原帖由 dye 於 2008-5-21 10:44 發表 
慈善是好事，宣傳一下也沒什麼不好。解放軍也一樣在電視上被神化了。
今早那小朋友扶扶地上的朋友這義舉，也被神化了。他又是不懷好意嗎？
至於祈禱，中共也有默哀。呼天搶地也是有的。
——————
如果是用物資換信仰， ...
sorry,我諗我無話過慈善唔係好事,四川既人民需要支援,各界各國亦提供援助,當然係一件好事.用作宣傳,放大一下事件,無可厚非.我就睇唔到解放軍有被神化,如果你有睇中央台,你就會知講解放軍既章節唔多,反而報導外國支援就更仔細.如果呢一吓係老共曲線宣傳自己既開明,我只可以講呢次係近年佢地做得最好睇既一次.
但觀乎各耶教既報導,開宗明義話成件事係佢阿老耶落既order,跟手就悲天憫人咁話某某會損助N咁多錢同派人到當地拹助,派完野叫各方受眾一齊祈禱就經已係慣例,如果用物資黎玩良心要脅唔算係要脅既一種,咁係我講錯.但事實係重要話班災民深受耶徒既義勇行為感動,深感老耶聖恩咁話.嘩,吹水都起個稿睇吓係咪過得人過得自己先啦.呢種作動我自己就覺得唔係放大,係作大,學名叫神化.班耶徒一傳教就根本係謊言輸出,點好心都係做壞事.既然咁好心既,不如就唔好派完就做埋呢D野,等人齊先吹雞叫要祈禱既就過埋黎,我估咁既安排無人會反對囉.
做慈善係好,但做完就即時話你知邊個做摶你感激入教,錯係無錯,低咗D啫.
重記得當年重食緊事頭婆飯,華東水災,咁我又行得開,咪攞一個星期假跟班咩帽去金華幫手抗洪.去到我見到WV班人真係派完資就真係叫災民一齊祈禱.當年港燦既普通話程度有限都算啦,領禱果個又一味同老耶自言自語,其實班災民同我地旁觀果班人都聽唔明佢講乜,但我就聽到有師兄係後面鬧:"稟神都上咗高地先啦,阻住晒條路."唉,估唔到十幾年後既今日都重係咁. |
2008/5/21 10:20
|