朋友, 在家, 而且

我全家都是耶和華見證人。
    我從小已經對家人這個宗教毫無興趣，但從出生到現年二十出頭，每周就要被家人強迫參與1次傳道和2次聚會，還有1天在家的整家人崇拜的活動。
    即是一般人一個星期有7天，而我，從出生那天起，我的世界裡，一個星期只有3天。
    我相信世上有神，也相信是他給予我們一切，但我確實不大同意這個宗教和這位神的處事作風。
    這個宗教，令我沒有正常的童年，我不能有親密的好友。
從小到大在其他同學朋友看來正常不過的事情，我也只可以偷偷瞞著家人做(例如戀愛*[因為這個宗教只能在教內認識女友，而且拍拖最後一定要結婚，而且只有受了浸的人才有資格這樣做]，還有在課餘時跟同學朋友外出吃飯玩樂......等等)
    幸好，我高中時交到一班最好的朋友，一直到現在，但每次跟他們外出吃飯玩樂，都要瞞著家人，說出去做功課。另一方面，卻不能被朋友們知道我是這個宗教的人，兩邊瞞的生活令我非常痛楚......

    我小時候曾經受不住父母的壓力，成為了這個宗教的未受浸傳道員，那時我覺得順父母的意思，可以令父母開心。
    但人大了，發現，成為一個耶和華見證人，是不能有目標和理想的。
    只要父母發現我有某些志向，他們都會說"會影響聚會和傳道的時間"/"那個行業可能會接觸到違背聖經原則的東西" 一類的說話。想學習多點，充實自己，他們就會說我的心只想著無益的事。
    我開始越來越擔憂和痛苦，因為我快要大學畢業了，也交到一位很心愛的女朋友。

    我曾不止一次跟爸媽坐下來談過，表明我很愛家人，但卻真的不想留在這個宗教，好想做一個真正的自己，但換來的，卻是父親的烈怒和母親的呼天搶地，還有其他兄弟姊妹的冷眼。

    漸漸地，我成了雙面人。一面去齊了這個宗教的所有活動，另一面，在那空餘的3日做回一個普通青年，偷偷吸煙，偷偷戀愛，有婚前性行為。兩邊瞞著。
    我真的很想做一個真真正正的自己。
    但這種生活真的非常痛苦，我曾想過自殺，但我很愛我的家人，同學和朋友。
    每次聽到有人稱讚我有才華，有潛質，我都會想哭，因為我學了一腦子知識，卻不能有發揮的機會。
    我真的很想做一個真真正正的自己，做一個真正活著的人，我很想向著我的目標邁進。

    大家，捱了二十多年了，我可以怎樣？

龍井樹

回覆 120# Leslie

找到適合自己的路就好了，恭喜！

抽刀斷水

系統方面就check到同一IP既，不過你都講得啱，邊個係邊個呢？beebeechan究竟有幾多人共用呢個login name，而八年前既beebeechans團隊同今日既beebeechans團隊又有幾多出入呢？

https://zh.wikipedia.org/wiki/AKB48

beebeechan

八年前既帖，　仲係以遊客匿名出帖
邊個打邊個未知哩！

抽刀斷水

我估「成功」係用黎對比之前既「失敗」，你重溫返最初篇啦。

beebeechan

我已成功離教了！！！
Leslie 發表於 2019/5/23 05:54

何謂『成功』離教？

抽刀斷水

真的嗎？有空分享一下過程吧。

Leslie

我已成功離教了！！！

抽刀斷水

如何？

Leslie

唉唉唉唉唉

我不能PM. 有其他方法聯絡嗎

Leslie

回覆 113# Guest from 202.69.73.x


    pm我whatsapp可以嗎？ 我想認識妳。我真需要有人明白我。

leefeng

耶和華是以色列人創作出来的，没有真的神，也不是神，見證甚麽呢？自欺欺人的騙局！！

Jom

家人,廣東話叫屋企人.
家人不是該包容所有,而是有責任接受所有,這才是家人.
做不到的,只說是認識的人.因為每個人生命中會認識的人太多了,但誰又會真的為你而付上責任呢?
是呀,很難為,很不捨.但又如何?不是見證人也有很多活著的見證,見證人我也見過很多失見證的.
這個神,沒有它也能活得安隱自在,就怕你自己沒想自己安穩自在罷了.

我有一個耶和華見證人的家庭
我相信上帝 相信聖經 相信這是真理

我也試過偷吸煙，偷戀愛，有婚前性行為
雖然現在已戒煙
但因為男朋友不是見證人的壓力真的很大
很明白樓主的為了家人心理... /_\

想做自己，就要有被討厭的勇氣(推阿德勒心理學)，我是不信就不信那個網友，在那本書中有寫到，不要為了滿足他人而活！！選擇一條自己的路，別人怎麼想，是他們的課題，也就是說他們自已的事，你根本不用在意，無論父母多麼的傷心，也沒關係，想要自由，就做你自己吧！！脫離錯誤的教義，擺脫宗教所帶來的總總困惑！我就是活的這麼自在！！
我爸媽奈我何？我是他兒子耶。

沒什麼好痛苦的吧，我不信就是不信，我跟我爸媽直接說過了，他們面目猙獰，瞠目結舌，但是我只露出不要臉的表情，心裡並想：「打我呀笨蛋！」

抽刀斷水

愛恩斯坦已經證明左時間係一個錯覺，其實係無過去、現在、將來。
Guest from 112.118.234.x 發表於 2015/1/18 00:52

    愛因斯坦只是否定了時間的絕對性而已，因而產生了「時空」一詞。

樓主件事，他們為了眾人壓力之下，為了自己面子問題。
確實有可能把樓主逐出家門。

我只有相信上天有祂的安排，每件負面的事，是每個人學習正面的機會。

這是來自與神對話一書中，指出的神聖二分法。

經歷黑暗，才明白什麼是光明。

希望你不要把自己情緒太壓抑，影響了心理。
婚前性行為，我理解唔係咩咁罪大惡極的事情，每個人只要為自己的問題負責，並沒有什麼大不了。

他們入面的人，好多都有婚前性行為，然後逼自己結婚。
返教會扮恩愛，離開教會就爭吵

國皇的新衣，原著故事係點，唔多講了。
背後的意義是，人人在初其被灌輸了一套思想後，就唔願意再去面對真相。
即使真相活生生在眼前。

「耶證」背後經營的意識形態就有如「國皇的新衣」：
耶證思想：你地呢，要相信我地個解經法，同教義係真的！如果你唔信，其他的野都來自撒旦。佢地就唔會直接咁樣講出來，但就好明顯有呢種意識形態，係入面一個傳一個。

於是乎，根本無人夠膽講入面有咩問題，如果講出來會點？

1) 被杯葛
2) 比人話係撒旦

呢種壓力，會把無自信的人，做成一種壓力，為了取得別人的信用和支持，和想得到一種歸屬感和認同，就會留下來。
有個咁既先入為主的概念，人人都會話我相信樂園，相信教條得救，如同說看到國皇的新衣一樣。

背後的目的，就如同其他教會說，你唔乖就落地獄，呢個係好多教會背後要控制人的理論，來到教會受洗就可以得救，唔係有呢D交換條件，教會其實會崩潰。咁你唔係想有著數，加入來把鬼？教會就何來有錢或人去經營？大家諗下啦！

咁「耶證」又會好特別，話無地獄的，人死後無知覺和永遠消失。呢個其實只係將地獄改成無永生希望，來控制教徒的思想，是原理相同。

咁好啦，佢地咁嚴格啦，守規則可享永生，呢個因果論，好多人都深深相信的理論，做好事有得救，做壞事有報應，就會無得享有永生。比較以地獄去控制人去睇，只係換過講法，再生動D，比人感覺好似岩D，有準確的原因，然後引導左人去質疑其他教會，咁會否佢地係愈比話唔岩，才會是受考驗的真基督徒呢？我諗佢地唔係有心咁樣，係個個人，一個傳一個人，走左入呢個意識形態都唔知道。

雖然無得下地獄永燒啫，但個個在國皇新衣心態下，邊個又會敢講，我唔想永生？人在群體圈子裡，多數天生都怕比人睇唔起，你係入面唔想永生，當然會有壓力啦。正如無人話國皇無著衫，因為講左就即係話自己笨。

其實「耶證」最能夠培養出「負面」的人：
咁佢地話將來大災難。。。。以前錯估大災難時間，係佢地最唔想面對的黑歷史。而家成日估，快架啦，有咩世界大新聞，又會個個痴曬線話，快架啦，你地再唔返教會，可能會死架！例如釣魚台都會拎來講一餐，好似好恨有仗打咁。總之有咩負既野，就會成為佢地說應驗大災難的理據。

快思慢想一書有指，有時世界發生的事是隨機，好多因果事情的思想問題，已經證明是錯覺。其實，好人係唔一定有好報，壞人都唔一定有惡報。前因後果呢個文化，亦都對佢地的教義，做成了一個規則理據，但其實，呢個世界係無咁樣運作，當然，經上真係有咁記載關於惡人入地獄之類的事情，但我想強調呢種前因後果報應的想法，是影響著好深厚的意識層面，包括他們對生活上的對人對事，都會顯得較偏激。

先唔好講聖經，坦白點，從多年的歷史來其實以前有仗打，今日都係一樣，以前有地震，今日和將來都係間中咁有。如以香港而言，其實大家享受的繁榮，都比以前好左，多左人有書讀，文化質素好左。而家香港最痛苦的問題是通漲樓貴，但如果問返上一輩的人，以前的香港，原來要租床位訓。

不過，佢地應該又會話，你留意下其他國家的飢餓問題，呢個又係以前和現在的問題，其實根本一直都有，真係唔好成日話咩都愈來愈差。呢個，又係像快思慢想指的一類錯覺，就是根本無清楚對比過去的模組，和今日發生的。

如果你好努力咁搵曬呢個世界其實變好左的理據，佢地就會話呢個係撒旦的詭計，因為生活太好，就會忘記上帝。

於是乎，在該教會的人都精神上傾向「負面」。
如果呢個世界有一點美好，就會違背左佢地個講法。

佢地最唔讀書，最唔科學的人：
愛恩斯坦已經證明左時間係一個錯覺，其實係無過去、現在、將來。全都發生在現在。佢地唔明呢樣，成日去估將來幾時有大災，而唔敢講確實的日子，但成日講「WILL BE」，進入一個永遠「WILL BE」的意識形態。呢個就係捉著唔夠科學的人的心理，人人都想有一個唔可能知的答案，來呢度就「可能」好接近會知道世界的結果，自己又可以有咩獎品。

佢地都會好反對進化論，我先唔理進化論岩唔岩。但佢地真係無考究過進化論背後好多探討過的事和意義。就算一條科學功式唔岩咁又點？佢地係連一條功式去反物理學的能力都無。

佢地實會話，我地無辦法見倒進化左中的生物，我們在開始時巳經係咁。呢個講法，又同恐龍時代及石器時代斷左軌。

再講，我們巳經可以推算了多維空間。每一維的生物，是沒辦法睇倒另一維的生物，正如我地見唔倒鬼。佢地係無呢方面的學識去質疑自己，全都局限自己眼睛見倒的事情之內，只會拋自己個教義出來就係一切，管你咩物理功式。人地就有功式，有推論，佢地真係得把口架渣。佢地呢，就無人提過多維理論的，佢地識鬼咩。。。

佢地好自豪話地球唔係因為大爆炸出現。
佢地又唔會去了解下大爆炸點計算出來，即係將自己的作為人類的觀念套左係上帝身上。能否假設大爆炸，在上帝看來，只是好簡單的事？雖然無直接咁講，但愛恩斯坦同科技學家們係咪即係撒旦？佢地其實有咁既一番意味，有咁樣的意識形態，自己笨到都唔知。

咁佢地點解咁唔科學？因為好多人都無大學畢業。
大學論文，就是教人要獨立思想，要推證一件事，和相對的事，佢地無呢種能力，自然最無腦，呢種人，最好就係你講乜，佢做乜，你要佢付出乜，可以確定有獎品就最好。因為呢一類最唔識自己思考的人，最岩就係入呢個教會比人點。

其實，佢地尺度一直鬆減：
初時呢（N年前），佢地話，唔入佢地個教就會死。後來好似驚唔夠人。因為有人問，有D好人未有機會入教咁點？什至，自己家人無信教。咁係咪死緊！？復活要同家人分離，就對佢地提出的誘因大打折扣。

不過，佢地首先會暗示或搵一D經文支持，呢D係撒旦的考驗！

然後，隨時間改左口話。。。。應該義人都有得救，大災難後1000年再受試探。呢個講法，確實係以前無，係後期加上去。

仲有就係，佢地好堅稱話其他教會都係偽宗教，是大巴比倫，我真係好公平咁睇一件事，一個德蘭修女做過的事情，比他們的歷史偉大得多。我無法相信德蘭修不是「愛」。但佢地又會話個別啫。。。

不過，佢地個網站改左啦，話自己尊重其他教會？既然話自己係獨一必享永生的教會，點解唔堅持下去？相信只有這樣講，才可以繼續經營下去，因為網絡資訊太發達。

既然大災難後有第二次機會，做乜成日叫人去傳道，唔去教會，好似死得咁？ 呢個就係矛盾了。又返回因果論，如果好事做得多，會獎品多，但佢地又會話上天國的人只得14萬4千人，但又要挑選先有，又矛盾話不是人人想去天國，大部人都想永生，之旦係又會有第二次試探。你地有無睇倒以上有咩問題。如果在因果論基礎上，呢度都違反左同人性的理解好扭曲，佢地無辦法把獎罰分明的因果弄倒成對等。


「耶證」的經營文化：
人人都為左表現得更好，就有一個精神帶領效果，使人服從去傳導。基本上，如果無上述的意識形態支持，係會無辦法經營得倒。該組織架構上，都有一個商業文化的階級觀念，有分長老、受洗教徒，無受洗的人（其地位用研讀過的書本計算），又乜乜先驅傳道員，及普通傳道員，還有美國總部的指示。

呢D身份稱號如同辦公室的，經理、文員、倒水的呀嬸及老闆一樣。佢地會好自豪咁話，帶頭的人，工作最多，但細聽下佢地的態度，係好鬼階級觀念，係見高崇拜，見底踩，就算果個人演講幾咁難聽，幾咁悶，因為佢個職稱，也會有不正常的評語。唉，邊個會夠膽講丫又，國皇的新衣的故事，呢度唔需要再提了。

講就話讀聖經，其實只係搵一兩句來讀：
其實，先唔好理新世界譯本有咩問題，只要花時間由頭睇一次，自然會搵倒上文下理，睇倒佢地自己都有問題。對佢地有利或有害的經文，佢地會自己取捨新舊約的講法，而逃避問題。呢度唔多講了，好多網頁都搵左個問題出來。

除了國皇新衣論做成之外，仲有就係佢地個個人把口話研讀聖經，其實極少人，會由頭睇曬成本一次，有睇曬成本一次的，多數心裡必知有矛盾點，有些會離開，有些因群眾心理，只有留下，因為一走了，自己就再什麼也不是。
成日返去教會，配合D書仔冊子，揀幾句來讀，然後說返個故事，拿。。。聖經早就有道理咁講了，你地認為守望台對聖經理解的預言咁準確，咁又植入左個意識比人，無人明白的啓示錄，佢地估的大災難就應該都唔會錯了！個個又傻傻咁，係喎，呢一句真係咁講喎！

其實，無人去搵下上文下理，呢一章拼果一章的一句，同留意新約和舊約之分，係咪反映倒佢地講件事？即係咁，我自己一個人要做一件事，係聖經搵一句去支持我自己，其實真係唔難架。呢個問題，如果，有人肯講出來，咪又係即認自己唔聰明羅，我睇唔倒皇帝件衫呀～！

D教義，唔多講，我都唔會信其他教會的講法，公平D講，我真係唔知聖經原文有無被刪減或增加過，呢個講法好公平，成本聖經時間上是拼合，但是否每一章節都連貫，相信懂字的人，都心中有數，尤其是四大福音，己經突然變得好唔同，我立場來看，中間是否缺了章節，真係好難講！

啓示錄權威的錯覺點：
佢有本書，專解啓示錄，坦白講，我就算睇曬新世界譯本，都無法理解啓示錄指的係D乜。最搞笑有句話「數如繁星」，佢地就指，1914年後，佢地的冊子，就意味經文中的「數如繁星」。

呢度又反映左，一本聖經咁多句子，要求搵一句，去講返自己教會發生可能雷同的事，有幾難丫，但入面就唔會有人咁講。

做人又好，讀聖經又好，唔知唔識，自認無知，是最老實，對呢個世界，對神又好，對自己係最公平。扮係識，扮係話呢段經，對佢教會有咁既獨特意味，然後引導人去質疑自己，從而控制人。咁樣做人，係仲衰過一個無知的人，連孩子都不如，所以有孩子心的人，能指出國皇根本無穿新衣。

大部份耶證人，無「學位」，心存妒忌
呢個呢，佢地把口唔會認的，但相處下就知的了。因為大災難成日都話快到，就比自己有個借口做人唔負責任，有利的就話上帝幫，行衰運唔好果D，就話係撒旦考驗，咁佢地自己個責任係邊度？於是乎，較多人都唔讀大學，唔賺錢買樓。

佢地會話有D人覺得屬靈的事比讀書重要，什至過於對家人，及自己的感受，呢個壓抑會帶來咩負面後果，我隨後會有見證。
咁就會搞到好似讀大學，買樓，識去賺錢的人就係唔清高，好似有罪咁，因為親呢個世界多一點，就有遠離上帝的意味。呢個意識形態，大家自己證實下。佢地唔會直接講，你同佢講讀書考試好忙，都係會表面溫和，內裡給你壓力，要你參加傳道。

而我親身經歷就係我的家人，因為我讀大學，買樓和賺錢，而要審判我，但我問返佢地咩事，講唔倒原因。，我在他們身上只看見了邪惡的撒旦，和一種控制他人的慾望。

就連我娘親反問，我做這些事有什麼問題，他們無辦法回應，總之我賺錢比他們多是活該，雖然他們不信有地獄，但也聲言說我是人渣，要下地獄，更用暴力把我母親推倒。

雖然，我不開心，但我看出了這教會的意識形態，是把人的心變成如此「負面」、「妒忌」，你不在他們教會裡，你還活得好的話，佢地就會覺得你唔正常。好多人都會提，佢地教會的人知你離開後，就唔會再啋你，什至在街上見倒都避開你，我唔見得呢D人心裡有「愛」，如同我看不見上帝。佢地好鐘意引用經文，若人們看到彼此相愛，眾人就認上你是上帝的門徒。真的嗎？

其實，佢地個教義咁真係無法，因為佢地意識上理解，人人都應該在受苦，通往永生的路是窄，有錢開靚和買樓，做人活得開心自在，對佢地來講就一定唔係咁正常了。我初時，以為大家都係人，唔會咁極端，但事情真係咁發生在我眼前。

如果將件事同佢地教會照直講，他們可能又會說「個別事件」，但你們自己探討下，好多入面的人都有「個別事件」，然後佢地會話這是撒旦的考驗。

在我看來，這世界因為佢地既睇法，是否人與人之間，唔在佢地教會的，就沒有「愛」？每個人大可以試把這個問題，直接問上帝。

我相信一個正常健全的人、心裡有愛的人，馬上有答案，你相信你自己吧！