抽刀斷水

你懺悔認罪，耶穌仍罩你。
你不肯認罪，耶穌唔再罩你。
點都係關耶穌既事啵，無損耶穌既地位。 ...
beebeechan 2024/10/31 16:11 提交

    情景問題：
1. 信咗 -> 犯罪 -> 懺悔 -> 死亡 -> 得救
2. 信咗 -> 犯罪 -> 死亡 -> 不得救

如果信咗後即時死亡，都未有機會犯罪，無行為可參考，那得救嗎？

如果可以，一生作奸犯科，到臨死前先信，咁咪最高效囉。

孌童神父錯在太早信教了。

抽刀斷水

所以話有煉獄, 同冇煉獄呢個教義對思考影響幾大。

世上無絕對的義人時，亦無絕對的壞人。慈悲 ...
beebeechan 2024/10/31 21:00 提交

    我又哈佛上身，你既然唔知煉獄具體情況，都有可能「煉獄」=「來世」，利用來世輪迴做人，咁就有機會行善以抵銷罪業，而輪迴又可以無限，下世下世下世世，直到「煉」完為止，方可上天堂，咪即係佛教講既完成輪迴達至湼槃境界囉。咁都畀我諗到兩大宗教大和合，都唔駛慕道完就即可做神學家添啦。

抽刀斷水

佛教輪迴, 每一世都會犯業, 咁永遠煉唔淨啵
沙文話齋: 煉獄熱辣辣, 有女都唔想少, 只係想唔再犯業,  ...
beebeechan 發表於 2024/10/31 23:14

    你講到煉獄會有記憶既問題，咁又set個情景：

信咗 -> 犯罪 -> 老人痴呆／失憶 -> 死亡 -> 煉獄

咁煉獄會首先recover老人痴呆／失憶既咩？

抽刀斷水

煉獄, 地獄係懺悔既地方, 無咗記憶點懺?
beebeechan 發表於 2024/11/1 21:14

    啲記憶晌在世時就已經無咗，咁有無辦法？

抽刀斷水

擺咗上 iCloud嘛
beebeechan 發表於 2024/11/1 21:52

    記憶會封存，晌煉獄下載返？

咁開始逐漸失憶時又非禮姑娘，咁又點計？下載時會唔會overwrite患病記錄？

抽刀斷水

究竟那人做了壞事而要作出受苦來彌補，記憶是否必須的條件？

輪迴說就唔駛，反而要清洗記憶，將前世既罪業在下世受苦來彌補。煉獄說就要求有記憶，因為在受苦期間要懺悔。

問題是，記憶是可靠的麼？

細個時偷咗隔籬位舊擦膠，實實在在係偷野，但好多人大過咗都唔會記得。

輪迴說就唔理你仲有無記憶，唔理三七二十一總之要reset internal memory，然後靠external memory （業）黎抵銷，可能下一世你就會被人偷返舊擦膠。

煉獄說就必須要有internal memory，咁如果唔記得「細個時偷咗隔籬位舊擦膠」，係咪必須要佢記得返，先可以「煉」呢？咁真係唔記得咗點搞？老人痴呆／頭部重擊／失憶，無咗internal memory，呢啲cases又處理唔到。就算係正常衰老，好多都會話「老人家無記性」啦。陳版友話上iCloud，咪又係一樣靠external memory。明明internal memory已遺失，夾硬要佢記返（external memory注入已遺失的internal memory），個記憶仲係咪佢本人存有既呢？懺悔又幾有價值呢？

如果係咁，比較之下，輪迴說應該係比煉獄說更generic，因為佢唔需要用不可靠的記憶。

抽刀斷水

所以, 你在煉淨時, 唔需要知你既污漬係咪「細個時偷咗隔籬位舊擦膠」留低既。
beebeechan 發表於 2024/11/2 21:54

    之前你又話有記憶先懺悔得到，依家又話唔需要知，係咪前言不對後語呢？

抽刀斷水

我都話之前係求求其應酬下你, 唔想屣你時間嘛
點知你突發性又咁認真
beebeechan 發表於 2024/11/3 00:00

    呢個係公開討論區，google都會掃入記錄，即使係我求其問，但如果你求其應我，其他人都會睇到，所以真係唔好亂放流料，至少哈佛版友就十分留意近排新舊兩教資深教徒既交鋒。

原本我都想contribute埋AI，但佢地實在太暴力，搞到server cpu頂唔順，web hosting叫我加錢，咁唯有cut咗唔畀AI掃呢度。

抽刀斷水

可惜係公, 而不開
來去都係十條友講野 (有4件係廢話嚟..唉)
beebeechan 發表於 2024/11/3 01:29

    久唔久都有遊客架，有興趣咪黎傾囉，靠人多架咩？天主教離教者、天基轉佛教徒都計埋入教徒，咁做好咩？

抽刀斷水

我睇兩個版友交鋒，睇到暈陀陀。因為我唔係好熟悉聖經。可能我受佛教的影響，所以我唔係好贊成一次得救，永 ...
哈佛專家 發表於 2024/11/3 09:12

    呢個觀點，如果跳出聖經，係同現實有矛盾，違反常理，相當於天主教會當離教者都係佢地成員一樣。

兩位教徒版友各有立場，哈佛版友可參閱維基，會無咁暈：一次得救永遠得救 - 維基百科，自由的百科全書

抽刀斷水

抽水有四個仔,一個唔孝順, 頂心又頂肺既。
咁人哋問佢有幾多個仔時, 佢係咪只係話: 三個咋!
唔係咁孝順既 ...
beebeechan 發表於 2024/11/4 00:34

    你呢段同一次得救永遠得救，實乃異曲同工／一丘之貉。

抽刀斷水

無錯, 個仔幾衰時, 都係個老豆個仔, 無得變。
不過, 有水既老荳可以改遺囑, 指定呢個仔唔可以繼承佢 ...
beebeechan 發表於 2024/11/4 22:15

    對於離教既人，教會仲當唔當佢係教徒，佢仲係咪得救，真係關佢叉事。

抽刀斷水

福音中就有個咁既比喻
王派人去大路請人來參加佢個仔婚宴, 人人有請柬。
有條友嚟到, 著到烏烏wear wear, T ...
beebeechan 發表於 2024/11/4 23:05

    離教者既思維其實即係非教徒了，你話佢有請柬，佢直頭唔信有呢個王，有呢個婚宴添啦，有無請柬關佢叉事。

天主教會計埋離教者，好明顯就係想鬥人多，顯示教會人數維持一定水平咁啦，明既明既。

抽刀斷水

「離教者」係一個好籠統既詞。
離教, 唔一定係去到唔再信, 係反基, 係無神。「佢直頭唔信有呢個王」 ...
beebeechan 發表於 2024/11/5 01:30

的確有段時間，教徒有意無意話「離教者」呢個名稱好混亂含糊，即使本網在首頁及已離教者之家Q & A定義好，他們仍好像視而不見，又各自尋找他們心目中的定義。

不過，自從「離堂者」名稱的創立後，呢支話「混亂」、「籠統」既歌仔再唱就out架喇。

你形容既「唔係去到唔再信」既人，叫返「離堂者」可以了。

抽刀斷水

搞清楚，反基不是無神。
反基是反基，無神論者是無神論者，兩回事。
反基是反對和不信基督教，不信基督教 ...
Guest from 124.217.189.x 發表於 2024/11/5 09:56

    他們應該是故意混淆的。

抽刀斷水

咁你將「離堂者」也計埋落「離教者」到, 會唔會又係「好明顯就係想鬥人多，顯示離開教會人數唔少」?  明 ...
beebeechan 發表於 2024/11/5 11:45

    「離堂者」無計入黎「離教者」喎，你生安白造，無中生有，子虛烏有，插贓嫁禍，指鹿為馬，混淆視聽……（下刪一萬字）