小朋友, 基督徒, 香港

偶然間, 發現了這個地方, 是魔鬼的地方? 還是只是偶然?
身為基督徒的我, 討厭分我是基基, 你是非基...大家都係人..如果咁分, 真係比小朋友講, 我係好人, 你係壞人一樣幼稚, 長大了...世界上有分好人壞人嗎?
在教會中, 听到不少人會說, 呀同常D非基會點會點..我地基督徒會點會點..(這一切都令我很反感) 一段定論常發生..
是香港教會文化? 我想不, 我也返了不同國家的教會...
在這個平台, 真的有感而發, 上帝也許不是令我們失望的那一個, 教會才是..那一個令人脫離現實, 自欺欺人的可怕的地方..而且, 真的要清醒一點, 令所有人不要太難受和痛苦..

遲D先再分享一D野.

始終人很容易走上極端, 我不想說所有教會也是這樣, 但當人在教會生活, 就會被整個環境所影響, 因為教會已成了你生活中的一部分. 失去了, 你不可想像.
曾經與一個男基拍拖, 他是全職侍奉, 在教會, 很多支持者, 在教會的日子比我長很多. 和他一起後, 發現他完全不同了, 又要求我作我不想做的事. 而且更發現了他很多不可告人的秘密(很可怕), 如果揭開了, 是一個很出名的教會的大醜聞. 我跟教會的牧師和師母傾訴, 我完全信任他們, 我仍很愛教會, 不想他會影響教會, 也不想這件事會影響教會的名聲, 所以就找牧師跟師母.
後來, 他們一直關心的, 原來不是我, 每一次也只是問侯我一兩句就立刻問我有沒有跟別人講, 他們沒有辭去該名人員, 眼見他一直在教會說三道四, 叫女孩不要婚前性行為, 要點點點, 更開班教導, 令大批人士支持他, 不少是女孩子..真可怕. 不過我沒有奸計得逞, 哈哈..只是覺得很可怕.
牧師害怕面對這一個問題, 我答應了他不再找任何人…大家高興地自己呃自己…很無謂, 人的生命就是要靠一大堆假言假語去支撐? 在別人的軟弱上取自信?

抽刀斷水

你要不分基基非基，這個我大概明白。

宗教的人很多時都以自己身為某教教徒而自豪，特別是基督徒經常十分高調稱自己沒有婚前性行為，你有沒有關我甚麼事？飯前祈禱祈好耐，咁其他人食先定等埋你？成家人去拜祖先，你就唔去或者企嚮度，咁屋企人有咩感想？

要唔分，唔該教徒自己唔好咁標奇立異先。

阿修羅

基督教徒既二分法好低層次！
佢地飯前祈禱，話係感恩，我唔祈禱就話我唔識感恩！
佢地都癲既，我感唔感恩係放在內心，唔使做出黎，得唔得？
佢地把口做好事，實際做壞事，咁又點計？

tommy

如果食飯前要祈禱,  我只會感謝父母, 漁夫, 農夫, 同埋自己日日辛苦返工.
明白沒有?!

假如一生都比教會蒙蔽,  你真係好黑仔law.

tommy

你要不分基基非基，這個我大概明白。

宗教的人很多時都以自己身為某教教徒而自豪，特別是基督徒經常十分高 ...
抽刀斷水 發表於 2011/3/16 11:09

我見到果d教會行先, 屋企行尾果d人感覺真係好難受.
父母,兄弟姊妹一齊長大經過多少辛苦日子.  真正屋企人話落街食飯做節就話唔得閒,
平時放工都仆倒去d教友屋企就一定到.

佢地把口做好事，實際做壞事，咁又點計？ <= 講得好

跟住好多教會嘅人就會話, 人誰無過, 人就係罪人, 唔好標籤佢地. 係, 人就係會犯錯, 不過我好反感佢地另一邊相對所謂非基督徒作高等級的批判~sigh~

通常我都好睇唔起呢D人. 就好似婚前性行為, 真係有人可以自己不停同人地婚前性行為, 一面係教會叫人地唔好=.= 痴線的, 跟住佢地就會話, 知而行難, 不要對他們那麼苛克, 人都有軟弱的時候, e.g.老師都會叫學生唔好講大話, 而罪在神中都係無分大少的 ....呢D就係佢地嘅理論. 唉, 可必要講咁多藉口去解釋自己的事..

一句..太虛偽, 太唔肯面對現實.

我不是思想極端人士, 我很欣賞教會對社會的貢獻, 亦非常同意教會對新一代的一些道德教導, 不過, 唔該佢地都要有同樣一定水平同理智嘅人去教人, 如果唔係, 真係垃圾教出垃圾來..唔好講一套做一套. 同埋, 俾返一D自由批判嘅空間小朋友, 唔好用利誘手法, 去令小朋友失去自我選擇嘅權利..

64891687

>佢地都癲既，我感唔感恩係放在內心，唔使做出黎，得唔得？

是,都是那句:

馬太福音 第6章
5         你們禱告的時候，不可像那假冒為善的人，愛站在會堂裡和十字路口上禱告，故意叫人看見。我實在告訴你們，他們已經得了他們的賞賜。
6         你禱告的時候，要進你的內屋，關上門，禱告你在暗中的父，你父在暗中察看，必在明處（openly）報答你。
7         你們禱告，不可像外邦人，用許多虛無的（vain）重複話，他們以為話多了必蒙垂聽。

全中~

我真係有試過去一個教會, 祈禱個陣(我矇住著眼偷睇了...哈哈), 有個男仔帶禱個陣係咁check個iphone...跟住佢就一邊講: "創造天地萬物嘅主, 你係幾咁偉大, 我地係多麼渺小, 多麼不配, 你嘅慈愛, 保守我地...blar blar blar.." 成十幾分鐘...

大家估下佢點解係咁check 個 iphone?

64891687

他的禱文在iphone中

可以係一半arm 咗, 因為佢install 咗聖經嘅app, 佢不停亂摷一D經文出黎讀, 成個魔祈了二十分鐘有多..完全祈完唔知佢想講咩

只是知道佢不停講一D經文..沒有關連的.

64891687

下,這不是叫做:

馬太福音 第6章
7         你們禱告，不可像外邦人，用許多虛無的（vain）重複話，他們以為話多了必蒙垂聽。

嗎

Alice

有時聽到人講野好似有文有路, 好似好有思想好叻咁. 其實佢只不過記得 聽返呢既野再好似錄音機咁播出來.  咪形成講一套做一套囉.

64891687

馬太福音 第23章
3         凡他們所吩咐你們謹守（observe）的，你們都要謹守遵行；但不要效法他們的行為；因為他們能說，不能行。
4         他們把難擔的重擔捆起來，擱在人的肩上，但自己一個指頭也不肯動。

回復 13# Alice


    唉..一D好流暢嘅人..我真係無心機听佢地講咩..一大串terms..聆聽你嘅話語, 賜我地以感恩嘅心..etc.有D人(可能我感受錯掛)係show 緊off. 我見有好多新入會嘅人因為佢地祈禱咁多terms都好緊張..驚自己祈唔到咁多terms..

痴痴地,,

抽刀斷水

回復 15# Guest from 210.6.173.x


    其實諗深一層，好多所謂專業人士，都係成日用 "手達" term呢招，等你班友唔明，以示自己既專業。（如果你傻傻地走去問佢D Term點解，佢地就會帶鄙視咁回應你，等你羞恥唔敢去問）

其實好多野唔係想像中咁Pro，只係外強中乾之嘛。同理，你估term多就多D屬靈既咩？

東風

某程度上有信心相信上帝的人 係一種福氣
基督教既本質係非常之好
但好可惜，現今既教會大多推祟宗教狂熱
弄得一些基督徒 人不似人 鬼不似鬼
而且有好多偽基督徒充斥於基督徒中
這是我對基督教反感既原因

某程度上有信心相信上帝的人 係一種福氣
基督教既本質係非常之好
但好可惜，現今既教會大多推祟宗教狂熱
...
東風 發表於 2011/3/20 00:55

我想知D偽基督徒知道自己是偽的嗎? 一個幾具心理學嘅問題

抽刀斷水

我想知D偽基督徒知道自己是偽的嗎? 一個幾具心理學嘅問題
Guest from 210.6.173.x 發表於 2011/3/20 11:48

     等於無人會承認自己正在信邪教一樣。