返回列表 回覆 發帖

[發問] 決志了,但不想信教,如何正式離教?

本帖最後由 路人甲乙丙 於 2011/9/4 09:34 編輯

之前去教會聽福音(基督教),之後有個傳教士幫我決志,於是我便決志了,即係佢讀一句,我又跟住佢讀一句咁祈禱。
但後來忽然間唔想信教(唔講咩原因,總之就唔想信)
咁要如何做先至叫做正式離教?
你地離教時會唔先祈禱話畀神知你要離教?
如果你係唔信基督既話,你祈禱祈比邊個聽?
回復 2# cannypp
請問閣下是否曾時基督徒?
咁你離教時會做咩?
你跟我讀一次就得架喇:

我,路人甲乙丙,唔再信耶穌係神,唔再信耶穌係救世主。

禮成,你已經離左教喇。
支持鼓勵每位離教者 › 閹割神父 刻不容緩 ‹
回復 3# 路人甲乙丙

你唔返教會, 唔同基督徒來往咪離左教囉~
毅力並非長跑, 而是一次接一次的短跑
其實個心有的不安,覺得決志咗信神,但而家又唔信,怕會得罪神
之前就同咗個教會既人傾,佢話基督教唔講報應的
其實個心有的不安,覺得決志咗信神,但而家又唔信,怕會得罪神
之前就同咗個教會既人傾,佢話基督教唔講報應的 ...
路人甲乙丙 發表於 2011/9/4 15:55



你唔信神,也應該徹徹底底地唔信有耶穌(神)存在啊,如果唔係你會很辛苦的
講真,只要唔信神都算係得罪神架啦(以基督教來說),因為唔信神的人都是罪人黎嘛(以基督教來說)
一係你就信得徹徹底底,一係你就完全不要信基督教所有野,咁做人才會舒服一點吧?!
信就有唔信就無!
唔洗怕不存在的東西!
抑或你仲信有神,但只系唔想翻教会?or 你信与唔信神之间呢?
回復 6# 路人甲乙丙


    你信左基督教,又唔怕得罪如來佛祖、觀世音、呂祖、太上老君、玉皇大帝……咩?
回復 6# 路人甲乙丙

從你的post 之中, 可以推想你認為是有"神"這東西的. 請問你的"不想信教" 是怎樣的?
反正你"不想信教", 逼你"信教"的話, 你也不會開心. 既然你都不知那個"神"會怎樣才會被得罪 (你是"信教"便會得罪"神"? 還是"不信教"便得罪"神"? 還是信不信都會(或不會)得罪"神"? 你可以確定嗎?), 隨心而行便好了...不是嗎?
看起來好像這樣:

媒人某日來說親,當下,你覺得條件不錯感覺很好,就答應媒人說:
我想結這個親。

之後,也沒說要相親、要訂婚還是要擇日而娶。

而且,你後悔了,不想結親。
又怕得罪那個從未謀面的「老婆」,所以想,
要不要辦個正式的離婚啊?
回復 3# 路人甲乙丙
冇任何東西要做吧,既然都不再信基督,又何必為一個不再相信的東西做任何事?
還是你心中某處還是相信基督嗎?- -
本帖最後由 dior13dior13 於 2011/9/11 06:34 編輯

基督教的恐嚇做用是企圖運作人的自我認知的
回復 1# 路人甲乙丙


    如果你話你自己唔想信,我建議你先認識咩係基督教,會做咩先再作決定
既然你有機會決了志,何必要放棄呢?
你嘗試繼續番教會,認識下間教會,認識神,認識基督教咪仲好
可能你會覺得你想繼續信基督教呢
回復 1# 路人甲乙丙

為了慎重起見,此事須有正式、具法律約束力之文件。您預備一份「禁止離教通知書」,上面神的簽署欄及日期為衪留空,睡前放牀頭。

明早起來若有衪簽名,就表示衪不同意您離教。
決志又點,唔代表你入左教......
沙文兄:嗰個女人系咪写你嗰封「禁止離教通知書」呀?

转载6月29日太阳报

引發幼稚園驚魂的女子姓李(三十歲),據警方表示,她有精神病紀錄。現場位於何文田邨適文樓地下何文田浸信會幼稚園,昨午三時許,幼稚園內約有六十名學生上課,其中十多名學生在大廳的唱遊室玩遊戲。期間,一名老婦按門鐘,有職員透過視像鏡頭查問來意,得知她為孫兒報名後開門,當時老婦身後有一名樣貌娟好、身穿短裙的女子,職員以為她與老婦同行,未有為意。

詎料該女子進入幼稚園後,即經過唱遊室及走廊進入校長室。當時姓蘇女校長正在工作,感到奇怪及問她所為何事,對方卻稱:「我要打電話畀天父!」蘇校長見勢色不對,感到會有麻煩發生,為師生安危,臨危不亂應對道:「咁你等一陣,我去搵牧師嚟幫你!」然後慢慢離開校長室。

反鎖校長室內書寫
蘇校長甩身後,該女子即反鎖自己在房內及埋頭「寫嘢」,蘇立即通知老師及職員,將唱遊室的學生帶入課室鎖上,並指示其他課室一律鎖好門。職員報警後,消防員首先到場,見女子情緒平靜,但為安全起見,等候警員到場並觀察後,才以後備匙開門進入,女子經勸說後,由救護員送院檢驗,事件擾攘二十多分鐘,警方將案件列作發現懷疑精神有問題人士案處理。蘇校長表示,幸好對方並無情緒激動,亦無持有武器,否則不堪設想。她承認園方職員在開門時有疏忽,已要求全園職員及老師,在開門前逐一查問清楚來訪者身份。
沙文兄:嗰個女人系咪写你嗰封「禁止離教通知書」呀?

對方卻稱:「我要打電話畀天父!」
引發幼稚園驚魂的女子姓李(三 ...
ali 發表於 2011/9/9 12:33


校長可以話「您打IDD,本校要計番您錢喎」咁吖嘛
返回列表
高級模式 | 發新話題
B Color Image Link Quote Code Smilies
換一個