beebeechan

凡係活祭品都劏，經上並無生勾勾奉獻的例子。

大家有冇發覺，奉獻畀上帝嘅祭品，又未必係動物，有些係齋， ...
沙文 發表於 2026/1/14 22:55

舊約中的祭獻係唔完美既, 直至由耶穌更完美的祭獻來取代。
今日信徒既祭獻唔係劏, 唔係要見血, 亦唔係一定要食得既。
羅馬書 12:1
所以弟兄們！我以天主的仁慈請求你們，獻上你們的身體當作生活、聖潔和悅樂天主的祭品：這纔是你們合理的敬禮。
『我喜歡仁愛勝過祭獻』（瑪12:8） 亦係呢個意思。

你既聖潔一啲既生活(諗起耶穌, 出軌少一次, 少叫一次雞)就係最好既祭獻。比「關我叉事」既十一奉獻更有意義。

beebeechan

唔完美就要劏嘅咩？點解舊約又一定係嘢食？
沙文 發表於 2026/1/14 23:58

    贖罪祭既牛, 羊, 唔係要嚟食既, 係要「死」「血」....
因為罪既公價係「死」, 牛, 羊只係代人死。

至於平安祭, 和平祭係天主與人共樂既祭獻, 係一齊開大食會, potluck, 咁當然祭品都係要人食得落肚既野。

你拜山都唔會托隻紙紮燒豬上山喇

beebeechan

唔係喎，除了死同血，仲有規定要bbq,上帝唔食sashimi
沙文 發表於 2026/1/15 00:12

   
火, 是神的象徵。 上主在西乃山顯現給梅瑟是一團火。
全燔祭把祭品燒燼, 煙火向上升,  就好像神收納了祭品。
再者, 火..有煉淨的象徵。 即使是無瑕疵的牛羊, 仍是不潔大地出產的祭品, 經火後都給潔淨了。


「上帝唔食sashimi」....我老婆都唔鍾意食魚生啵。 個人口味喇。

beebeechan

若是要死同血，任何動物都得啦，做咩一定要上帝中意食嘅牛羊？鹿唔得咩？魚唔得咩？求其死咗有血嘅都得啦 ...
沙文 發表於 2026/1/15 00:16

   
又即係咁, 情人節時你係咪係路邊摘一執蒲公英送俾蘇珊娜先? 都係花之嘛。
佢期望你掏荷包去花店買束花喇。

鹿, 魚..呢啲在古時唔係牧民自己養既, 係野生動物嚟。
牧民自己圈養的是他們財產嚟, 從牧養牛羊中挑出最好的來獻, 即係等如今日掏荷包出錢買靚禮物, 唔係係路邊執啲野番嚟咁求L其。

beebeechan

豬都得喎？拿，係你話唔係攞黎食，咁就應該冇所謂
沙文 發表於 2026/1/15 00:22

    豬...唔使多講喇卦
你去米芝連餐館食飯時會唔會放隻臭襪係檯上做餐巾。

beebeechan

唔使多講, 米芝蓮有豬食嘅
沙文 發表於 2026/1/15 04:04

米芝蓮梗係有豬食喇
基督徒從來都無食例規限架喇
宗徒大事錄中伯多祿有神示, 天上吊個大布袋落嚟, 裡邊裝住猶太人唔會食既野, 天主都話食得。

beebeechan

你話完美嘅祭獻-- 耶穌就係缺少咗呢個工序, 如果火葬就perfect.
我細個嗰陣去拜山, 燒衣畀阿爺, 阿嫲就吩 ...
沙文 發表於 2026/1/15 04:46

用牛, 用羊...唔係完美既祭品嚟, 所以要過火煉淨。
咁耶穌已經係完美既祭品, 仲使乜過火呢?
天主收貨喇。

beebeechan

究竟天主收唔收到㗎? 好似唔聽見佢有簽收喎?
沙文 發表於 2026/1/15 04:46

耶穌在十字架上說「完成了」, 氣絕時,
聖殿帳幔裂開, 人神不再分離, 人可以通過耶穌有偈傾。
呢個就係「簽收」卦.

beebeechan

阿嫲就吩咐我看住啲火, 一定要燒曬, 如果唔係驚阿爺收唔齊。
沙文 發表於 2026/1/15 04:46

都幾有全燔祭既概念啵

beebeechan

咁咪係囉, 點樣”唔使多講”啫?
沙文 發表於 2026/1/15 04:13

唔使多講啫, 又唔係唔使講。
(借關我叉事呢招......跟手踩番你一腳:

你真係好似文盲理盲咁，乜野閱讀理解都唔識。

)

beebeechan

回覆  beebeechan

地獄仲更加同神有偈傾。好大L火.天國就冇咁大火
沙文 發表於 2026/1/15 06:58

有神學家咁比喻過
神係熾熱既火,
人在天國也是與火在一起, 點解唔覺被燒?
因為人與天主共融了, 人的靈魂也是火一樣, 火在火中, 當然自由自在喇。好似罐石油氣, 火嚟到便同火一齊燒。

那些不願與神在一起的, 咁就被火燒既感覺勒。好似鐵石心腸既, 就一直在火中燒, 即係地獄咁。

beebeechan

耶穌都唔係完美祭品啫。上帝要羊羔，耶穌已是老羊矣。如果眉火辣下或者好啲，sashimi就完全不合規格, 你當 ...
沙文 發表於 2026/1/15 07:03

祭品完美, 在無殘疾, 無罪, 不是要「一歳」
一歲既羊, 牛...當然有殘疾不完美既機會少啲, 無被狼追到會拗柴, 無扑過牛女, 羊女...青頭牛羊嘛....

beebeechan

一直燒都燒我唔著，是之謂真金不怕紅爐火
沙文 發表於 2026/1/15 07:15

    當你燒得著時, 就係與火共舞喇....人神合一喇

beebeechan

另一個耶穌不合規格理由：好似劏祭品係利未祭司負責，幾時改由羅馬佬做都得？ ...
沙文 發表於 2026/1/15 07:18

耶穌是自願上十字架, 所以, 嚴格上是他自己祭自己。
耶穌, 希伯來書7:11中說
"
那麼，如果藉着肋未司祭職能有成全──因為選民就是本着這司祭職接受了法律──為什麼還需要興起另一位，按照默基瑟德品位的司祭，而不稱為按照亞巴郎的品位呢？

耶穌本就是位大司祭, 比肋未司祭更完美的品位。

(何謂「默基瑟德品位的司祭」這個對你會深咗少少, 問下老婆喇, 乘機溝通下, 今晚招呼都好啲)

beebeechan

神係火，你話你又係火，咁會唔會僭越呢？
don't forget上次個位就係衰呢樣好似凟聖靈嗰個係你喎？ ...
沙文 發表於 2026/1/15 07:41

    經上都話教會, 教徒係耶穌既新娘。
仲唔係合一? 新郎新娘兩人連為一體

beebeechan

咁我就冇錯嘞。祭司係劏羊，祭司唔會自己切腹嘛，你估咖仔咩？
所以就係不合規格 ...
沙文 發表於 2026/1/15 07:47

上邊講咗, 肋未司祭係不完美既, 因為佢哋本身都係帶罪。自己切都無用.

耶穌係默基瑟德品位, 唔同質素

beebeechan

但係隻羊冇罪, 咁就有用啦。如果祭司同羊都冇罪, 咁冇+冇 都係得個吉啫
沙文 發表於 2026/1/15 07:55

即係做定期, 若P+I 續期, 再收多次息, P+I + I .....就變咗冇息? 得個吉?

beebeechan

同埋，嚴格來説，耶穌都唔係自願啫，若是去自首就係自願，畀人拉就點樣自願法呀? 問下林定國先啦:
畀人拉， ...
沙文 發表於 2026/1/15 08:11

耶穌要俾人拉, 是符合經上對默西亞的預言: 默西亞是要被交出來受苦的。福音裡耶穌被拉時都好合作喎。無拒捕。 叫伯多祿收番把劍。