credit, 朋友, 信仰

沙文

10個關於信徒離開教會的原因
因為要應驗經上記著說：「凡有水的，就應當抽」。

比返個credit陶傑先。

有朋友問我對近日信徒出走教會有何看法？
信徒離開教會，過去不少，為甚麼近一兩年好像一回事，大家都不斷談論，冰封三尺，非一日之寒，信徒出走，其中一個原因，是教會領袖長期移動道德和信仰龍門。

1. 當你唔熟聖經，唔理解神學，佢叫你多花時間鑽研。

2. 當你花時間鑽研，佢同你講知識叫人自高自大，要有愛心，惟有愛心能造就人。

3. 當你研究聖經原文，佢同話你浪費時間，原文唔重要，要了解當中精義，不能單憑字面。

4. 當你話律法精義要愛人如己時，佢同你講聖經黑字白紙寫明同性戀係罪，無得傾。

5. 佢一邊怪責信徒唔關心教會，當有信徒關心教會發展，問點解要成十億擴堂時，佢地又怪責人太多事太多聲音，不要怕，只要信。

6. 當你話，所有人都係罪人，連一個義人都沒有，佢地認為，不信嘅人比佢地更有罪。

7. 當教會領袖犯錯，佢地話唔好論斷人，唔好掉石頭，唔好因為犯錯而抹殺佢嘅教導，普通信徒犯錯，有一系列嘅教會紀律！

8. 佢地叫你順服在上當權者，到佢地利益受損，又帶頭號召示威遊行，反對政府。

9. 佢地話教會唔應該講政治，唔准提雨傘運動種種，但佢地又樂意請基督徒高官及建制派議員講見證。

10. 佢地話世界墮落之後，信心唔應該放係人身上，要定睛看神，不要看人，佢地同時又覺得，只要向更多政府高官傳福音，更多統治者信耶穌，社會就會變得更好。

還有許多許多、許多許多。

這就是人離開教會的原因，佢永遠是對的，一切都係你錯。
全文刊於馬斯特的網誌，獲授權轉載。標題經Topick 編輯修改，原題為「信徒離開教會的原因」。
http://topick.hket.com/article/6 ... 4%E5%8E%9F%E5%9B%A0

beebeechan

其實是有這些原因，使人離開教會
還是有人已離開了教會，才找些「原因」來說明：「我没有決定錯」； 「不是我的錯」呢？

跟亞當厄娃吃了禁果後與神對話時的模式一樣。

因因果果，有時根本是弄不清

抽刀斷水

陶傑原文：

有朋友問我對近日一個姓「肖」的大陸肥胖兒童在港非法居留又有書讀，有何意見？
一個肥仔，有何資格變成「社會公敵」？冰凍三尺，冇錯，這個小孩無罪，不過溫家寶說：香港有好多「深層次矛盾」。係好多自相矛盾的成年人有罪。
「肥仔大風暴」的焦點，係一個虛偽而又長期移動道德和政治龍門的所謂「建制派」---
1，當你講「公民抗命」時，佢同你講「依法施政」。
2，當你講白紙黑字的「基本法條文」時，佢同你講用隱形墨水另加的「基本法原意」，或者僭建在上的「人大乜乜講話決議」。
3，當你講「依法施政」、並提醒佢曾經話過「非法居留無證童不可以在香港入學讀書」時，佢同你講「弱小無辜，有教無類，肥仔都有讀書的人權」。
4，當舒淇被指在康城自稱台灣人而遭到大陸網民狂罵時，佢話這是「民意」。黃之鋒、林慧詩俾「愛港力」與網絡左毛狂罵時，又係「言論自由」。但網民紛紛強烈叫「肥仔肖」返大陸時，佢話咁樣叫做「網絡欺凌」。
5，佢話要「消除前英殖民地色彩」，郵筒改顏色，警察換制服，但前英殖民地留下的鄉村俱樂部，佢唔會剷除，高爾夫球場一切保留，佢自己同佢 D 姨媽姑姐用。你話唔夠土地起居屋公屋？佢話，可以「開發郊野公園」。
6，你在中學討論民主普選，佢話「唔好將政治帶入校園」。但佢叫校長教師宣傳「袋住先」，就係「國民教育，天經地義」；而 D 什麼西社團叫學生撐一個政治方案，錄影公開，交換去美國，則屬「個別事件」。
7，佢帶頭話「港人優先」、「港人港地」，當你也這樣講，你就係「港獨」。
8，佢叫你接受中國國民教育、母語教學、普教中；佢 D 仔女送晒去英國受英國教育、英教西 --- 當佢下令香港的中學每個學期強制要昇幾多次五星旗或參觀解放軍軍營加強國家認同時，不要忘記，他在英國讀書的仔女嗰間寄宿學校，十幾萬呎的操場，昇的是英國米字旗，英國寄宿學校參加英軍訓練營，個課程叫做 CCF。
9，佢話你「勾結外國勢力」，但佢個律政司或警方，一旦打大案，就會用你的公帑，由英國高價聘請英女皇御用大律師。
還有許多許多、許多許多。
香港特區十七年來，當咁嘅人 --- 如果佢哋仲 Qualify 係「人」的話 --- 不停狎玩着你時，一下撥款一千億，一下又話超支撥多幾百億，高官厚職，近親繁殖，樓價地價，火箭上昇。小圈子利益均沾。
但係你唔好反抗，要理性溝通。你理性問佢，佢冇反應。你大聲 D 再三追問，你冇禮貌。你攔住佢，再質問，你「激進」。
這就是香港特區的十七年。總之，佢永遠是對的，一切都係你錯。

https://www.facebook.com/tokit.channel/posts/879627745443083