沙文

個friend請我哋豬朋狗友去佢府上試酒，其實我唔在行，不過意在陪跑hehe哈哈一番。
酒就冇興趣，卻發現佢有一把para ordnance p14.間槍廠被美國收購，現已停產10年，成為collectable.我都有點後悔當年冇執番把。


關於這事，亦有一單聖經回憶。在佢停產之前不久，槍廠有個職員常去我們range走動，我聽到一些涉及非法槍械交易消息，後來揚咗，差佬到來找我們會員逐個盤。

盤到我，我講咗我所知，條友在生產線上偷嗰尐未打上serial numbers嘅frame出來賣。差人哥哥聽我咁講，就話要我再講多一次，這次要錄影同埋要宣誓。

我問做乜要宣誓？佢話因為可能呈堂，如果將來法庭認為唔需要傳召我出庭，接受video作證，咁就需要宣誓。我同意，detective哥哥就叫clerk姐姐入來，原來拎本聖經來叫我揸L住宣。

我話我信佛教，唔該畀本佛經我。姐姐面有難色:我吔凈得聖經，冇第尐宗教嘅經。

我話哈哈哈我講小啫，其實我乜L教都唔信，現正上緊財神信仰的慕道班。

鬼佬detective哥哥似乎都知道我大中華的財神，陪我笑咗一輪，打圓場話冇宗教人士宣誓可以話“I，沙文 solemnly swear under my own name”.事就這樣成了。

臨走握下手，我問如果我真係信佛教，咁點樣宣？

佢話佢唔知。

有冇人知，喺全世界不同宗教國家法庭宣誓有冇提供不同宗教經典？

抽刀斷水

法庭唔容易睇到，國家元首就職宣誓就係咁：

伊斯蘭教：馬來西亞沙巴宣誓好似就無拎經書: https://www.instagram.com/reel/DRqqOZvDzVI/

印度都無：https://www.youtube.com/watch?v=g0NaHrTziWE

佛教國家泰國又係無：https://www.youtube.com/watch?v=aUZIoxpbY4w

沙文

現代人很多唔用印刷本聖經，咁拎住儲存聖經的sd咭，或者索性拎住電話發誓應該都ok啫？

抽刀斷水

回覆 3# 沙文


    遲啲將本聖經做晶片打入個腦裡面，有基督徒好驟忌話係獸印添。

沙文

如果用印刷本聖經，較保證係純粹一本聖經冇其他嘢。
若是拎住電話、sd咭，除聖經外可能stored其他AV之類。
晶片打入個腦，就更多雜質。