沙文

上帝冇得食咩? 佢唔會諗住收咗隻祭品當pet咁養?你123自把自為劏咗先，上帝想養嚟玩下都唔得，即係你幫上帝決定點樣使用祭品，咁係咪將人嘅意志overriding上帝?

旁觀者

祭品中有處女，呢D處女去咗邊﹖

沙文

凡係活祭品都劏，經上並無生勾勾奉獻的例子。

大家有冇發覺，奉獻畀上帝嘅祭品，又未必係動物，有些係齋，例如陳設餅。但係有個共通點：一定係食得嘅嘢。莫非畀我鳥鴉口，咁都講中？上帝真係冇得食？

點解冇人畫幅畫獻畀上帝，燒咗佢當祭品嘅呢？即係好似心意咭咁都得啫？自己畫更加有誠意。

beebeechan

凡係活祭品都劏，經上並無生勾勾奉獻的例子。

大家有冇發覺，奉獻畀上帝嘅祭品，又未必係動物，有些係齋， ...
沙文 發表於 2026/1/14 22:55

舊約中的祭獻係唔完美既, 直至由耶穌更完美的祭獻來取代。
今日信徒既祭獻唔係劏, 唔係要見血, 亦唔係一定要食得既。
羅馬書 12:1
所以弟兄們！我以天主的仁慈請求你們，獻上你們的身體當作生活、聖潔和悅樂天主的祭品：這纔是你們合理的敬禮。
『我喜歡仁愛勝過祭獻』（瑪12:8） 亦係呢個意思。

你既聖潔一啲既生活(諗起耶穌, 出軌少一次, 少叫一次雞)就係最好既祭獻。比「關我叉事」既十一奉獻更有意義。

沙文

唔完美就要劏嘅咩？點解舊約又一定係嘢食？如果用唔食得嘅做祭品就完美，舊約嗰時都得啫，仲慳皮添。費L事勞民傷財

beebeechan

唔完美就要劏嘅咩？點解舊約又一定係嘢食？
沙文 發表於 2026/1/14 23:58

    贖罪祭既牛, 羊, 唔係要嚟食既, 係要「死」「血」....
因為罪既公價係「死」, 牛, 羊只係代人死。

至於平安祭, 和平祭係天主與人共樂既祭獻, 係一齊開大食會, potluck, 咁當然祭品都係要人食得落肚既野。

你拜山都唔會托隻紙紮燒豬上山喇

沙文

唔係喎，除了死同血，仲有規定要bbq,上帝唔食sashimi

沙文

若是要死同血，任何動物都得啦，做咩一定要上帝中意食嘅牛羊？鹿唔得咩？魚唔得咩？求其死咗有血嘅都得啦

沙文

豬都得喎？拿，係你話唔係攞黎食，咁就應該冇所謂

beebeechan

唔係喎，除了死同血，仲有規定要bbq,上帝唔食sashimi
沙文 發表於 2026/1/15 00:12

   
火, 是神的象徵。 上主在西乃山顯現給梅瑟是一團火。
全燔祭把祭品燒燼, 煙火向上升,  就好像神收納了祭品。
再者, 火..有煉淨的象徵。 即使是無瑕疵的牛羊, 仍是不潔大地出產的祭品, 經火後都給潔淨了。


「上帝唔食sashimi」....我老婆都唔鍾意食魚生啵。 個人口味喇。

beebeechan

若是要死同血，任何動物都得啦，做咩一定要上帝中意食嘅牛羊？鹿唔得咩？魚唔得咩？求其死咗有血嘅都得啦 ...
沙文 發表於 2026/1/15 00:16

   
又即係咁, 情人節時你係咪係路邊摘一執蒲公英送俾蘇珊娜先? 都係花之嘛。
佢期望你掏荷包去花店買束花喇。

鹿, 魚..呢啲在古時唔係牧民自己養既, 係野生動物嚟。
牧民自己圈養的是他們財產嚟, 從牧養牛羊中挑出最好的來獻, 即係等如今日掏荷包出錢買靚禮物, 唔係係路邊執啲野番嚟咁求L其。

beebeechan

豬都得喎？拿，係你話唔係攞黎食，咁就應該冇所謂
沙文 發表於 2026/1/15 00:22

    豬...唔使多講喇卦
你去米芝連餐館食飯時會唔會放隻臭襪係檯上做餐巾。

沙文

火, 是神的象徵。 上主在西乃山顯現給梅瑟是一團火。
全燔祭把祭品燒燼, 煙火向上升,  就好像神收 ...
beebeechan 發表於 2026/1/14 10:28

上個月大埔居民的奉獻都好豐厚喎?
唔成敬意笑納笑納

沙文

又即係咁, 情人節時你係咪係路邊摘一執蒲公英送俾蘇珊娜先? 都係花之嘛。
佢期望你掏荷包去花店買 ...
beebeechan 發表於 2026/1/14 10:30

佢期望我自己親手去摘貢獻誠意
食海鮮，海魚都貴過養魚啦懵炳

沙文

豬...唔使多講喇卦
你去米芝連餐館食飯時會唔會放隻臭襪係檯上做餐巾。 ...
beebeechan 發表於 2026/1/14 10:30

唔使多講, 米芝蓮有豬食嘅

beebeechan

唔使多講, 米芝蓮有豬食嘅
沙文 發表於 2026/1/15 04:04

米芝蓮梗係有豬食喇
基督徒從來都無食例規限架喇
宗徒大事錄中伯多祿有神示, 天上吊個大布袋落嚟, 裡邊裝住猶太人唔會食既野, 天主都話食得。

沙文

咁咪係囉, 點樣”唔使多講”啫?

沙文

火, 是神的象徵。 上主在西乃山顯現給梅瑟是一團火。
全燔祭把祭品燒燼, 煙火向上升,  就好像神收納了祭品。
beebeechan 發表於 2026/1/14 10:28

你話完美嘅祭獻-- 耶穌就係缺少咗呢個工序, 如果火葬就perfect.
我細個嗰陣去拜山, 燒衣畀阿爺, 阿嫲就吩咐我看住啲火, 一定要燒曬, 如果唔係驚阿爺收唔齊。咁耶穌冇燒到, 究竟天主收唔收到㗎? 好似唔聽見佢有簽收喎?