沙文

前兩日睇news, 有個90歲阿伯，畀假冒CRA職員呃曬畢生積蓄，又唔算好多，100幾十萬咁啫。我都接過自稱CRA電話，立時冚佢線。我覺得自己咁醒，阿伯咁蠢，抵你畀人呃，唔呃你呃邊個，我覺得好心涼。

尋日，陳版友貼文話我老婆同我阿媽一齊食飯，佢話口未完，果然晚上阿媽真係叫我哋去食飯。莫非陳版友真係先知？董慕節都未必有咁靈喎！

原來，阿媽同我老婆講，阿妹個老公Eric下個月受洗，問我哋得唔得閒去觀禮。我內心又生起一陣心涼的快感：“你條茂利始終走唔甩。這時我先發現，點解這種心涼的感覺好似咁熟悉？原來同前兩日睇新聞的快感完全一樣喎！

抽刀斷水

呢下心涼的快感會唔會逐漸發展成為心寒既感覺？

唔好以為自己好叻，未入棺材一刻都有機會領野：

40宗網戀騙案呃$4000萬　4成逾55歲　8旬婦情陷軍人失500萬棺材本
撰文：鄧海興出版：2025-10-20 18:31更新：2025-10-20 18:32讚好32181382

過去10日，警方接獲逾40宗網上情緣騙案，總損失高達近4,000萬港元。當中逾四成受害人為55歲或以上人士，涉款逾2,400萬元。其中一名八旬婦情陷「軍人」，不但多次轉錢予對方「創業」，更誤信如意郎君驟逝，留低900萬元「遺產」給她，結果又不斷轉錢以領取遺產，直至耗盡500萬元「棺材本」才如夢初醒。

該名81歲老婦在WhatsApp收到一名自稱是「軍人」的訊息，對方邀請她參觀軍營，且殷勤問候，迅速建立網戀關係。有人繼而打蛇隨棍上，聲稱希望創業，脫離軍隊生涯等各種理由，要求老婦提供資金。老婦不虞有詐，多次按指示將現金存入指定戶口。

騙徒食髓知味，另一名自稱為該軍人的「上司」聯絡老婦，聲稱軍人已去世，留下超過900萬港元的遺產給她，卻須先支付相關費用才能領取。老婦又再信以為真，多次轉賬直至財產耗盡，向兒子透露事件，才驚悉受騙，但超過500萬港元的畢生積蓄已付諸東流。

警方在facebook「守網者」專頁提醒，孤獨感往往是騙徒在網上情緣騙案中乘虛而入的缺口，因此多陪伴家中長輩，讓他們不會輕易相信陌生人的甜言蜜語，並謹記以下溫馨提示：

— 關心長輩的上網習慣，陪伴他們一起認識網絡安全

— 定期與長輩分享最新騙案手法

— 提醒長輩進行金錢交易前應與家人商量

— 教導長輩使用「防騙視伏器」或「防騙視伏App」，輸入對方電話或帳號等資料作風險評估

原文網址: 40宗網戀騙案呃$4000萬　4成逾55歲　8旬婦情陷軍人失500萬棺材本 | 香港01 https://www.hk01.com/article/602 ... utm_medium=referral

沙文

回覆 2# 抽刀斷水


    點解你唔擔心我會突然屎窟痕信耶穌

抽刀斷水

即使之前我地好似承諾過我唔信既話你就唔會信，但屎窟痕上黎都無計架喎，擔心都唔擔心得咁多。

沙文

我見第尐離教者你就畀好L多suggestions打波遊水聽歌……
我屎窟痕你就敷衍

抽刀斷水

咁我建議你用火機燒到屎窟唔痕啦。

沙文

屌而家你咩態度？又話上得黎都係有緣人，睇長線唔睇現價。兩句就逼出你真面目

旁觀者

山下徹也阿媽就俾曬成副身家教會，結果得唔到百倍報酬，反而累到個仔要坐監（可能判死刑）。
基督KK園區，重衰過緬甸園區，信啦！

抽刀斷水

回覆 7# 沙文


    哦好啦好啦，好好地同你傾囉好未？其實日防夜防，屎窟痕真係難防。所謂屎窟痕，其實都係源於寂寞，所以先有八旬老婦都被愛情電騙。我建立呢度，就係唔想啲人離咗教後會感到寂寞，作為實質既情感支援。

個concept就係咁，但落實都要靠一眾版友努力，包括你自己。你依家努力捐血，第日要輸血既人，可能就係你自己。

dior13dior13

山下徹也阿媽就俾曬成副身家教會，結果得唔到百倍報酬，反而累到個仔要坐監（可能判死刑）。
基督KK園區，重衰過緬甸園區，信啦！
旁觀者 發表於 2025/10/28 21:17

還會牧師領頭羊帶人跳海，投資緬甸土地

去投資柬普寨啦