jimmychauck

回覆 40# beebeechan

嗱你又唔洗側側膊轉話題，你到底有冇有中生無無中生有呀？我到底有冇轉過話題？呢啲野從前問過晒你㗎啦，你從無法回應呀，你轉咩話題啫？轉話題呢個話題，你喺我面前冇埞企呀。你又好似從前咁唔回應，我一樣好似從前咁當你默認㗎咋。

是就是，非就非。唔答我問題，即係默認我冇講錯啦。仲要講咁多惡者之言做乜

你連我係乜教會都講唔出，咩叫"你教會既人先得救"？我叫你教人得救教我得救㗎，叫左你教叫左成半年你都冇聲出，你唔得救或者出面有人因為你唔講而唔得救關我忍事？
係呀你天主教12億好巴之閉呀，同基督新教係咪同一個宗教啫？
傳遍天下，傳乜野？叫人要告解先得救？唔行聖禮唔得救？天主教外別無救恩凶險無比？叫人單靠信心唔得必須有行為？無論是我們，是天上來的使者，若傳福音給你們，與保羅所傳給你們的不同，他就應當被咒詛。



除左話人激進，一個論點都冇，咪DH1"不針對發言內容討論，而是攻擊對手的個人特質"囉。
加之埋根本就無中生有，連我係乜教會都唔知，就話我係激進教會，咪無中生有囉，其實係可以跌埋落DH0辱罵嘅Level㗎啦。
你爬得返上黎先再同我講啦。

天主教同基督教係咪同一宗教，咁簡單嘅一條是非題，乜野都肯亂噏一通，就係是或非答唔到，連自己對呢條問題係乜立場都講唔到俾人聽，一開口就遊花園無中生有有中生無，你咪繼續表演點出醜法囉，不嬲都話我好尊重言論自由㗎，你要講乜我都冇所謂㗎。

beebeechan

你連我係乜教會都講唔出，咩叫"你教會既人先得救"？
jimmychauck 發表於 2025/6/25 05:36

    你乜教會, 你自己都爆咗口喇

(你連自己教會個名都要寫得閃閃縮縮咁, 好小家下啵, 唔見得光咩? 教主個名就係「光」喇)



你哋教會既教義係咪正宗, 係教會網頁有得睇, 亦在此論過了幾頁。
雖未至於係邪教,  一啲都唔係mainline.。

原來係平安福音堂會友

我都去過

教會特徵
1）基要派，重視傳統，重視聖經
2）重視科學，反對演化爆炸論
3）認為天主教是「末世大淫婦」（吳主光）
4）重視宣教講道
5）重視「反異端」

beebeechan

原來係平安福音堂會友

我都去過

教會特徵
1）基要派，重視傳統，重視聖經
2）重視科學，反對演化爆炸論
3 ...
Guest from 124.244.37.x 發表於 2025/6/25 06:43

不過, 人哋又話割咗蓆, 凳清哂腳上既塵土咁㗕



B按: 咁算唔算係離教者之家友??

beebeechan

原來係平安福音堂會友

我都去過

教會特徵
1）基要派，重視傳統，重視聖經
2）重視科學，反對演化爆炸論
3 ...
Guest from 124.244.37.x 發表於 2025/6/25 06:43

點解「反對演化爆炸論」又係「重視科學」既呢?

點解「反對演化爆炸論」又係「重視科學」既呢?
beebeechan 發表於 2025/6/25 07:00

科學是一個非常廣闊的學科。
平安福音堂普遍非常崇尚科學（除了與聖經明文有明顯衝突的部分外，即係爆炸及進化論）。

咁其實JIMMY兄係邊間教會呢？

佢唔係連自己邊間教會都唔敢講嘛

仲咩返教會傳福音都要搞到咁閃閃縮縮，連自己邊間教會都唔講得

定係佢返開類似平安福音堂派系的小教會
太細間唔方便講？
例如喜樂福音堂、短宣之類？

beebeechan

回覆  beebeechan

嗱你又唔洗側側膊轉話題，你到底有冇有中生無無中生有呀？我到底有冇轉過話題？呢啲野 ...


除左話人激進，一個論點都冇，咪DH1"不針對發言內容討論，而是攻擊對手的個人特質"囉。
加之埋根本就無中生有，連我係乜教會都唔知，就話我係激進教會，咪無中生有囉，其實係可以跌埋落DH0辱罵嘅Level㗎啦。
你爬得返上黎先再同我講啦。
jimmychauck 發表於 2025/6/25 05:36

你話你上邊成大段, 又屬邊個level 咁呢?

定係佢返開類似平安福音堂派系的小教會
太細間唔方便講？
例如喜樂福音堂、短宣之類？ ...
Guest from 124.244.37.x 發表於 2025/6/25 07:32

我覺得JIMMY似係返開平安福音堂派系或友好教會，而唔係平安福音堂

所以佢反天主教，反靈恩派，反演化論及爆炸論，崇尚科學

佢應該本來想來離教者之家宣教

點知失敗，由宣教性質，變成保護自我尊嚴，自我情緒保護之爭

唉，想宣教，但連自己的尊嚴和情感都放不底，
咁點傳揚主的福音，點為主作見證呀？

人地宣教為主犧牲，你宣教連尊嚴情感都放不下。

JIMMY兄，你仲要係網上宣教，已經匿名，但都放唔底尊嚴，要搵網友作「尊嚴護戰」。

人地就直情去無神論或伊斯蘭國家傳，出錢出力出命。
你在香港自由傳教社會，仲要在網上傳，都搞到咁失敗。

呢度傳教者或護教者，
暫時做得最好是「逃出魔幻紀」，，
起碼佢懂控制自己情緒，
唔會為自己情緒發動筆戰。

雖然仍無法令其他人信服，
但至少懂「情緒控制」，有一定的EQ能力。

除逃出魔幻記比較好，其他企傳教的網友都失敗，初心是宣教或護教，但最後淪為「為自己情緒筆戰」。

jimmychauck

回覆 42# beebeechan

嗱你又唔洗側側膊轉話題，你到底有冇有中生無無中生有呀？我到底有冇轉過話題？呢啲野從前問過晒你㗎啦，你從無法回應呀，你轉咩話題啫？轉話題呢個話題，你喺我面前冇埞企呀。你又好似從前咁唔回應，我一樣好似從前咁當你默認㗎咋。

你係咪數學老師？中文閱讀理解出奇嘅差？

我出左黎啦，又點會仲係佢教會？我小佢小得仲勁過小你啦。

平X福音堂邊叉度係我教會？我已經當著佢創辦人嘅面將我腳上嘅塵都跺下啦。
jimmychauck 發表於 2025/6/24 23:23

又黎有中生無，你呢啲人入壇唔讀帖，我都唔知有咩可以同你溝通到。

我從來都冇成為過佢會友，只要你據理，你鍾意點插佢請隨便插。

你宜家仲搞到其他人以為我係"平安福音堂會友"，你呎啲就從無中生有、變有中生無，再使其他人都無中生有我。你呢啲咪係網上散播假消息嘅人囉。我講你無中生有信口開河係半點都沒有錯。

jimmychauck

回覆 49# beebeechan

我睇怕你都唔識分LEVEL㗎啦，我只係指出你論述中嘅謬誤如無中生有，及因無論點導致手法嘅低劣啫。屬於DH5。你唔同意嘅，你咪俾個level，再講原因囉。

你唔識分LEVEL，係你根本唔明白paul graham 提出嘅how to disagree，你睇明左先再黎同我講LEVEL啦。

似乎JIMMY兄係在信教和離教中間，猶疑中？

beebeechan

似乎JIMMY兄係在信教和離教中間，猶疑中？
Guest from 124.244.37.x 2025/6/25 19:49 提交

係離會未離教

beebeechan

佢哋話人人皆司祭，所以遲啲可能佢當埋牧師，又另起爐灶。

即係JIMMY兄決定，不再返教會，但繼續心入面信耶穌。
通常呢些情況，都係屬於信教和離教中間。

抽刀斷水

據各位觀察，占版友來的意義，豈不是來尋求click的一下就正式離教？

jimmychauck

科學是一個非常廣闊的學科。
平安福音堂普遍非常崇尚科學（除了與聖經明文有明顯衝突的部分外，即係爆炸 ...
Guest from 124.244.37.x 發表於 2025/6/25 07:14

成日叫你唔好講啲高大空。

一句講晒，用科學方法嘅學科就係科學，唔用嘅就唔係科學。

咁其實JIMMY兄係邊間教會呢？
佢唔係連自己邊間教會都唔敢講嘛
仲咩返教會傳福音都要搞到咁閃閃縮縮，連 ...
Guest from 124.244.37.x 發表於 2025/6/25 07:29

咁其實個個上網匿名討論呢，如果係單純為討論，就根本無需要提供任何personal identifiable information嘅。
呢啲唔叫唔敢，唔叫閃縮，叫網上嘅匿名性，啲人連創建帳戶都唔做淨係用IP，都仲走黎話人閃縮呢，就真係無私顯見私啫。
驚email漏隠私呢，咪用個一次性protonmail地址申請個帳號，隠私性已經非常十足。
如果有啲乜野言論，係要受眾係某種特定身份先至成立，故有需要知道對方詳細嘅資料呢，就即係呢啲言論自己無法自然成理，大部份時間唔成立，咁就根本無需理會。
如果你搞唔明呢啲咁基本嘅網絡生態同禮儀呢，咁你搞唔清楚嘅野就多左一樣囉。
啲藍絲仲日日想起我底，我做咩要俾任何資料出黎呢？占某人直，但不傻。
我問過你某啲大路嘅背景，都只係問你到底可以從咩渠道接收到香港第幾手嘅資訊，從來冇需要亦冇要求過你進一步收窄範圍導致可能進一步identify到你其實係咩身份。
我嘅人設係黃到金或者黑嘅黃絲基督徒(慚愧，我比起好多勇士差好多條街)、信仰接近基要派、反對教會大合一，呢幾種就係我身份嘅特徵。
你可以stereotype我，不過如果stereotype係你唯一可以批評我嘅方法，咁你嘅水平就頗低。我如何到逹我今日嘅人設，係我往日所學嘅科學知識、歷史知識、電腦知識、聖經、宗教等等堆砌而成，我亦從不吝嗇解說或者分享。如果我展示左咁多資料後你仍只剩下stereotype，好似某啲粉紅咁，咁你都唔會係我對話嘅對象。

我覺得JIMMY似係返開平安福音堂派系或友好教會，而唔係平安福音堂
所以佢反天主教，反靈恩派，反演化論及爆炸論，崇尚科學
Guest from 182.239.119.x 發表於 2025/6/25 10:17

因為我以前返果一類教會，就必定有果類傾向，亦似乎真係顯示你係stereotype我，多於閱讀我對你嘅答覆內容囉。
平X福音堂好多間，唔係間間都buy創辦人果全套，大半人返平X福音堂，就算知道教會反天主教反靈恩，可能根本都唔知靈恩派係乜，亦唔知點解要反天主教。
至於平X福音堂崇尚科學，我就完全唔知你從何有呢個印象。
   

佢應該本來想來離教者之家宣教
點知失敗，由宣教性質，變成保護自我尊嚴，自我情緒保護之爭
唉，想宣教，但連自己的尊嚴和情感都放不底，
咁點傳揚主的福音，點為主作見證呀？
人地宣教為主犧牲，你宣教連尊嚴情感都放不下。
Guest from 182.239.119.x 發表於 2025/6/25 10:17

咁就明顯係少年你太年輕，我十多年前黎，係因為已經睇太多基督教資料，而覺得要睇吓反基督教嘅資料，離開訊息繭房了解吓多啲資訊，亦相信真理越辯越明，咁如果接觸到離教者或者非基督徒大家交流吓如果佢信耶穌又未嘗唔係美事。嘩以前雞腸唔通曉又難得有個中文網咁咪成日睇吓。我一早講過，所有人離教都有自己嘅理由，亦有唔少人喺教會受過傷害之後離開教會，我從來對呢啲遭遇都表示理解亦唔會否定人所經歷嘅感受。

我係衰好勝好辯，我認，我亦信真理越辯越辨越明。宣教呢家野咁偉大，我從來冇諗過我做嘅野係算得上宣教㗎喎。個個人都有唔同性格特長，我好勝好言善辯，咪做我善我好嘅野。我不嬲都係話睇唔慣啲人亂講聖經亂講基督教咪出黎指正之嘛。
帶離教者回轉？好耐之前先會諗要咁做㗎咋。第一回2010年前從vscfaq開始同一班離教者交鋒，真係個個都幾有料，會回應會反駁會質問，沒奈何生活有轉變丟低左個交鋒，201幾年返黎得返啲hellboy dior咁嘅病態反基，講乜都唔識聽唔識回，網主亦講極都劃不下討論的道兒，自此之後我已經知道同一啲咁水平嘅"離教者"(我什至唔知係咪每個都入過教)講論係單純浪費時間，自此我就已限制自己不再發言，長逹十年。

就坦白講，針對基督教或者平信徒嘅一啲迷信去批評嘅高質資料呢，網上就有嘅，但我就只能說，果類資料離教者之家呢度就少得可憐，繼續由得幾個無知之輩日日喺度隨口鳩噏呢，比例就只會越黎越少。你又唔可以話我唔樂見嘅，咁就最少我對此表示完全無所謂。

尤記得接近十年前已跟幾位討論過幾場，當時睇完幾位嘅討論態度及手法後認為同幾位討論係浪癈時間，所以就限制自己唔再登入。
jimmychauck 發表於 2023/6/30 07:59

我jimmychauck就是遊客219

年前見抽刀無力提供任何討論的原則，dior 666亦屬無理取鬧之輩後，沒甚麼心思談下去，幾個月沒上，不久後上來逛一下，見有些邏輯實在低劣得可怕，忍不住就要開一開口。

論壇自0幾年開始至今，還是那幾個人，根據旁觀者的邏輯，我也無法知道是否一兩個人的分身，沒出席過聚會，無從證實。......人大了，忙了，有其他的事，不會永遠上這裡。....行到現在，我的觀察只能說，以「聚集了一群思想單向的病態反基」來形容，不算過份。
jimmychauck 發表於 2013/6/17 22:11

前因後果我好耐以前講過晒㗎啦。

我已冇再諗過喺呢度講論係咩"宣教"㗎啦。

宜家生活又唔同左，時間又唔同左，一時手痕咪又上吓黎。咦主軸一變，根本唔係講耶穌，係有啲藍絲將基督教呀黃呀老美呀傻傻分不清死要綑綁埋一齊講，我自然就可以將呢幾年對共產黨積落嘅滿腔怒火射晒落佢身上啦。你以為共產黨係靠自己打遍天下？係有唔少人同佢一齊助紂為虐同洗左腦喺度做幫凶佢先可以咁猖狂之嘛，我按理小柒啲三番四次點極唔明嘅爛屍粉紅又有乜野問題？唔好意思喎，我唔係同佢傳緊福音，你睇清楚，我冇咩時間係同佢講聖經㗎，我淨係同佢講啲基本邏輯同政治倫理㗎咋。

至於你咁務實，我點唔醒你之後咪嘲你自己睇唔清香港形勢俾人攬炒左囉。我好又說過，歹又說過，你自己膜拜揸槍掌權者唔肯認，又冇審時度勢嘅能力致使自己蒙受經濟損失，基督徒從來冇責任保你一世平安一帆風順大富大貴㗎，你怪落我頭上，就顯你自己無能推卸啫。

JIMMY兄，你仲要係網上宣教，已經匿名，但都放唔底尊嚴，要搵網友作「尊嚴護戰」。

人地就直情去無神論或 ...
Guest from 182.239.119.x 發表於 2025/6/25 10:21

係囉除左講我所謂情緒之外冇野好講，咪就係不針對發言內容而針對語氣嘅DH2囉。你上唔到DH4，我基本上都唔洗用理由去回應你㗎。

聖經就從來冇講過每一個信徒都要去做宣教士嘅，你呢啲水平嘅挑撥就不過係旁觀者問我幾時去宣教殉道死果啲低水平黎啫。

呢度傳教者或護教者，
暫時做得最好是「逃出魔幻紀」，，
起碼佢懂控制自己情緒，
唔會為自己情緒發動筆戰 ...
Guest from 182.239.119.x 發表於 2025/6/25 10:27

先講，逃係天主教徒，佢做乜呢就真係唔關我事嘅，間唔中望吓啲文章訢諸理性嘅地方不多，就唔係開我果瓣。然而每次換來嘅都不過係錄音機式一兩張要不百年前清朝洗腦要不查理週刊嘅諷刺圖。你覺得佢做得好，我唔知你咩角度出發去睇佢件事，亦唔知你咩標準，但觀閣下連假設同結論都不分，經濟又唔識，經常張口就來，你嘅標準就從來冇叫我信服過，無意理會你對佢嘅評價。或者佢訴諸情感開啱你果瓣，咁你咪buy佢，我冇所謂㗎，我個人不嬲純理性，我開果瓣我就唔覺得你睇得明，最少你經常俾我指出錯誤問到冇聲出又唔認。

你鍾意點講我，係你自己嘅事，我份人就不嬲有果句就講果句。你覺得我講嘅有咩唔啱呢，就邏輯地指出我嘅錯誤喺邊度，係前設錯，忽略啲咩邏輯原則情況定係有咩推論謬誤乜乜乜咁，一味八婆咁單單打打我咩態度點背景點，係無助你說服我，或者指出我講嘅野有咩唔啱嘅。基本上你啲論據上唔到DH4，我都唔洗認真答你。