抽刀斷水

至今我都不反對上帝的存在，和聖經的道理
Guest from 14.0.157.x 發表於 2018/11/13 13:23

    咁就慘啦，仲話自己清醒過來。

抽刀斷水

以本網的立場看來，樓主不算被稱為清醒，離開教會而沒有離教，極其量只能算是從睡夢中到達半睡半醒的中途階段。

你後面果句「有啲似唔愛共產黨就係唔愛國既思維」，麻煩定義番「愛」、「共產黨」、「國」先再討論。

抽刀斷水

咁你又使唔使對『離教』，「清醒」定義一下先討論？
beebeechan 發表於 2018/11/16 21:56

    https://exchristian.hk/home/article/show/20

抽刀斷水

呢堆定義，又真係無包括「不滿教會而離開，而心中仍信耶穌」的一類。 ...
beebeechan 發表於 2018/11/18 07:34

    呢堆係不同名稱，不算是定義。

抽刀斷水

世間充斥呢尐人：

唔鍾意份工，但又唔辭職
唔鍾意老婆，但又唔離婚
唔鍾意教會，但又唔離教
……

好多形容詞形容呢尐人既，裡外不是人、黃皮白心、中陰身、到喉唔到肺……

抽刀斷水

回覆 14# 沙文


    我都明白離婚唔可以咁簡單睇，仲有好多考慮因素既。

好多人離教都係要諗既，但正如離教之路ＡＢＣ所講：

Q: 不如先轉另一間教會，轉換一下環境後再看看如何？

A: 假如教徒仍對基督教有希望的話，轉換教會也無可厚非。問題是據一些離教者的經驗，轉換教會也只是帶來另一次的失望，究竟要轉多少間才死心？或者有些人認為不應只轉了一兩次而放棄，這缺乏實驗精神，應不斷嘗試，直至找到合適教會為止。雖然，這種精神看來不錯，但以自己為實驗品，用自己的時間、青春來做實驗，到頭來實驗失敗，損失最大的人只是你自己。另外，實驗並不一定是轉教會，實驗一下離教又何妨？

抽刀斷水

回覆  抽刀斷水
譬如，有條細路返學畀同學仔hup,想轉校，咁您係咪問佢轉幾多間學校至死心?不如輟學出黎做乞兒。
沙文 發表於 2018/11/20 16:04

適齡學童唔返學可以做乜？而如果果位唔係細路，而係Bill Gates, Steve Jobs或Zuckerberg呢？

回覆  抽刀斷水
又例如我性生活唔滿足，要離婚換partner，您就叫我不如出家做和尚。
沙文 發表於 2018/11/20 16:04

我都係覺得閹割比較適合你個case。

抽刀斷水

大佬，唔轉教會而走去離教，係靈性上既upgrade，你啲cases都係downgrade，等我改改啦：

咁在公司做得唔開心想轉工,您係咪叫我咪嘥氣啦不如索性攞綜援?
沙文 發表於 2018/11/21 01:33

唔開心想轉工，不如索性創業自己搞生意？

如果我住東涌,想轉環境換樓, 本網係咪叫我瞓街?
沙文 發表於 2018/11/21 01:33

   

想轉環境換樓，不如移民加拿大仲好啦。

西裝款式過時要買過套, 本網係咪叫我剝光豬返工?
沙文 發表於 2018/11/21 01:33

   

西裝要買過套，創業做咗老闆，仲駛著西裝馬騮衣咩？等尐下屬著飽佢啦。

抽刀斷水

話到明係支持每一位離教者，呢個係源於「離教對自身有益」既信念，否則就無所謂支唔支持啦。

首頁都講明：

離教，一般不像信教一樣，是「受感動」（一時衝動，往往看完煽情的見證後）而草草「決志」，反而好像從夢中甦醒，是理性的抉擇。

個人醒咗，仲唔係upgrade? 你要搵根據，可以晌離教見證入面搵啦。我每篇都睇過，先講得出「離教係靈性上既upgrade」呢句。

個人想離開教會但唔離教，就唔好話自己「曾經係耶撚」啦，咁講好容易令人唔會真係做咗離教者，但其實原來仲承認呢個上帝既存在，咁究竟呃緊人定呃緊自己？

抽刀斷水

咁係源於叫人信教既團體、網站同資訊，向來都如恆河沙數，因此本網既然係少數定位支持離教者既網站，要去捍衛教徒信教就變得好無謂，而且失卻焦點。

咩叫包容？咩叫尊重宗教自由？就係呢度可以容許教徒發聲、甚至傳教，要信教既，網站立場無話要阻止佢架，就算乜教都係。係歷史上由教會或基督徒主理既討論區，講吓反基野就會刪文ban人，咁就無包容無宗教自由喇。

抽刀斷水

回覆 26# 沙文

    講「實驗一下離教又何妨？」只係提供準離教者可以有這個option，提下都叫「強迫、誘使、教唆或反覆遊說教徒離教」咩？你咁嚴格既標準，就真係似本國既法律喇。

所謂包容，其實應該講話係「寬容」（tolerance），原意係離教後可以有自由投身其他宗教，更有表達意願和分享既自由，呢個自由晌基督教係好難出現既。一個討論區除咗實踐言論自由之外，你認為仲可以實踐邊方面既自由？至於教徒與非教徒之間互相想打沉對方，或者我個人不同意教徒既言論而作出反駁，咁就叫唔尊重宗教自由咩？如果你覺得本網就religious tolerance方面可以改善，歡迎提出一起研究。

至於關於你明日受浸，你想收到我代表本網仝人既恭喜，咁先晌你心目中叫包容，咁我同你對包容既理解真係相當唔一樣。屆時真係有呢一日出現，我就可以話：你要浸我唔會阻止你，對你已經好包容喇，因為呢度係支持鼓勵離教者，而唔係支持鼓勵教徒既。

抽刀斷水

提就係誘使、教唆咖啦。
沙文 發表於 2018/11/26 06:19

    咁樣，「離教」呢個詞語一提就令教徒知道有呢樣野，所以都唔提得呀？

版主/網主自己講埋一份, 點都有些騎哩
沙文 發表於 2018/11/26 06:19

好多討論區都係咁架啦。

咁若果我有朝一日決定信教而又健康和快樂地走將來的日子，創造自己美麗的人生, 都好符合貴網的理想, 您有咩理據唔支持鼓励我呢?
沙文 發表於 2018/11/26 06:19

個理由係，你到時大把教會勢力支持鼓勵你（及準備收你的奉獻），我可以留返尐精力去支持鼓勵比較少人支持既離教者。

抽刀斷水

那個「離教IG」，極醜化信教的人，又是事實。
不知那是你（抽刀斷水）個人意見，還是代表本網立場？ ...
beebeechan 發表於 2018/11/26 16:44

    我只收集網上圖片，邊幅圖你覺得極醜化咁呢？

抽刀斷水

本來嗰尐相並唔係為本網收集，只係我多年來上網覺得有關基督教而又有趣的圖片而已。

因為咁：
https://exchristian.hk/forum/red ... 3094&pid=123985

所以先開呢個IG而已。

抽刀斷水

咁鬼麻煩～