我細細個就比媽媽帶左去領洗,聽講當日打颱風橫風橫雨咁,或者其實我本來就唔應該信教啦……
大個小小之後媽媽就帶左我去教堂聽主日學,因為媽媽係主日學的家長義工(not導師),所以我比其他人早少少上主日學,上堂都係做下手工咁,識到朋友仔,幾開心咁.再遲少少媽媽就帶左我去一個教會組織度一大班人玩下學下做個好人咁啦.升小學果陣我去左間教會女校,果度D修女對教徒同非教徒都好友善,冇乜點叫人信教,只係叫我地要做個好人,上宗教堂都係聽下聖經故事咁,冇乜特別.上到junior2之後我星期六返學校學音樂,星期日好攰,無心機上主日學,媽媽見我辛苦,冇再要求我逢星期日都要去教堂,一個月去一兩次就算.D修女比人調左去另一間school.junior3果位好虔誠的老師教得好有品,逢係導人向善嘅教會都可以信,唔信教都冇問題,最重要係做個好人,天主教徒冇乜野特別勁過人,只係佢地相信天主.但係自從上到junior4宗教科個老師係D「半唐番」,上堂同學生吹水,成年冇教書,再加上呢年我揀左讀由學校開的主日學,修女教,不過佢好惡,唔似以前果兩位修女咁nice,我同果個教會組織D人又有D摩擦,冇再去(我的藉口是考中學好忙).我成績差,去左間無信仰鷄校,中一勉強領左教堂主日學嘅堅振(聖體聖事junior4搞掂左),冇再去教堂,好勤力讀書.F.2呀媽收到果個教會組織D人電話,媽媽問我去唔去聚會,因為以前我好唔鐘意果位導師已經冇再管我所屬果一Group,我可以放心參加,我覺得亦無不可,反正又唔洗死嘅,咁就去啦,去到見到幾乎全部都唔識,仲要個個大過我,響學校同D老友就話聲大夾惡姐,對住D唔識嘅姐姐真係嚇都嚇死,所以勁怕醜,佢地對我都幾好,之後又有CAMP去,其實都幾開心,因為唔算hardsell,又好少話將聖經掛在口邊,而且同性戀同婚前性行為都可以攞出泥講,算開通架喇,因為果期有位屬於果個教會組織的人(當然係去世了)當上聖人,所以都有講下,亦不是只睇好的一面,不好的也有談及,講好的一面多也正常吧,耶穌就話可能假姐,呢位聖人冇可能假掛.之後一直都有去下D活動,但係最近有件事令我好嬲,話說遲少少又有camp去,點知入營時間同我一早約好同學+老師去聽Concert做Project撞到正一正,camp site在新界,我D同學又住NT,咁聽完Concert搭MTR去到目的地個MTR station,我同個營友私下約好到時佢去MTR station上camp site就得啦,最多遲三粒鐘到.我就通知個負責人,係通知!!!點知佢話叫我一係去聽Concert一係去camp,又叫我咪去聽Concert,叫我上網抄,我話比佢知個Concert 係我個miss申請免費,涉及政府資助,報左名就一定要去,條友一於少理,話呢個係天主比我的考驗,呢個camp一年得一次,Concert成日都有,佢知我好想去Camp,所以就攞黎要脅我!
佢知我份Project唔一定要聽呢個Concert,求其一個都可以,但係依家我同D同學約好左,唔去唔得嘛!
我近年除此教會組織同新轉去嘅教區學校D活動以外,已無參加任何宗教活動,所以咁搞一搞,可能成了離教者.
我好彩,一直以來無論宗教科老師,修女,父母比我嘅價值觀都係「逢係導人向善嘅教會都可以信,唔信教都冇問題,最重要係做個好人,天主教徒冇乜野特別勁過人,只係佢地相信天主」,所以「耶教洗腦」云云通通都沒有遇上.........
朋友們和父母亦表示不會因我離教而離棄我,尊重我的決定.
我真係好迷茫,希望大家比D意見我. |
遊客 2012/4/12 21:56
| 
2012/4/12 22:06
| 
）
