基督徒, 朋友

我6年前係公園見到有班基督徒係度唱歌，搞活動。覺得好奇，走過去睇。
裏面有個師母見到我，同我講解耶穌既生平同事跡。
仲叫我星期6去參加少年團契，尼件事對於平時比較靜，無咩朋友既我黎講，
係好大吸引，師母好似好關心我，問我屋企狀況。當知道我同屋企人關係比較
疏遠時，就同我講仲有神會愛我，同埋教會裏面好多人都會同我做朋友。

之後既3年時間我就個個星期走去教會參加活動，裏面d人真係好似師母講既，好
友善，好熱情。果段時間，我性格有所改善，開始多野講左。我心裏面對師母同
教會朋友充滿感謝。 17嵗果年，我既生日到左，我想買生日蛋糕同d人一齊食，
因爲人數比較多我買左2個蛋糕，同埋一d汽水。
團契完左，我就同果d教會朋友一齊食。  
到左結束，就走既時候，師母突然叫我入去房度，問我“你今日甘樣做係為咩？
係咪想提升自己既地位？！”
我聽到呆左。


尼件事成爲我既一個心結。

同埋我永遠5明白作爲師母，點解會存在甘樣既想法。
從此我無反教會，做我既返獨行俠。

Alice

咁係個師母怪d唧, 其他教友都對你幾好呀~~
有d人天生有少少虐待狂, 見到人愁眉苦臉, 佢就會好開心, 懶關心佢咁, 其實係度表現自己, 多d人鍾意佢.
到佢見到你好開心果時, 佢就會妒忌, 一盤水淋你.    又或者佢當時係公園關心你, 只係做比其他人睇, 唔係真係關心你.

不過, 你又唔好為左一個師母就否定全部基督徒囉, 既然你果時無咩朋友, 同佢地做朋友, 點都好過自己一個啦.

weiyan

回復 2# Alice


    吾返教會吾代表要做獨行俠。

當你在教會成長，你會發現人事關係越來越復雜。山頭主義在教會行普通。你的行動令師母誤會你想起山頭。師母擔心有理，但處理手法低劣。事件也反映師母對教會教導，對神在教會的帶領沒信心。

恕我多口講一句，過份付出不可以幫你建立人際關係，反而會得到更大傷害。

Alice

咁大家都係估下唧, 真正原因要佢先知啦.

"吾返教會吾代表要做獨行俠。" <--- 同意.
可以去發展其他興趣, 咁就會有新朋友

E72

帶著任務去交往的朋友, 大家的關系, 大部份都是相關於任務的.  
例如: 同學 ... 40 個中學同班同學, 有多少個會在課後一起玩....同事, 如是...教會...如是...

你在教會內, 如果有一兩個交心的, 就係朋友, 其他的是教友.弟兄(係弟兄, 唔係兄弟), 大部止於教會.  加上基督教是以神為首位, 很難找到忠干義膽的兄弟.  Alice 講得很對, 在教會內, 確實比其他地方溫暖的.  

如果有時間, 也可以多參加其團體, 民安隊, 醫療輔助隊也很好.  民安隊更是有津貼的....

Dalvm

當時你有無記得請埋你師母吃蛋糕

0013

weiyan你講得好有道理：“恕我多口講一句，過份付出不可以幫你建立人際關係，反而會得到更大傷害

雖然果件事係令我離開教會最大原因，不過平時係教會同人相處我都有時會見到d人醜陋既一面= =


同埋教會成日播非洲兒童餓死，病死，被侵犯既片斷，我見到好5明，個牧師話神對每一個人都有一個計劃，難道神見到d兒童一出生就要受苦，要餓死，點解5伸出援手，我日日幫祈禱，都完全聼5到嗎？？神對信徒寬宏大量，點解5幫埋d悲慘既人？？？？

0013

Dalvm 我好肯定師母當時話：幾好味

Login

回復 9# 0013
那她很大可能跟alice說的一樣在別人面前做戲吧
對別人的印象跟別人的真實人格可以差很遠的
你因為師母而不回教會,那信仰方面還在掙扎?還是已經放棄了信仰?

潔瑩

回復 8# 0013

人是醜陋的生物，抱任何信仰的人皆是。你的故事說明了你的取向是捨棄群體生活，選擇離群獨處，並非出於任何人犯了什麼過失。

認為別人的說話刺耳，問題是出於自己。做自己認為是對的事情並不需獲得別人的認同。你認為師母小人之心，其實會否是你對自己向團友所表示的友善和分享不夠信心而已？

Alice

回復 9# 0013

"係咪想提升自己既地位？！”  佢講句咁既野又真係好離譜, 加上果日仲要係你生日.
如果將來再有類似既情況, 你先表達清楚自己: 你買多個蛋糕係因為唔夠食.  點解要咁問我?   你覺得買多一個蛋糕就可以提升地位?  咁買十個蛋糕可以提升到咩職位??

再教導下佢, 今日係我既生日, 你竟然講句咁既野, 有無唸過我感受架? 枉你為人師母!

你當初離開教會, 可能係一個好決定, 有個咁既師母, 你都唔方有好日子過.

weiyan

回復 12# Alice

"係咪想提升自己既地位？！”  佢講句咁既野又真係好離譜, 加上果日仲要係你生日.

一Ｄ都吾離譜。爭權搶利是教會每日發生的事。你讀歷史或睇武俠片，就見Ｄ人通常藉生日，婚禮，死人禮吹雞。天災人禍，或者大豐收也是吹雞好時機。藉生日起朵係教會已經玩到殘晒。事件可見師母是老實人（係stubborn種類）。如果師母識小小孔孟之道，加小小老莊，一定會務晶晶日上。

怒我似老賣老，你好似入教未深。

weiyan

我都好鼓勵年青人，等別高中至大學職前青年翻教會．

點解對教會有投訢？又見你地投訢麥當勞冇愛心？因為對教會有錯誤其望．教會包裝成好有愛心，實踐上是一個名利場．當中利益關係較商界嚴重．商界以争利為上，教會有人争利，有人争名，有人争仔，有人争女，有人争上位，有人争表現（在下係道發帖正是爭表現的例子）．有人去教會借力．長者／少青教會是密月期，因為是服務對像，是籌錢的理由．過程之中各取所需．當少青一齊成長到某階段，有些人由追求關係發展到追求更多野，政治風雲劇變．所以師母對１７歲好緊張．上層要管理好爭上位的人的手段有利於教會．如果你話一齊去行區禱告，去傳福音，搞生日派對請新朋友被你傳福音，這些是認可的起朵手段．禮拜時開咪叫全教會撐你．


後加：如果將生日蛋糕錢捐比教會，再叫一人捐ｄ比教會作為賀壽，師母一定開心到心臟病．


講返點解年青人要去教會，因為以學習．在幼年睇到世界最黑暗的事物，你會更加知道何謂愛．講賤小小，你可以在教會預習爭名搶利．爭得到，人物網絡可以幫你發展事業．爭衰左？冇所謂，你都學到野．最多吾返教會．你睇睇，吾小高官，商界名人，名星都是教會中人．

吾使咁反對教會．最重要合用．路上有堆狗屎，你可以用來種花．

Alice

to: 0013,    前輩都講得幾岩.
爭衰左都學到野.  
可能師母怕你成長左, 做埋牧師, 搶佢老公個位呀

E72

回復 14# weiyan

有些時候, 人做事未必想得咁清楚.  有些人真的很單純, 只為一個目的出發.

0013買蛋糕, 目的很簡單.  我估計是他在教會玩, 又吃過教友很多款待, 生日時買蛋糕請其他教友吃, 可能都是跟其他教友的做法.

忘了說...你的分析很有道理

weiyan

回復 15# Alice


    師母係怕別人爭了師母個位．雖然在常人眼中這個位冇價值．我第一間教會個師母睇到牧師都吾知幾實。所以未到六十歲已經就快盲。

weiyan

回復 16# E72


    你所言好有道理。００１３好單純，見到別人做自己又做。佢如些怕事，點會做出位野。但好多時睇小了一些，別人可能有江湖地位。做者無心，看者有意。可能有人覺得００１３挑戰她的地位，去師母道報串講是非。師母讚蛋榚好食，會引起別人的妒忌心。一連串化學反映就開始了。

００１３可吾可以比個名我地。大家都有個名。比個你平時好小用的名都ＯＫ。吾一定要真名。叫你數字對你好吾專重。但如果你原本個名就００１３亦冇問題。

Dalvm

是呢...你的教會有無教你學會饒恕別人?

可以的話請饒恕你的師母吧...

我覺得這是很小的事, 忘記了它便可以繼續和你的朋友一起了........

0013

我想將尼件事忘記，有無辦法刪除尼篇po文？