沙文

我唔明點解歌神話喺鐵塔唔見歡欣人面。我上次喺paris見塔上塔下都有人玩得好開心。

於是我諗，佢會不會係話東京嗰個？於是趁去東京，又特登去個塔睇下。發現歡欣人面都不少。

富士山就更多同胞打卡，hehehaha。至於入自由神像的懷抱，畀錢就可入。唔通歌神買唔到飛？

檀島的磷光不及彼邦的漁燈，就不予置評，因為唔知“彼邦”究竟講邊度。但我唔明點解夏威夷海灘有磷光？有冇人見過嗰度有磷光咁出奇？好多人戴夜光錶咩？

細路仔嗰時聽歌冇咁L多嘢問，而家諗番，其實唔知佢唱乜L嘢

抽刀斷水

歡唔歡欣，歡唔歡笑，其實都係描述返歌者既心情。又或者，佢寫呢首歌詞既時候，咁啱都唔係咁多開心既人晌鐵塔同富士山。

磷光可能係講緊夜光藻，唔係成日有，你唔畀佢寫詞時咁啱見到咩？

沙文

夜光藻係bioluminescence, 笨唔係磷光

抽刀斷水

夜光藻係bioluminescence, 笨唔係磷光
沙文 發表於 2026/9/26 20:33

    國家地理雜誌都係咁上下咁講，歌神都錯唔晒，仲要填詞時幾十年前既科普知識，你咪咁執著。


哥斯大黎加的磷光浪潮

滿月前四天，大約晚上10點，我在哥斯達黎加太平洋海岸的蒙特蘇馬海灘散步。一陣大浪打來時，我看到浪裡有電藍色的亮光，這是會發出磷光的海洋浮游生物所造成的現象。

https://www.natgeomedia.com/environment/photo/content-16857.html

抽刀斷水

據考究，鐵塔凌雲原名就此模樣，是以許冠文作的英文詩為藍本而作。

許冠文本人還在演唱會現場以「棟篤笑」形式揭秘《就此模樣》/《鐵塔凌雲》的創作花絮。原來，許冠文最早寫這首歌竟有勸阻當時的許冠傑與美籍太太結婚之意。

他說：「有次我踏上旅途，媽媽特意來送機。阿媽說阿Sam上星期稱要去美國娶個美國妹，擔心他只有22歲，事業無成，一定餓死老婆瘟臭屋。我於是踏上征途，任務就是要阿Sam回來。我怎會見到巴黎有遊人歡笑呢？大家明白我心情，一到美國就要跟阿Sam講道理！」

我推測許冠文目的係阻止許冠傑娶美國妹，所以先會寫「自由神像，在遠方迷霧，山長水遠，未入其懷抱」，「其」意思字面指自由神像，實際係指個美國妹，「呢條女咁鬼遠，你無辦法娶到架喇，收手把啦」。之後講夏威夷，都係咁既主觀願望，希望細佬快啲返香港。

最好搵到英文原詩，咁先可以進一步研究。

抽刀斷水

應該是其中一段詩句：

Lowering my head, I ask when, where, and in what way
The echo softly replies, at this time, in this place, in this way
Why seek more and ask for more?
So I sang a song on the way home
At this time, in this place, in this way, in this way

https://note.com/sasaleut/n/n0c6246a42b9d?hl=en

沙文

咁富士山做乜q?這段感情中又涉及一個0架妹?

抽刀斷水

設計對白：美國妹唔好諗，咁法國妹、架妹都一樣架喇，溝返陀地把啦細佬。

沙文

明白了。原來係一首港女宣傳歌。

抽刀斷水

許冠文肩負起母親對幼子的擔心與期望，在寫詩紓發感情後創作名曲，可惜港女吸引力不及混血兒，許冠傑始終放棄咗陀地市場。後世就將呢個觀點，推廣為全世界都唔及香港咁好，提升蛙島市民自我感覺。

沙文

唔明點解放棄陀地市埸會變咗全世界不及香港好？佢都係話不及漁燈在彼邦啫，香港係彼邦咩？

疑點2:阿媽叫佢去揾細佬，佢先去paris, then Japan, 然後new york, 再去夏老威，條route同關公千裏走單騎的路線一様咁不合理。機票好L平乎？

抽刀斷水

原本版本係「豈能及漁燈在彼邦」，後來出現改版「豈能及漁燈在香港」(許冠傑甚至在演唱會中，索性把「豈能及漁燈在彼邦」直率地改成「豈能及漁燈在香港」)，無錯彼邦就係指香港，呢個係身處異鄉所指既相對地域。

許冠文係有去美國，但究竟呢個trip有無去埋paris fuji hawaii，抑或作詞老吹，許冠文似乎無公開講過，我諗真係要搵返首原文英文詩先清楚。

沙文

以為好過癮, 其實唔合法嘅。如果係合法嘅漁燈, 你唔會點睇到


漁燈射樓夜如晝 　光污染擾民清夢

抽刀斷水

以為好過癮, 其實唔合法嘅。如果係合法嘅漁燈, 你唔會點睇到
沙文 發表於 2026/9/29 00:05

    作詞既1970年代邊有咁既漁燈呢？都係普通燈既啫。

沙文

就係畀佢唱到四圍都係

beebeechan

自由神像 在遠方迷霧
山長水遠 未入其懷抱


呢句都好有問題，係咪當年Hello 文遊紐約唔知係可以坐船登島, 近距離親近女神咩,
唔止入懷抱, 上埋腦都得啵

抽刀斷水

回覆 16# beebeechan


    "其"表面係指自由神像，實際係指條鬼妹，「山長水遠，你入唔到佢架喇」。

抽刀斷水

許冠文英文或者幾叻，中文睇黎就麻麻地，繼之前沙文抽稱夜光藻唔係「磷光」，原來佢中文寫原本係「鱗光」，即係魚鱗反射既光，你估真係咁多魚不停跳上水面畀你睇到魚鱗反光咩。

其實佢係咪想指「粼光」呢？

< 粼粼波光 : ㄌㄧㄣˊ ㄌㄧㄣˊ ㄅㄛ ㄍㄨㄤ >辭典檢視 - 教育部《重編國語辭典修訂本》2021

沙文

鬼妹都唔係難入啫, 小龍師兄得,歌神冇理由唔得