基督教, 朋友

抽刀斷水

有一天，有個工作上相遇的非基仁兄，他說他老板叫他跟老板返教會，而他以住得遠為由拖延，話想搵間近家的，他知道不能拖得太久，一定要返，否則被老板質問時口啞啞．

我知道他的進退維谷之處境，於是教他幾度散手來應付基基老板：

1. 他家附近有間中華基督教XX堂，是大型座堂．就叫他返這間．千萬不要去蚊型樓上鋪教會．
2. 大型座堂教會不會有人拿表來叫你填寫個人私隱的．假如萬一真係有此不幸事情發生，你就話不是新來的，舊時己填過了．
3. 揀座位要揀後排，即是方便鬆人果種．
4. 如果台上主禮人問「有誰今次是第一次來的新朋友，請舉手，或請起立」，千祈咪郁，要扮到不是新客，如果不幸被發現，就有排你應酬，被圍攻 cap 你的私隱．大型教會的好處就是人多，即使舊客
也互不相識．如果去間蚊型教會就大鑊了．
5. 如果台上主禮人或牧師叫會眾打開聖經乜書乜章，不要動．因為你拿起聖經不知揭到何處是「西番雅書」，好容易露出馬腳．一動不如一靜，橫豎牧師都會讀出經文，你翻不翻開聖經根本無分別．
6. 見隔鄰左右做乜，你跟住做．例如人地低頭，你就低頭，人地站立，你就站立，人地坐下，你就坐下．
7. 重要環節：收奉獻．你不放錢入袋的話，就好怪相．不如插手入袋，好像取錢，奉獻袋傳來時，你就做個放錢入奉獻袋的假動作，其實是放空氣．不要浪費自己的金錢．
8. 散會後，不要馬上走．查探廁所 location，日後返來聚會如人有三急，不用走來走去找．
9. 不要與陌生人談話，包括在門送別的工作人員．
10. 聚會派給你的週刊，拿回家，看看主任牧師姓乜名乜，日後吹水用．

去了一兩次，老板想考你有無返教會，你 up 得出個牧師名，咁就 pass 架嘞．

補遺：仁兄問我好不好買本聖經來熟習下，我話「唔好嘥錢，一本要成百幾蚊咁Q貴，等你個熱心基督的老板送比你啦，照計佢咁愛你的靈魂，無理由吝嗇o既」

- From Hendera @ 三屋基版

沙文

去了一兩次，老板想考你有無返教會，你 up 得出個牧師名，咁就 pass 架嘞．

抽刀斷水 發表於 2014/9/10 01:30

Tilt, 上網check咪得咯，駛Q揾罪受咩?咁檸笨7都推介畀人
http://www.hkcccc.org/3main.php#41

P.S.添幾多香油, 又冇指引

抽刀斷水

點會無指引呀：「其實是放空氣．不要浪費自己的金錢」

你唔去過，老細下句問其他野，你就即刻啞左啦。

beebeechan

有咁既老細，　不如轉工哩。
（當然，　自己無本事的便另計了）

事事要睇老細臉色，　要擦鞋保工的，
應當是『人搵工』，　不是『工搵人』的高級打工仔。

沙文

回覆 3# 抽刀斷水

執生咪得咯
即刻扮有公事要十萬火急處理，或者用茅山術, 借尿循

此人教的指引十分RISKY, 崇拜時側跟的剩女姊妹見有個靚仔唔揭聖經，就會主動獻身：「靚仔弟兄，您唔知揭去邊哩？等我幫您啦.....嗱，呢度呀：愛是恆久忍耐，即是愛要做得耐.......係哩，您咁熟面口0茄，成日返教會0架？靚仔弟兄，我叫做Yvonne呀，您叫咩名啫?吓?沙文？沙上留指爪，文章稱絕佼，you have a marvelous name. 崇拜完請我去STARBUCK飲嘢吖？您未結婚個可？......」咁就一世矣

抽刀斷水

老闆問你「公事」，你又點可以借公事遁？

仲有你總不看清楚指引既：
9. 不要與陌生人談話

沙文

回覆 6# 抽刀斷水

我周不時都係咁，用緩兵之計拖一拖, buy some time 就有時間諗下點應付

根据宇宙終極真理#1，一定有機會出錯，見色起意就老豆姓乜都未必記得，點會記得指引No幾係乜。指引多，出錯機会就多

而咁多指引之目的只有一個：老板想考你有無返教會，你 up 得出個牧師名，咁就 pass 架嘞

個牧師狗名一click就up 得出啦，咁多指引黎托咩？更何况，就算up唔出牧師狗名都不能話您冇去過，唔記得唔得咩?

抽刀斷水

溫柔鄉是英雄塚，才智如沙文也逃不過。