感恩

酒井明

為什麼要存有[恨]呢？
為什麼分手後，要想著他當初對自己怎樣怎樣的不好？為什麼要恨他呢？
何不反過來，想著他的好，感激他曾經愛過你？
這才是真正的[凡事感恩]。[凡事感恩]不是如那些瘋子說的，事無大小，不論死人塌樓、殺人毆鬥也感恩一遍；而是，即使他離開了你，你仍抱著樂觀的心，面對他，面對自己。
那些心存歹毒的人，總喜歡在你的感情有阻礙，甚至失戀的時候，跑過來跟你說[不要把感情放在男友身上吧]、[全心全意放在教會吧，將愛奉戲給神吧]，甚至說[神安排你們分手，一定對你有益處]之類的說話。這絕不是什麼[凡事感恩]。這些人，不過是想多一個人，跟他一起跳[忠字舞]，將雙手比劃在胸前，擺出心形圖案，唱著[親愛的上帝啊，我們有多少知心的話兒要跟你說]。他們只是一群瘋子，不要理會他們。
不要只想著，他當初是如何跟另一個女孩搭上了，如何移情別戀，如何決絕地提出分手；你要想著，那天一起在一部夾毛娃娃機面前，他夾到那個你一直很喜歡的毛娃娃的時候，將[戰利品]送給你，那時的興奮、雀躍。你要想著，那年的聖誕夜，纏綿過後，他緊擁著赤裸的你，在你耳邊情深低訴一句[我愛你]；與及那天在教員室的走廊裡，他故意在那個四十歲仍沒有男朋友、據說是[明光社]會員的訓導主任 Miss Leung 背後，緊擁著你，送你情深的一吻。因為，你是曾經被一個男人，如斯真心地愛著。
這才是真正的[凡事感恩]。

earear

原帖由 酒井明 於 2007-7-22 17:51 發表
...那些心存歹毒的人，總喜歡在你的感情有阻礙，甚至失戀的時候，跑過來跟你說[不要把感情放在男友身上吧]、[全心全意放在教會吧，將愛奉戲給神吧]， ...

是的。當你失意的時候，他們有"目的"的親近你，是為了借機向你傳教，而並非真切的關心你，這是我最反感的。

[ 本帖最後由 earear 於 2007-7-23 17:09 編輯 ]

抽刀斷水

珍惜每段感情的片段，內裡不乏彼此付出的真愛，回想起來也是甜美。

如今人去樓空，再想故人之不是已是無聊，拿著心裡的餘恨反覆慢慢細嚼，只會令自己變得面目可憎。

李白一句「棄我去者，昨日之日不可留」就已點出了重點：放下。

只須向前看就可以了。

沙文

原帖由 抽刀斷水 於 2007-7-23 03:09 發表
李白一句「棄我去者，昨日之日不可留」就已點出了重點：放下。

只須向前看就可以了。

如果佢真係放得下就唔會有下句咁煩憂啦

有喲野, 唔係話放就下嘅..........

抽刀斷水

原帖由 沙文 於 2007-7-23 19:29 發表
如果佢真係放得下就唔會有下句咁煩憂啦

有喲野, 唔係話放就下嘅..........

下一句唔係話家下都有其他煩野咩？唔關過去既事掛？

沙文

咁咪始終都係煩, 唔煩過去都要煩現在, 咁, 若然有過去俾您煩下, 您就唔得閒煩現在啦嘛。以前煩, 都好過而家煩

酒井明

喂喂..........兩位，唔好咁啦，阿李生佢一向都係咁多愁善感，所以咪成日借酒澆愁囉。如果係要煩，乜都煩得一餐架啦，唔理而家、過去定係將來。聽詩人o既說話，有時斷章取義就算啦。

抽刀斷水

我覺得果兩句應該係咁既意境：過去左果Ｄ煩野，就無謂再提啦；今日Ｄ煩野，都夠我煩死了。

而沙文既解釋，就岩岩調轉：我以前Ｄ野就放唔低喇，今日Ｄ煩野我就唔理了。

沙文兄都未到看破‧放下‧自在既境界，畢竟人生閱歷都係淺左Ｄ既。

P.S. 酒井兄就過去、現在、將來乜都唔理，混沌一片，一係佢係白痴，否則就係天才！

沙文

原帖由 抽刀斷水 於 2007-7-23 06:06 發表
我覺得果兩句應該係咁既意境：過去左果Ｄ煩野，就無謂再提啦；今日Ｄ煩野，都夠我煩死了。

而沙文既解釋，就岩岩調轉：我以前Ｄ野就放唔低喇，今日Ｄ煩野我就唔理了。

沙文兄都未到看破‧放下‧自在既境界，畢竟人生閱歷都係淺左Ｄ既。

...

唔得唔得！您咁樣解法，會被利用為「Mat 6:34 一天的難處一天當就夠了」經文的註腳。

而我承認我的人生閱歷都係淺左Ｄ，我成日覺得，未試過失戀，始終係一個缺陷

酒井明

沙文兄，或者你講得o岩，失戀o既感覺就係令我寫得出好似[那一年夏天，那一場戀愛]咁樣意境o既文章出黎，如果你覺得咁樣係好o既，咪就當係好囉。
[失戀]對我黎講，就好似斷o左一隻手，或者一隻腳咁；我而家係習慣緊點樣單手食飯，或者適應緊隻假腳黎行路、沖涼。係，我係比你地呢D健全人士識多o左一樣野；但係，真o既，我寧願好似你地咁，仲有雙手雙腳可以用。有得揀，邊個會揀做傷殘人士？
哈，話時話，唔知沙文兄你鐘唔鐘意我呢篇戀愛文章呢又？
抽刀兄，你咁講即係踩我定係讚我呢？過去o既我，好痛苦；而家o既我，好窮；將來o既，我唔想諗，亦唔敢諗。或者，你就當我係白痴啦。

抽刀斷水

原帖由 沙文 於 2007-7-23 22:22 發表
我成日覺得，未試過失戀，始終係一個缺陷

你竟然未試過失戀！！在我看來，你簡直浪費了你的人生！！

抽刀斷水

原帖由 酒井明 於 2007-7-23 23:09 發表
抽刀兄，你咁講即係踩我定係讚我呢？過去o既我，好痛苦；而家o既我，好窮；將來o既，我唔想諗，亦唔敢諗。或者，你就當我係白痴啦。

噢，就利用你的文章，慢慢地讓我們了解你多一點吧。

Step.King

因為佢根本就認為被拋棄唔算係失戀

沙文

我都唔想架大佬。但係佢地點都肯放棄我，我都冇辦法假.......

Step.King

原帖由 沙文 於 2007-7-24 13:27 發表
我都唔想架大佬。但係佢地點都肯放棄我，我都冇辦法假.......

被放棄緊係冇辦法架啦  但都要老大你自己認為這是失戀才行嘛  
你不覺失戀, 就不是失戀好了

沙文

唉，被放棄當然是失戀啦.........如果佢地是但一個肯放棄我，我就唔駛咁煩啦

Step.King

原帖由 沙文 於 2007-7-24 14:37 發表
唉，被放棄當然是失戀啦.........如果佢地是但一個肯放棄我，我就唔駛咁煩啦

可能佢地係度諗緊:

小蓮: 沙文個死仔都係冇得救架啦 放棄罷啦  由佢娶左個基督妹算lui
小蘊: 沙文個死仔都係冇得救架啦 放棄罷啦  由佢掛住個才女啦  唔好煩我

沙文

但係，小蓮同小蘊都問我同一條問題：「佢有咩好過我？」
女人的問題，我有好多都對答如流，但呢條我唔識答...........

Step.King

所以你就唔知道比人放棄 = 失戀law

沙文

我都冇咁講過以及打過字，係您屈我咁認為之嘛