|
 
|
米雪尹佬情深26載 阿嫂名分確認
2010/02/18 來源：on.cc
尹志強（尹佬）與米雪拍拖26年，是圈中公認的「模範夫妻」。尹佬妹妹昨日認屍時，亦直認米雪是「阿嫂」，而尹佬生前好友亦對婚事不置可否。
尹佬和米雪自84年相戀，攜手共度26載風雨，尹佬更曾多次在喜慶場合求婚。尹佬患癌期間，米雪以「賢內助」身份陪伴在側，對他照顧有加，尹佬自01年起更以「我太太」稱呼米雪，並有指兩人已秘密影結婚照，甚至傳出米雪為圓尹佬心願，選擇在ICU行禮，米雪更於前年底拍攝中式裙褂婚照贈愛郎，裙褂款式、髮型及首飾等均徵求尹佬意見。而她昨日亦以未亡人身份召開記者會，向傳媒交代尹佬的後事。
雖然米雪曾揚言不結婚可保持初戀感覺，但尹佬妹妹昨日到殮房認屍時，親口承認米雪是「阿嫂」，米雪助手洪小姐對此回應：「尹生家人一向係咁叫佢，但係咪真係註o左冊要佢o地家人先知！」
三哥欲言又止
至於尹佬生前好友亦對他們已婚一事，不慎漏了口風。苗僑偉（三哥）被問到「尹米」是否已婚時，並沒否認：「呢個時候唔方便答你，你明o架啦，唔好意思！」而尹佬外甥梁漢文亦說：「據了解佢o地係未結，不過拍拖咁耐，家人都咁叫佢（稱米雪做阿嫂），佢o地冇乜所謂，只欠一紙婚書，佢（身份）同老婆冇分別，我就叫佢米雪姐姐！」另外，尹佬亦是名人余錦遠兒子的契爺，余錦遠說：「唔清楚！名義上唔係都唔緊要，佢o地一齊咁耐，我當佢o地結o左婚！（叫米雪做阿嫂？）我o地叫佢名o架咋！」
與尹佬稱兄道弟的資深足球評述員黃興桂對此說：「當係結o左婚咁樣剢，係叫佢阿嫂，但唔係正式去註冊！我26年前已識佢o地，見佢o地拍拖，知道尹佬o黎真，覺得佢o地形同夫婦，今次件事唔係誤會，大家都叫米記做阿嫂，最緊要佢o地已經當自己係夫婦！如果佢o地正式註冊o左，反而仲奇！（尹佬想結，但米雪唔想？）唔係o既！大家都愛錫對方。（會唔會結o左你唔知？）肯定冇結婚，不過成家百分百當佢阿嫂！」
開工大方露面
此外，米雪昨晚收拾心情，為無線新劇《女人最痛》開工，監製林志華雖於心不忍，仍尊重其意願，並在化妝間恭迎米雪。米雪於昨晚九時許到達電視城，但走後門進避開傳媒，而化妝師移師錄影廠遷就米雪。米雪約於十時五十五分完成工作，因見大批傳媒苦候，遂決定出來給傳媒影相交差，事前助手講明她不會發言，以劇中造型現身的她，並沒強擠笑容，但神態輕鬆，影了一兩分鐘後，米雪說：「辛苦晒，唔該晒！」其後換衫離開。至於同劇演員張可頤和馬德鐘，亦默默支持米雪，可頤表示會煲湯給對方飲；馬德鐘則認為無聲勝有聲：「佢返得o黎開工已經好堅強！」而曾與米雪合作《五味人生》的郭晉安則大讚她積極：「做同事應更加有信心佢可渡過難關！」
抽：好欣賞他們不離不棄的精神，願尹志強一路走好。
http://news.hk.msn.com/entertain ... ticle_4_64208_1.asp |
|
2010/2/18 15:52
| 
2010/2/18 20:40
| 
