沙文

我冇諗過呢個可能性喎,

原因係:

醫生, 如果係咁, 我唔信耶穌又或者觀音都會係咁㗎啦

哈佛專家

我對永生冇興趣，對涅槃有興趣。謝謝。

沙文

你連永生都搞唔掂, 涅槃就更加唔使諗喇, 謝謝。

哈佛專家

耶穌基督節節勝利，共產黨全軍覆沒。

耶穌基督大獲全勝，共產黨一敗塗地。

信耶穌基督，得民主自由，打敗共產黨，香港一定得。

沙文

咁麻L煩唔會有人做嘅。唔likey較腳就得啦

抽刀斷水

你係話天主教徒嘉賓、精神科醫生苗延琼晌25:34中講到，永生是一個轉世？

我晌呢度都有講過：

都有可能「煉獄」=「來世」，利用來世輪迴做人，咁就有機會行善以抵銷罪業，而輪迴又可以無限，下世下世下世世，直到「煉」完為止，方可上天堂，咪即係佛教講既完成輪迴達至湼槃境界囉。咁都畀我諗到兩大宗教大和合，都唔駛慕道完就即可做神學家添啦。

苗醫生睇法有啲似尼采propose既「永劫回歸」（見這裡），但我就覺得我既諗法比較完備，或者叫做比較有希望啦。

沙文

我認為佛教輪廻拉埋其他動物落水，theory就會有loophole.
湼盤之前的step一定係人，但有些動物一定成世殺生，例如鯊魚獅子老魚，咁佢地唔做善事，下世投胎冇可能upgrade做人，只能永遠無限looping

沙文

同埋，嗰尐人自稱記得前世嘅人，好似從來冇人宣稱記得前世係一隻蟻、豬、雞、藍鯨、格陵蘭鯊...點解呢？

抽刀斷水

回覆 7# 沙文


    如果無可避免既進食係為咗吸收能量，動物基本上都係要對其他生物（包括植物和動物）造成若干傷害，肉食性動物就一定食肉，而人類就有得揀食植物唔食動物，不過植物其實都係生物，點解又唔叫「殺生」？除非你永遠都係食生果，或者搣兩塊葉唔整死棵菜架啫。

佛教都有解釋肉食性動物點upgrade既，濟公活佛都酒肉穿腸過，喇嘛好似都食肉，對於食唔食肉我覺得其實都唔駛太執著。

抽刀斷水

回覆 8# 沙文


    我就唔太信有前世，話催眠／有前世記憶既人，我覺得係催咗／吹咗個第二人格出黎。

沙文

我都認為若果輪廻行善compensate罪孽，咁現行的輪廻根本就唔make sense. 我都唔記得前世做錯咗乜L嘢，叫我reboot再來一次，我都會再次咁搞啫。
即係譬如我有一次撼頭埋牆起個瘤，痛到我記住唔好撼頭埋牆，咁我以後就唔會再撼頭埋牆。
若果撼完唔記得，咁輪廻黎做乜L嘢？

抽刀斷水

回覆 11# 沙文


    睇下你睇人性本善、本惡還是一張白紙，如果reboot一次可以引發善良本性，從而面對事情有不同選擇，咁就會make sense，呢個係人性本善既假設。

沙文

“人性個個一樣”都未必係正確前設，亦未必分絕對的善惡，可能你偏向善多尐，我就衰格尐呢？(sorry唔係可能)善惡亦不過是人的價值觀，你老豆話畀你聽咁係善，你咪入咗腦咯。
不過我肯定孟子關於性善“孺子落井”論證係揾笨嘅。這只不過是一種本能，同喺restaurant見隔離枱酒樽跌落地，你會本能地去catch一樣，目的可能是耍帥而已。

抽刀斷水

回覆 13# 沙文


    基督教認為「善」（道德）來自上帝，我就覺得應該係來自majority，例如殺人就大多數人覺得係唔啱，但食人族黎講就無乜大不了，而majority可能係習俗、文化，正如你話齋老豆話畀你聽。打仗殺人啱唔啱，唔係士兵要考慮既野，佢地既道德係服從，再輔以「守護民族疆土」之類既神聖使命，咁就「善」了。

又返去基督教，聖經係咁自相矛盾既書，由佢引申出黎既上帝所出既「善」，當然係會被有心人隨心所欲咁引述啦，睇歷史自古至今都係咁。

咁輪迴行多次，行善與否，原來只係啱唔啱當時習俗文化，所謂「善有善報，惡有惡報」，好表面既，所以佛教就帶出「業」，無講明善惡架，不過你做咗乜，就會受乜既啫，自己執生。

沙文

「你做咗乜，就會受乜」咪又係勸你唔好乜唔好物之類嘅説教。

點解尐人咁普遍以為宗教導人向善？準確些來說，應該係昆人向善。慌死你唔善，咁咪作個古仔呃你要善先至得。
咩人會作古仔昆人向善呢？如果人人忠直，揾到著數的一定係最奸嗰個。忠直一定蝕底尐。
所以，發明勸人向善的，其實係尐奸人，因為其他人忠直，佢就最著數。又所以基督教的古仔，魔鬼引人犯罪係揾笨的，叫人做好人嗰位先係魔鬼。
don’t get me wrong. 我唔係否定忠直向善，我都知道須要令自己看起來係忠直向善嘅。
點解我又會咁老實？因為你唔知我係邊個啫。對口對面時我梗唔會咁講啦。

抽刀斷水

宗教唔係導人向善，而係導人向惡既宗教適應唔到個社會，好快會被淘汰，因而被冠名為邪教（演化論）。

昆人向善既學說，係穩定社會既力量，由上至下都咁受歡迎既，正如學校唔會教你投資、創業，讀書最叻既，都係乖乖地做打工仔。想行蠱惑既，自然有呢方面既培訓，千門八將仲有適合既職位啱你。