龍井樹

單身又ok, 早就成其好事啦....
會唔會非單身但又幾 ok果隻？

Jennifer

你未死過呀...提倡喺教會搞婚外情
非單身個d，大部份做得我老豆lu...
唔係講笑，曾經有一個朋友 (佢係基督徒) 「勸籲」我去另一間「多d弟兄」嘅教會架...
不過當時我拒絕左，因為唔想只係為左「搵老公」而轉教會

話時話，喺我呢個年紀仲係單身嘅弟兄，我見過嘅，ok欠奉，「ok 騎呢」就大把wor...

[ 本帖最後由 Jennifer 於 2008-7-8 11:55 編輯 ]

龍井樹

你以為搞婚外情會好似奉獻數字一樣會每周匯報咩？

佛洛伊德話女人都有戀父弒母情結，做得老豆應該唔係問題黎。搵老公好正常，最緊要都係小心搵錯狗公。外形騎呢唔緊要，男人形象通常都要靠女人代勞，最重要唔好似紙巾廣告個死變態佬。

[ 本帖最後由 龍井樹 於 2008-7-8 14:33 編輯 ]

Jennifer

唔止外形騎呢...思想都騎呢wor...

抽刀斷水

原帖由 prussianz 於 2008-7-8 00:16 發表


first sorry , dis-agree



---------

sorry ，無必要 離教

任何人 站在她的利益立場g上著想，可能 都 會 同意 : :::::
: :
保留 基徒的身份， 對她來說 ，可能 更為 有利

---------

+
離教者之家 很自由 o ...

我問『做乜「心軟」唔離教』，這只是一個問句，亦無其他追問或follow up 的動作，與基督徒問人「心硬」的情況有所不同。

本網宗旨是不會勸人離教嘛。

抽刀斷水

原帖由 Jennifer 於 2008-7-7 23:54 發表
hidden? 老老實實，我都唔知wor...不如你試下估下?

我估 ，是：懶於改變現狀、恐怕仍有些「老死」在離教後絕交、仍對離教有些莫名的恐懼或罪疚感。
學政府話齋，要「循序漸進」～　都好既，或者等你未來男朋友／老公既慢慢誘導，咁會離教離得開心Ｄ。

龍井樹

思想點騎呢法？以為聖母好似《Heros》入面個啦啦隊咁，破左處都有自動修復功能，處女產子？

Jennifer

嗯...多謝你提出嘅可能性...撫心自問下先...

1. 懶於改變現狀...都岩，正如我所講，怕煩丫嘛。其實唔單止要同教會中人解釋，就算
    同自己未信主嘅父母/ 親人/ 朋友解釋自己對信仰睇法嘅改變都好難架 (仲難過傳福音 )   
    可能佢地會"tum"番我返教會都唔定，我諗，一日未到 "life & death situation" (如果
    有的話??) 我都未必會「的」起心肝做d野

2. 恐怕仍有些「老死」在離教後絕交...我的教會在家附近，雖則不會怕有人「尋仇」，
    但離教後如果喺街見到...可能都會有d唔自然卦...絕交我就唔怕嘅 (我又唔係冇其他非教會
    朋友 & 家人)，我只係有d唔想「親身經歷」其他離教者提及過，離開後的人情冷暖啫...
    不過我都明嘅...呢個世界邊有「再見亦是朋友」咁so...所以如果一日真係「撇」，都預
    左會「寒天飲凍水」架啦...

3. 仍對離教有些莫名的恐懼或罪疚感...問心，對信仰 (或者對神)，我冇所謂嘅罪疚感...
    對人，就點都會有d唔好意思...我唔想太張揚自己嘅決定，就係怕影響其他仍然相信
    的人，我不想任何人不開心或受困擾，既然他人選擇了留在信仰的甜夢，我又何必
    一定要佢地陪我一齊「扎醒」？

4. 循序漸進...對的，我正努力地悄悄離開，不帶走一片雲彩...祝我好運啦！

5. 或者等你未來男朋友／老公既慢慢誘導，咁會離教離得開心d...hohoho，你點知冇人
    誘導緊我呀

Jennifer

講個例子，有個n 咁耐前跟人返過團契一排嘅弟兄，近排無啦啦email我同埋另一個團契
嘅姊妹，話要教我地打tennis...佢乜都諗好晒，要買乜，搵個點嘅教練，幾時開始，幾時
練到咁上下可以join佢同埋其他人打 (佢email裡面有timeline架...認真到呢...)問題係我由
頭到尾都冇話過我要學tennis，如果佢為左要"friend"我嗰位姊妹 (我唔信佢嘅target係
我 )，都先打聽清楚個姊妹身邊邊個friend有興趣打先「扮」約埋一齊玩啦...

我覆佢都費事...而好似另外嗰位姊妹都冇reply過...

龍井樹

哈哈, 人地醉翁之意不在酒, 想你知佢幾有誠意同你打友誼波咁o者....

你走寶o勒呢次, 哈哈.

[ 本帖最後由 龍井樹 於 2008-7-8 15:45 編輯 ]

Jennifer

友誼波都有好多種嘅...tennis 呢d咁「激」嘅活動唔係人人都岩wor

龍井樹

咁你應該主動 d叫佢唔好兜圈子, 話佢知你想要邊樣活動啦.

Jennifer

問題重點係咩波都唔想同佢打wor

龍井樹

咁睇黎唔關打乜波既問題, 而係對手問題播....

Jennifer

係lor...講到明就"chum"啦...我已經有言在先話左佢地「騎呢」啦嘛

龍井樹

但我係問你佢點騎呢法嘛‧‧‧
你講到好似聖經證明耶神、耶神證明聖經咁玄o既？

Jennifer

咁識「自說自話」(邀請人都唔先了解下人地有冇興趣玩已經度好晒成個plan) 都唔算
騎呢？係咪男人睇男人把尺唔同d架?

龍井樹

佢好明顯唔係想同你打 tennis啦....
呢 d叫借頭借路, 而個所謂 plan就係整色整水.

[ 本帖最後由 龍井樹 於 2008-7-8 16:58 編輯 ]

Jennifer

哦...原來「借頭借路」並不納入「騎呢」之列
好...講另外一個case比你評下是否「騎呢」啦...

話說某團契弟兄 (已婚) 幾年前任職團契關顧，適逢當年2月14日是星期六，他負責安排
聚會，主題竟然是「關心單身弟兄姊妹」... 後尾好似因為大家唔鍾意呢個咁「標籤化」
的主題，最後變左"movie night"就算...不過心照啦...出席嘅都係「單身」弟兄姊妹 (同埋
搞手+佢太太)lor

龍井樹

如果太正常,
只怕你真係以為佢想約你打 tennis呢.

有單身男女願意出席, 總算成功啦.
佢太太自然係要昅實佢.

[ 本帖最後由 龍井樹 於 2008-7-8 17:30 編輯 ]