沙文

原帖由 酒井明 於 2007-7-26 05:37 發表
唔好咁話人啦，沙文佢o既文學底真係勁厚架，好犀利架。只係，寫作方面o既進步空間有好大o者。

係呀係呀，您寫作方面的進步空間就好小，幾乎冇咁滯

酒井明

哎呀哎呀，你咁講，即係我o既文筆真係好渣咯........

沙文

梗係唔係啦，如果係，咁我有咁大進步空間，咪好叻咯？但係，既然咁叻，又點會仲有咁大進步空間呢？所以，應該係「進步空間大」者渣過「進步空間小」者，咁先合邏輯嘛。

酒井明

因為我自覺好渣嘛.....你係[一山還比一山高]o個種，而我只係盡心盡力寫o個種嘛。你係[會當凌絕頂，一覽眾山小]；我呀？我只係響山腳賣緊茶、饅頭o既o個個店小二o者。

沙文

我响山腳擺地攤先會有進步空間啫，如果好似陶才子咁一覧眾山小，唔通進步到飛上天咩？

酒井明

我o既意思係，沙文兄係屬於o個種響山頂悟道，參透武功o既高手，根本就不屑留戀於凡塵俗世；而我，只不過係營營役役，響山下賣燒餅、饅頭黎維持生計o既小販o者。只係，我都會盡心盡力做好我o既燒餅、饅頭，等你班高手參透完武功，覺餓喇，咪落黎食野飲茶囉。