抽刀斷水

咁正常人都唔想無咗個腎。
但抽老荳又自願割一邊出嚟救抽仔喎
又係兩個截然不同既人格？或是「傻佬」？ ...
beebeechan 發表於 2023/10/27 01:38

    你點都要用返抽仔同抽老荳既比喻既話，the whole story就應該係：

抽老荳一刀插入抽仔個腎，放血。

抽仔大叫：「老荳你搞乜Ｘ野呀？」之後佢個腎就壞了。

抽老荳呢個時候就割自己個腎畀返抽仔，同時說：「拿，係我救返你架」。

抽仔：「點解要咁做呀？」

。。。。。。

抽老荳話：「割你個腎可以拯救世人呀。」

其他人有好多人都唔相信呢對傻父子，但都有一啲傻人信。

抽刀斷水

回覆 290# beebeechan


    都係講緊特登整壞個腎、然後又捐返個腎出黎扮偉大啫，邊個受其實唔太緊要，個腎係咪work反而都要諗下，你轉數高麻煩都幫手諗下個腎有幾powerful。

抽刀斷水

點「特登」??
誰弄壞了誰的腎?

全句主詞, 受詞, 都不清不楚啵
beebeechan 發表於 2023/10/27 21:56

    一直都係以「一切都是上帝最好的安排」為前題架喇，你突然follow唔到？咁要重新評估你既轉數喎。

抽刀斷水

呢啲咪係亞當原罪本性嚟囉
自己衰咗就搵野嚟賴
好比抽仔在百佳高買, 撻野, 俾人拉咗, 在庭上話:呢啲係超 ...
beebeechan 發表於 2023/10/28 02:15

    OK, 咁點解「抽仔在百佳高買」先得格？如果你話唔係上帝安排，咁其實呢個世界好多野都唔係上帝安排架喇，咁你就廢咗「一切都是上帝最好的安排」呢句，呢個係咪你既意思？

抽刀斷水

按經文既啟示，的確人既自由旨意係鋤大D 既葵扇2

就以天主立主意要消滅尼尼微城....但約納到那裡宣講, 使 ...
beebeechan 發表於 2023/10/28 03:53

    其實你有無諗過點解自由旨意咁大？

你諗返最初反對日心說班友，其實就係覺得乜都圍住自己團團轉。

諗出自由旨意既人，就係覺得連天主都要特登遷就自己，全世界乜都無自由旨意，其他動植物都無，唯獨自己先有。

呢啲其實同「愛」呢個概念係矛盾既，因為容許咗自由旨意導致可能出現的壞結局。

高樓大廈養隻貓，有啲人都會窗口裝返個貓網，驚隻貓跌咗落街。如果係按自由旨意理論，就即係唔會裝貓網，等隻貓既自由旨意決定自己係咪行出去跌落街。

咁仲算唔算一個好主人？呢個主人仲係愛貓人士麼？

抽刀斷水

隻貓都懂高危既, 佢既自由旨意係唔會使佢選揀跳落街既。
裝貓網係怕因意外佢失足跌咗落街唶。

即係無人想行街會俾車車死, 意外又總會發生既, 呢啲同自由旨意無關。
beebeechan 發表於 2023/10/29 00:22

    你話隻貓懂高危，又點解會出現有貓跌落街？咁即係唔懂高危啦，所以先有「貓網」呢樣野既出現。

有能力保護隻貓既愛貓之人，點解可以容許隻貓咁危險窗口打開容易跌落街而唔裝貓網？咁仲係咪愛貓？

意外係有可能發生，但有能力既主人既然都有前瞻性，係咪都有責任降低意外發生既可能性，裝返個貓網呢？

裝完貓網後，即避免貓隻危坐窗邊呢個自由旨意。

講返比喻所希望表達既事：天主如果係愛世人，係咪都有責任避免人類因自由旨意而出現任何危險的可能性？

呢個就係我想表達「愛」同「自由旨意」既矛盾。

你另開的比喻行街車死，可以同樣用政府有無安排安全過路設施避免意外發生既思路去諗，如果個政府乜都無整，車死既機會超大，咁呢個政府係咪愛佢既子民？

抽刀斷水

你又諗錯野勒
天主唔會遷就人...
freewill, choice...係唔同wish, desire..你唔好撈埋一碟。

天主 ...
beebeechan 發表於 2023/10/29 00:22

    你以為天主存在，以為天主容許人類有自由旨意，先會咁諗。

我係講緊諗出「自由旨意」既人既睇法，呢度你跟唔到架喇，暫時唔傾啦。

抽刀斷水

成日拎日心說嚟反基, 實在你都未知教廷審裁加里略的始末。
日心說, 加里略之前便有人提出了, 教廷都無理 ...
beebeechan 發表於 2023/10/29 00:40

    不如你了解清楚先再話人啦，你咁樣出到去會畀人笑架：尼古拉·哥白尼

抽刀斷水

點解話天主無「裝貓網」減少原祖犯過呢?
佢將一切罪惡都收埋在那棵樹內喇喎!

當日人要守十誡, 後來梅瑟 ...
beebeechan 發表於 2023/10/29 01:20

如果真係愛人：

1. 特登整棵樹出黎做乜？
2. 好喇，如果無能力整走棵樹，都好應該裝返個樹網，保護人類唔好行埋棵樹果度。

比喻：

如果真係愛貓：

1. 應該封咗隻窗
2. 如果無能力封咗隻窗，都好應該裝返個貓網，保護隻貓唔好從窗口跌落街。

抽刀斷水

或者, 綁實隻貓都係辦法之一

咪鬼俾佢自由走
beebeechan 發表於 2023/10/29 02:13

    無限上綱了，裝咗貓網後隻貓都可以通屋走（自由旨意），只係排除咗跌落街既危險啫（自由旨意導致的壞結果）。

抽刀斷水

咁不要講埋, 早知咪唔鬼好養貓囉
beebeechan 發表於 2023/10/29 02:05

    發晦氣無助討論。

或者，你係暗示天主無「早知」能力？

抽刀斷水

上邊既比喻咪講咗天主已經裝咗貓網,
係原祖既自由旨意, 要整爛個網去仆街 ...
beebeechan 發表於 2023/10/29 02:01

    天主／主人如果整個夠堅固既貓網，隻貓會整得爛？

抽刀斷水

你仲話對哲學有點心得...
你唔明白, 若無「黑暗」, 光明就無意思呢回事? ...
beebeechan 發表於 2023/10/29 01:59

    你終於明白，天主係特登畀個陷阱畀人類既？

黑暗　由於　人類選擇　由於　自由旨意　由於　天主容許　由於　天主特登

抽刀斷水

人哋笑你多過笑我

你唔知哥白尼本日心論著作, 仲係主教贊助出版架咩?? 在伽里略事件早幾十年便面世 ...
beebeechan 發表於 2023/10/29 01:57

    咁你仲講咩野伽里略呀？

抽刀斷水

你住大廈養貓又要有窗，係咪特登俾個陷阱等隻貓踩落去？
beebeechan 2023/10/29 06:10 提交

    如果唔裝貓網，你呢句就成立喇。

抽刀斷水

你既思路就係諗住人一有選擇, 一定係會選條黑路行咁囉。

往天國條路係難行時, 都有人會行既 ...
beebeechan 2023/10/29 11:26 提交

    由得啲人作出將有不良後果的選擇，你真係認為係「愛」？

抽刀斷水

#320 是說天主已裝了貓網。
(不過隻誤信貓有九命, 跌落街都唔會死咁講, 搲爛個網) ...
beebeechan 發表於 2023/10/29 21:35

    乜天主無能力裝個貓搲唔爛既網架？

還是佢特登裝個貓搲得爛既網（例如求其搵張紙蓋住就話裝咗貓網），去整蠱隻貓？

抽刀斷水

#327 已經回應了防止人作出將有不良後果的選擇既方法。
原來這就是大愛。
beebeechan 發表於 2023/10/29 21:37

    仍有人因選擇而有不良後果，即係個方法有待改善啦。

咁，係無能力整個完善方法，還是根本求求其其？

抽刀斷水

啱啱就出現呢單野：
大圍名城發生貓貓露台墮樓慘劇 鄰近單位拍片者被指曾用聲音引貓 (yahoo.com)

已經寫到明：

作為動物主人，有責任保護所養動物的安全，必須安裝窗網及避免貓狗走到危險的露台，貓貓墮樓身亡，主人有不可推卸的責任。

你就唔好再替主人狡辯，話隻貓自己搲爛個網啦。

抽刀斷水

照條片睇, 隻貓可沿露台邊緣搵到返入屋既路徑,
正因為有兩個女(應唔係貓主)鬼殺咁嗌  (對隻貓嗌: 返入 ...
beebeechan 發表於 2023/10/30 05:12

    好啦，呢個case就賴女人，其他cases呢？



可以賴個主人無裝貓網，可以賴主人無安裝好，可以賴貓網質素欠佳，可以賴貓網製造商……

你好賴唔賴，去賴隻貓搲爛貓網？去賴隻貓天性跳高跳低？

學咩人做主人呀？

驚你唔明，講明比喻意思係：

可以賴個天主無防止壞結果既措施，可以賴天主啲措施唔完善，可以賴措施質素欠佳，可以賴諗個劣質措施出黎既天主……

你好賴唔賴，去賴人類自己選擇壞結果？去賴人類天性愛好挑戰唔聽話？

學咩人做天主呀？