耶穌的五宗罪

旁觀者

天下一家

Rank: 5 Rank: 5

1^# 跳轉到 » 倒序看帖

字體大小: tT

打印

2016/11/29 22:32 | 只看該作者 | 翻譯 | 書面 | 简繁

故事, 救世主

本帖最後由旁觀者於 2016/12/20 02:07 編輯

移鼠自吹自擂為「道路、真理、生命」，鼠輩亦捧之上天，稱為「救世主」。然而，在一片喧鬧聲中，佢卻冇睇到自己係五毒俱全，惡孽纏身。
1. 不仁
要講移鼠嘅第一毒，首先係無花果樹嘅故事。講起來，環保分子就要鬧勻佢祖宗十八代，為啥生個有神經病嘅衰仔，無端端要破壞環境，搞死棵樹？
還有格拉林豬群嘅故事，移鼠將「魔鬼」趕入豬群，使豬群跌落山崖，被海水浸死。連哲學家羅素亦覺不可思議（除非移鼠在發神經）：你移鼠有本事將「魔鬼」趕走咪得囉，為啥要整死班豬豬？
毫無疑問，豬豬係白白死在移鼠手上咯。
重有，呢個殺千刀，唔啱，應該叫殺萬刀、殺億刀，佢對世人充滿仇恨，要整死晒佢哋：「我來，並不是叫地上太平，乃是叫地上動刀兵」。又話「上帝」將判罪權全交俾自己，佢又將判罪權交俾手下班「靚」：「你們赦免誰的罪，誰的罪就赦免了；你們留下誰的罪，誰的罪就留下了」。咁就慘咯，有咗呢道聖旨，鼠輩要殺啥人就殺啥人，世上從此掀起一浪又一浪嘅腥風血雨，慘死在鼠輩手上嘅冤魂，數以億計。
移鼠教唆殺人，背負以億計嘅人命，呢筆血債，真係一萬世都還唔完。
2. 不義
義者，宜也。移鼠你正正經經搵份工，有木「扌豆」就去「扌豆」啦，點知佢好食攋飛，偏偏要去做黑社會，佢話搵錢容易喎：「我差你們去收你們所沒有勞苦的。別人勞苦，你們享受他們所勞苦的」。佢真係話到做到，收了幾十個爛仔做「靚」，派佢哋四圍收陀地：強搶咗伯法其村民嘅驢仔，又去勒索個撒瑪利人村莊。
敲榨勒索不只，最冇陰功係呃個窮寡婦用來買隔夜麪包吃嘅錢。你班契弟呃呃埋啲錢，大魚大肉，叫個窮寡婦吃啥？你還吃得落口？
移鼠專呃婦女嘅錢，還有一單。佢響伯大尼時，有個女人聽講話有個叫救世主嘅嚟咗，有咁好嘢？於是la la 聲攞樽值三十幾兩銀嘅真哪噠香膏，淋響移鼠個頭，有幾個「靚」條氣唔順。移鼠就話：「你哋唔係時時有我響度架，嗱！嗱！你睇人哋幾醒目呀。你哋以後都要學佢，到處宣傳，叫班福頭將值錢嘅嘢攞晒嚟！」
移鼠行事，有時真係匪夷所思（又發神經）。佢教班「靚」出去行蠱惑時，只要喜歡，唔理屋主同唔同意，即管入去住，重要屋主好酒好肉侍候。唔達目的，就出去鬧通街。
3. 不孝
俗謂虎毒不食兒，都唔知移鼠為啥對有縱橫關係嘅親人咁大仇口，教班「靚」將佢哋通通殺清：「弟兄要把弟兄，父親要把兒子送到死地；兒女要與父母為敵，害死他們」、「人到我這裏來，若不恨自己的父母，妻子，兒女，弟兄，姐妹，和自己的生命，就不能作我的門徒」。
搵勻人類歷史，真係搵唔到有第二個咁不孝嘅忤逆死仔，講起都把幾火。
4. 不誠
出來行蠱惑，放無煙大炮必不可少。移鼠就係條大炮友，講嘢冇句真。
佢話信佢嘅，有病摸摸就好。係真嘅話，醫生都冇得撈咯。
又話做佢條「靚」，唔怕踐踏蠍子同蛇。係咁我想借蛇王二堆五步蛇俾佢哋赤腳踩下，睇下係唔係真。
佢又話信佢嘅，永不饑渴。邊個鼠輩信嘅，唔該你餓十日八日俾我睇下？
佢更拍心口擔保班「靚」武功天第一，冇人可以打得贏佢哋，點知十二個香主，有九個俾人殺死，聽佢支笛都「香」晒。
信佢嘅，要乜就有乜：「你們奉我的名，無論求甚麼，我必成就」。有咁筍嘢，鼠輩唔好執輸，快啲求做個皇帝囉。
這個「先知」又話佢之前，冇人升過天，誰不知佢乜都唔知。中國響佢之前，都唔知幾多人升過天：夏啟、互人、黃帝、少昊時代嘅人，都唔使攞通行證，個個話升就升。
5. 不文
呢個「溫柔嘅夫子」，原來講嘢重粗口爛舌。對於唔信佢係上帝兒子嘅人，唔係咒人入地獄受永火，就係要受永刑。大佬！呢個「永」字真係唔講得笑。你諗下，身體被火燒到皮開肉裂，吱吱作響，已經够慘，重要無休止受呢種痛。
移鼠心腸真够歹毒。
對於唔受敲榨嘅，亦要不停詛咒：「你們要住在那家，喫喝他們所供給的……無論進那一城，人若不接待你們，你們就到街上去，說：『就是你們城裏的塵土，粘在我們的腳上，我們就當著你們擦去。』」
世間真有惡魔，移鼠就係個現實版！