返回列表 回覆 發帖

決志後先發現自己比決志前軟弱左,咁決志黎做咩?

幾個星期前返崇拜既時候,當時我想返幾次再睇下自己既心點,
但完左崇拜之後決左志..因為某d原因
(其實係舉起隻手,然後教會既人講左兩句就算決左)
決志o個陣,我心都算堅定,
但點知,慢慢,
我決志之後軟弱左,仲開始對呢個教有好多疑問..

1. 點解信神就一定要返教會?
2. 點解唔信神就會落地獄? (全球60億人口,咁地獄豈不是會爆晒棚?)
3. 點解一定要將所有野交俾神?
(祈禱後感受更深,因為感覺似係自己掟番個波俾自己..將CE交俾神..CE都係要考丫.)

我而家應該點?返又唔係唔返又唔係…極度疑惑中

回復 1# 櫻花樹下 的帖子

櫻弟兄您好:

想不到您會來離教者之家問這類問題,我用我的神學背景嘗試回答您:

1. 點解信神就一定要返教會? → 你們不可停止聚會 (來10:25)
2. 點解唔信神就會落地獄? → 耶穌說我就是道路、真理、生命;若不藉著我,沒有人能到父那裡去。 (約14:6)
2a. 全球60億人口,咁地獄豈不是會爆晒棚?→ 仲會用好多能源,因為要不斷用永火燒。不過大家都知道,神是全能的,因此,有乜唔得呢?
3. 點解一定要將所有野交俾神? → 凡勞苦擔重擔的人可以到我這裡來,我就使你們得安息。(太11:28)

全部都有聖經根據,問你服未?

下一個問題應該是:為何要信聖經?
支持鼓勵每位離教者 › 閹割神父 刻不容緩 ‹
1. 點解信神就一定要返教會?

抽水兄答左




2. 點解唔信神就會落地獄? (全球60億人口,咁地獄豈不是會爆晒棚?)

殘酷的現實是:這世界沒有「正義」和「邪惡」。那只是人類自我定義,用來美化自己、自我陶醉而已。本質上那個神也是一樣嘛~~


3. 點解一定要將所有野交俾神?



人生不如意事十常八九。把自己交托給一個精神依賴,可能會令自己舒服一點。但......

能證明上帝存在嗎??<<不可能
能證明上帝不存在嗎??<<不可能

既然無可能知道那精神依賴是否真實存在,那為什麼要把自己完全交托給他??

命運和未來說到尾是自己掌握在自己手中,自己不努力的話全宇宙所有神明一起上也幫不到你。

那不是這問題的答案呀......

回復 2# 抽刀斷水 的帖子

To 抽水 :

吓? 識用聖經答就好巴閉?

To 櫻花

如果不信聖經, 一開始就不要信咯?

任何人在某一段時間都會覺得軟弱, 點樣克服就係睇你運唔運用意志

如果決定要決志, 係出於自由意志的話, 何不去研究一下聖經, 再經歷一下神在你生命中的一切, 才決定信不信吧...
原帖由 Guest from 124.244.169.x 於 2008-7-12 00:10 發表
To 抽水 :

吓? 識用聖經答就好巴閉?

To 櫻花

如果不信聖經, 一開始就不要信咯?

任何人在某一段時間都會覺得軟弱, 點樣克服就係睇你運唔運用意志

如果決定要決志, 係出於自由意志的話, 何不去研究一下聖經,  ...


e度冇人巴閉wo~~~

有人提出你們宗教的疑問,就得用你們宗教的典籍吧。難道要用佛經???
那不是這問題的答案呀......

回復 4# 的帖子

假如我的用詞或運用聖經令閣下覺得我好巴閉的話,在此我說句對不起。

引用聖經,是由於:

聖經都是神所默示的,於教訓、督責、使人歸正、教導人學義都是有益的,叫屬神的人得以完全,預備行各樣的善事。(提後3:16-17)
支持鼓勵每位離教者 › 閹割神父 刻不容緩 ‹

回復 6# 抽刀斷水 的帖子

咁又唔駛講對唔住, 係本人覺得你巴閉, 你又唔一定係真係巴閉, 但係又唔可以否決人地對你態度的質疑...

如同聖經的真理是神所默示, 你可以唔信, 但你卻不能推諉的~
提外話

有時不喜歡聖經的人 比起信 聖經的人更會了解聖經

有些不是教徒的人 他的品行更像一個教徒

自身先傲慢 才會覺人很巴閉吧
不引聖經之言 以我親身經歷 某些傳教人的說話

[神給予人自由意志 你可以去選擇
但神的智慧是無限 人類的卻是有限 你唔明白 未必唔好]

回復 7# 的帖子

"如同聖經的真理是神所默示, 你可以唔信, 但你卻不能推諉的"

--->我唔信<----講呢句就係"推諉"啦...怎樣不能??如果你說"可以唔信, 但你卻不能推諉的", 請先教我你這些類似中文的外星話, 否則我語言天份不高, 不能明白你的"真理"啊...
原帖由 Guest from 124.244.169.x 於 2008-7-12 00:49 發表
咁又唔駛講對唔住, 係本人覺得你巴閉, 你又唔一定係真係巴閉, 但係又唔可以否決人地對你態度的質疑...

如同聖經的真理是神所默示, 你可以唔信, 但你卻不能推諉的~ ...


神默示的就一定對嗎?
那不是這問題的答案呀......
原帖由 dragoon 於 2008-7-12 00:51 發表
提外話

有時不喜歡聖經的人 比起信 聖經的人更會了解聖經

有些不是教徒的人 他的品行更像一個教徒

例如: 令人戰慄的聖經 http://truthbible.net/
支持鼓勵每位離教者 › 閹割神父 刻不容緩 ‹

回復 6# 抽刀斷水 的帖子

今次您就真係同大秦景教一倫樣  --十蚊一炮, 抵繞,我都唔爭您
識quote幾句爛鬼經就真係好巴久閉咩?本衰書,識親嘅都唔慌好人啦
難怪訪客  124.244.16久 咁氣憤喎
您仲夠胆死駁嘴?
Don't know where God is but the Devil is in the details
決志是做什么事情?
原帖由 eili 於 2008-7-12 14:31 發表
決志是做什么事情?


承諾信基督 不會叛教
原帖由 weakest 於 2008-7-12 01:46 發表
"如同聖經的真理是神所默示, 你可以唔信, 但你卻不能推諉的"

--->我唔信


明白什麼是邏輯的人才有資格自稱信神吧 我看他只是一知半解

回復 1# 櫻花樹下 的帖子

[    ] 內為教會標準答案,並非本人意見

1. 點解信神就一定要返教會?
    [教會係屬於一班有共同信仰嘅人組成嘅群體,你既然已經接受左佢地嘅信仰,
     冇理由會抗拒同佢地相交架... ...除非你唔係真係信lor。只要你返一排崇拜,主日學,
     慕道班,了解多d,就自然會越來越信架啦...]

2. 點解唔信神就會落地獄? (全球60億人口,咁地獄豈不是會爆晒棚?)
    [神冇話過唔信佢就一定會落地獄,因為世人必有一死,死後且有審判。所以信/ 唔信嘅人
     都要受審判架。但係因為信主嘅人被主耶穌嘅寶血洗清左自己嘅罪,所以被「看」為
     無罪啫...呢d就係神嘅恩典嘅偉大之處啦...]

3. 點解一定要將所有野交俾神?
    [因為我地信得過神會為我地預備最好lor。唔係話叫我地乜都唔做齋等 (例如:你祈左禱
     都係要考ce啦),但係藉著祈禱,你心裡面會有平安,同埋神同在嘅感覺。結果係點?
     咪交俾神lor。神冇應許過天色常藍,花香常漫,但係佢已經勝過呢個世界,你靠佢,
     仲有乜野好怕?]

---> 你試下將呢d問題問下教會嘅牧師/ 長老etc...同你賭十皮,佢地嘅答案雖不中亦不遠已。
        唔信?試下吖?

講真,你黎問我地真係冇用架wor...信仰係你自己嘅選擇,如果你最後揀左基督教信仰,
就要接受 [     ] 裡面嘅標準答案就係你心裡面認同嘅答案。如果你未接受到,咁可能其實
你心裡面仲尋找緊一個自己俾自己嘅真正答案,而唔係人地硬塞俾你嘅 sample answer
啦...

祝早日尋見

回復 1# 櫻花樹下 的帖子

以前決志不代表之後不可以改變主意. 如果覺得自己曾做錯決定, 盡量改過便是. 很多人也會改變主意(不只是宗教問題...). 你先認真思考一下(反正沒有很趕的deadline...不用急的...)是否繼續信, 是否去教會等問題吧...最重要的是有作認真, 理性的思考...
原帖由 Jennifer 於 2008-7-12 22:22 發表
神冇應許過天色常藍
花姨花姨,其實我唔係好明白点解咁都可以係理由。
根本唔會有人咁黑心要求天色常藍嘛
若然佢應承咗天色常藍,我地先致大檸樂 -- 日日望天打卦。您記得細個嗰陣制水個可?
Don't know where God is but the Devil is in the details

回復 19# 沙文 的帖子

呢個叫做 "figure of speech" 呀沙文叔...唔係話一定要日日好天,「天色常藍」即係
比喻日日風平浪靜,平安無事咁解呀
返回列表
高級模式 | 發新話題
B Color Image Link Quote Code Smilies
換一個