，您孝順佢，根本唔係因為佢係您老豆。若然父母唔養您，您睬佢都有味，所謂孝順，只不過係一宗交易啫。