抽刀斷水

某小鎮上，有人建了一家妓院。不巧的是，這妓院就建在教堂對面。教會和會眾開始請願，並且每天禱告，阻止妓院建設。就在妓院快要完工時，一道强閃電從天而降，一把火將它燒了個乾淨！

教會的人感到很欣慰。不久，妓院老板起訴教會管理人員！理由是，教會通過請願和祈禱，以直接或間接的手段毁壞妓院，負有最終責任。

在法庭答辯時，教會强烈否認其禱告是促成上帝採取行動的原因，也不承認與此事有任何關聯！

裁決時，法官看着庭審文件說道：「我不知道該如何審斷這個案子。妓院老板堅定地相信禱告的力量，而教會却完全不信！」

jimmychauck

回覆 1# 抽刀斷水

當你明白預定論，你便明白禱告不會改變上帝的作為。
禱告從來不是法術，禱告了便可迫使上帝行動，聖經沒有這樣的教導。
禱告是單純的與神對話。

難道是因為民建聯區議員的進言，運輸署才將行人過路綠燈延長一秒或使北極有企餓？

旁觀者

妖教邏輯︰
有功︰係我。
失敗︰唔關我事。

旁觀者

妖酋英諾森四世於一二四一年至一二五一年將里昂作為臨時巢穴時，高級教職人員也勾引良家婦女淫亂，通街通巷變成了大淫窟。
    他們離開時，紅衣主教 胡果・德・瓦羅還得意洋洋、毫無廉恥地向市民誇耀他們的所作所為：
    「朋友們，我們要受到你們真誠的感謝。我們給你們辦了好事。當我們來到這裏時，這裏祗有三家妓院，而現在當我們離去時，這裏只有一家妓院。剩下的這一家是從東門直到西門把全城都包括在內的大妓院。」《世界娼妓史・娼妓們骯髒的皮肉生涯》馬道宗 編著 《光明日報》出版社2004

旁觀者

「十四世紀的教皇城阿維農的妓院完全按宗教場所管理，只許『好基督徒』進，不准猶太人與異教徒進，耶穌受難日和復活節要關門，妓女也要用部分時間做祈禱和宗教活動，餘下的時間才接客。……當時這種宗教式妓院遍佈西歐大中城市。漢堡、維也納、奧格斯堡的妓院還成立行會，受教會與世俗政府保護。」《世界性史圖鑑・對女子的性摧殘・一項古老的職業——賣淫》

抽刀斷水

回覆 2# jimmychauck


    先唔提預定論同自由意志引起幾耐既爭拗，禱告如果是以祈求的語氣，講話迫迫聲就好難聽，與神對話就唔可以表達願望？上帝收到願望，有回應都得既啫，預定咗就自己唔可以改變，咁咪同全能特性相悖？

運輸署延長綠燈一秒，究竟係咪因為民建聯區議員的進言，要點證明因果關係？如果曾經進言係事實，而運輸署考慮一籃子因素，又好難排除進言係考慮因素之一架喎。

jimmychauck

回覆 6# 抽刀斷水

所以呢個就係拒絕以預定論去睇上帝嘅後果。

有冇預定，上帝都不能背乎自己㗎啦，所以"全能"從來唔係"乜都能"。

一個神既然"從起先指明末後的事"、"一切所做的都必永存；無所增添，無所減少"，那未本身就有不符因果律的地。
既然聖經話神1.創造天地,2.追討惡人的罪,3.為信的人擔罪,4.從起先指明末後的事，你是旦信少一樣，果個都唔係聖經嘅上帝啦。

其實你只需認真睇你果句"預定咗就自己唔可以改變"，你就知係一句邏輯上錯誤嘅句式。預定左嘅事情喺將來未發生，點樣可以"改""變"？從何改成何？從何變成何？歷史都冇如果㗎。

預定論就同真空坍塌一樣，理論上佢可以存在，但係就算真係發生左，你都冇任何證據佢發生過，或者冇發生過。就正如真空坍塌嘅應用場境少得出奇一樣，預定論對信徒嘅應用(行為行出黎嘅應用)都少得出奇。

佢既預定，咁你嘅禱告行為又唔係預定㗎咩？咁你點樣可以將某啲"改變左"嘅"發生"，歸功於個(啲)禱告(s)，而非個預定呢？

就有冇唔相信預定論嘅信徒呢？有。咁聖經有冇話一定要相信預定論先可以得夠？我見唔到有講過。上帝從來都允許議論㗎啦，之不過有一日可能佢會同曾議論佢嘅人講，"你們議論我不如我的僕人約伯說的是"之嘛。

就如果你想同我討論一個冇預定嘅上帝，我相信你有一啲方法嘅，一就係你去證明"預定論"本身係錯嘅，或者你可以證明晒上帝其他"1.創造天地,2.追討惡人的罪,3.為信的人擔罪"而再要求我提供"預定論"嘅證明，咁我相信如果你本身係可以證明到咁多野你都唔會開呢個網吖。要我同一個唔相信預定論嘅信徒去討論，我諗我做得到嘅，要我去同非信徒去討論上帝時討論一個唔係我信嘅上帝，我就冇咁嘅能耐啦。

延長綠燈一秒呢啲去睇一藍子因素，係同本題無關，簡單一句到尾，你係要睇ceteris paribus，民建聯區議員的進言與否會否導致事情的結果不同。呢個咪構成一個人能否居功嘅關鍵。 https://www.youtube.com/shorts/cJvNCyzG8Uo

抽刀斷水

回覆 7# jimmychauck


    睇完你既回覆，我諗到一啲野：舊約耶和華對世界做咗好多野，咁佢做既野係咪都係受自己預定既規限？即係佢連自己都預定埋？新約耶穌做既野，又係咪自己預定咗？

如果上帝自己都不能超脫自己所預定既事，太陽照常升起，我地無必要再理會佢喇喎。你所寫既1至4，原來都係早已programmed，佢只係setup咗一個系統，連自己都要follow埋。

jimmychauck

回覆 8# 抽刀斷水

咁你格局細左啲。

從起先指明末後的事，係喺有時間限制嘅事情底下進行限制，對於創時嘅神黎講，又有咩限制？時空呢家野，以前同你傾過㗎啦。

上帝預定左，又點解需要背乎自己嘅預定呢？上帝素來都不能背乎自己㗎啦，你要經常能打倒昨日嘅自己，呢啲野我從來嗤之以鼻㗎啦。

個不同之處就係，人唔能夠知道將來嘅預定，所以，事情發生，對上帝黎講，係預定㗎，需對人黎講，既係自己自由意志下選攞嘅結果，亦同時係預定囉。你好鍾意why not both㗎。

你素來都唔係好理佢㗎啦，我就唔係好知咩為之再唔再。預定都包含你宜家，或者之前決定理唔理佢㗎。預定唔係一個咩一定令人信耶穌嘅理由，你點睇佢係你自己嘅事，你睇完決定唔理亦係你嘅自由意志，及預定，我嘅責任只係盡我所能話你知我了解嘅聖經。