逃出魔幻紀

本人逃出魔幻紀，在本討論區與衆網友討論之過程中，因自己並無堅守耶穌基督頒下之「愛天主愛人」新誡命，放縱自己任性而為，將討論區喻為戯臺，對網友多番調侃，自鳴得意。今日反躬自省，忽覺自己在討論區上的有關發言，缺乏「愛」之動機，反而充滿驕傲自大、自私損人、低級趣味之元素。自知得罪了天主，冒犯了網友，可惡之極。現深感懊悔，謹誠心向哈佛專家、沙文、旁觀者、leefeng、龍井樹、以及其他曾被我惡意冒犯過的網友道歉，懇求各位原諒。今後我在討論區之發言，將謹守耶穌基督之新誡命而為，盡量避免重犯上述錯誤。

逃出魔幻紀

你問下沙文兄先
哈佛專家 發表於 2019/12/12 05:10

問乜嘢？

逃出魔幻紀

問沙文接唔接受你道歉先，因為我都被你搞到有些莫名其妙。
哈佛專家 發表於 2019/12/12 08:36

我認為你莫名其妙嘅原因應該係你唔瞭解真正嘅耶穌，請參閲《馬爾穀福音》12:28-34：

有一個經師聽見了他們辯論，覺得耶穌對他們回答的好，便上前來，問他說：「一切誡命中，那一條是第一條呢？」
耶穌回答說：「第一條是：『以色列！你要聽！上主我們的天主是唯一的天主。
你應當全心、全靈、全意、全力愛上主，你的天主。』
第二條是：『你應當愛近人如你自己。』再沒有別的誡命比這兩條更大的了。」
那經師對耶穌說：「不錯，師傅說的實在對：他是唯一的，除他以外，再沒有別的：
應以全心、全意、全力愛他，並愛近人如自己，遠超過一切全燔祭和犧牲。」
耶穌見他回答的明智，便對他說：「你離天主的國不遠了。」從此，沒有人敢再問他。

我係根據耶穌嘅教導做好我嘅本分，人哋點樣對我，原唔原諒我，我控制唔到。每個人嘅作為同後果都係由佢自己內心造成，我係誠心向你哋道歉，唔代表我認同你嗰個與觀音同體嘅假耶穌同埋嗰啲鬼鬼怪怪嘅偶像，真耶穌同假耶穌絕對不可混為一談，否則就會搞到莫名其妙。

逃出魔幻紀

回覆  哈佛專家
此乃教徒之常情，根本無需道歉。
本網的教徒版友理屈詞窮就係會咁咖啦，顧左右而言他，言 ...
沙文 發表於 2019/12/12 13:39

你講得啱，我係用咗「顧左右而言他，言不及義、打諢插科、人身攻撃」等手段嚟討論問題，冒犯網友，有違耶穌「愛人如己」嘅教導，在此謹以真誠之意向被冒犯者道歉！然而，呢個過犯係態度問題，而唔係道理問題，絕對唔係理屈詞窮嘅表現。我會繼續以耶穌基督嘅新誡命為圭臬，去進行討論同發表意見。

逃出魔幻紀

點解唔向我道歉？真係當我無到？
抽刀斷水 發表於 2019/12/12 21:17

向你道咗歉喇！包括beebeechan同埋自覺受到我冒犯嘅其他網友，你仔細睇下我個貼啊。不過諗嚟諗去我都好似諗唔到對網主有任何惡意，不嬲都覺得網主好似一個斯文公正嘅班主任，我同班嘩鬼玩踢蘿柚，點敢踢埋班主任吖，不嬲都對你尊敬有加。

逃出魔幻紀

本版的非基仔佬，一見有個教徒話道歉，就一個二個飛撲出嚟，擺出一個咀臉：「對勒，係你錯哂，我無錯！」完 ...
beebeechan 發表於 2019/12/13 14:50

噉又冇話邊個高咗矮咗，得罪講句，除咗耶穌同聖母，呢個世界冇個好人。我成日都啱啱同呢個道完歉又即刻鬼拍後尾枕去得罪第二個；經常喺告解室出嚟都未返到屋企，身口意已經又再犯罪。自己都覺得自己好可惡，好似leefeng話齋，好想攞條鞭黎鞭自己，而且釘自己喺十字架。其實已經釘咗喇，聖保祿對基督徒講：「因為我們知道，我們的舊人已與他同釘在十字架上了，使那屬罪惡的自我消逝，好叫我們不再作罪惡的奴隸，因為已死的人，便脫離了罪惡」（《羅馬書》6:6-8），點知自己忍唔住又從十字架上躝返落嚟作惡；亦都學leefeng講噉樣，孭起咗幾百kg嘅十字架，因為耶穌講「誰若願意跟隨我，該棄絕自己，背著自己的十字架來跟隨我」（瑪16:24），但其實呢個十字架嘅重量，遠遠超過幾百kg，唔願意孭嘅人應該體會唔到呢個重量。

逃出魔幻紀

令反基們有堅決信心打基督教的就是基督教(包括天主教)最虛偽的一様野：虛偽！
個口：我有罪我要侮改！天天 ...
leefeng 發表於 2019/12/14 03:45

我信你嘅感覺係真嘅, 因爲我住喺同你同一個社會而唔係太空，點會唔知？你指出嘅陰聲細氣但轉頭又大鬧阿婆嘅現象，喺天主教叫做「惡表」，即係做咗壞榜樣產生「使人絆倒」嘅效果，係我要真誠道歉嘅原因。我亦都信我自己日日進步緊嘅感覺係真嘅, 就算進十步退九步都進咗一步, 係實際有可量度性嘅, 譬如話我日日鬧兩個阿婆，平均每人鬧佢十句，但今日淨係鬧咗一個，鬧咗三句自己即刻意識到唔妥即時收聲，雖然冇道歉而轉身走人，噉都算係進步啊。我相信香港好多教會都反對暴力, 應該包括基督教都有唔少，我冇調查過，我服從權柄嘅觀點喺度講過好多次。

逃出魔幻紀

基督教徒最乞人憎既行為係不斷去作悪，然後扮攺過，再作悪，再扮攺過…
基督教最衰一樣野就係「懺悔」呢 ...
leefeng 發表於 2019/12/15 02:53

有信仰同無信仰嘅兩種人嘅思考框架，可能係祇有世間邏輯理性思考部分有重疊，而唔會有屬靈方面嘅共通點。根據耶穌所講，天國嘅事同世間嘅事係兩個完全唔同嘅範疇，對天主嘅信靠係講個心，係「信」與「唔信」嘅問題，世間嘅邏輯未必講得清楚，正如聖歌「皇皇聖體」嘅歌詞：「五官之力有所不及，應由信德來補充。」因此，對leefeng嘅觀點，我只從理性邏輯嘅角度去分析事物嘅表面部分，而暫時忽略靈性部分嘅討論：
1）

耶穌教就是一個製造可以犯罪空間給教徒，然後又可以做下「懺悔」將呢啲惡行可以「懺悔」完粉筆字咁抹咗的
邪教！

如果你唔想教徒有犯罪空間呢個邏輯係正確嘅，全世界唔想犯罪嘅人，都會希望自己住喺一個連放風時間都冇嘅重犯單人監倉入邊。
「懺悔」同抹去粉筆字係關係到靈魂同內心嘅問題（聖經中耶穌召叫罪人伯多祿、應承右盜今日天國相見、稅吏長匝凱呢啲故事都可以説明），本人喺告解室亦有比較屬靈嘅經歷，但呢啲都屬「信」嘅範疇，所以暫時忽略唔講。但係，喺你同我都接受同理解到嘅層面，「省察、痛悔、定改、告明」呢幾個告解指定動作，係咪個個人都咁易做到呢？如果你有足夠好奇心，可以做一個統計調查觀察下，或者你自己可以真心代入體會下。至於不斷犯罪，不斷告解，不斷被原諒合唔合理，耶穌已經教導過一日原諒人地70個7次，同埋亦都講過「浪子回頭」等故事，唔信就可以忽略。
2）

基督教徒衰到以為鬧少咗就是叫做【進步】或【恩惠】呢吓？
所以信基督教只能令人變白痴兼冇腦，當作悪係合理，只要下次做少啲或「懺悔」就變番做一個好人了？

一個心血管有嚴重堵塞問題嘅人，唔聽醫生勸告，日日食兩盒肥叉鴨，某日食食下嘅時候，忽然間覺得應該珍惜自己生命，食咗三嚿就放低筷子，決心遵醫囑儘快戒食肥膩嘢，噉算唔算有進步呢？

逃出魔幻紀

難為你講得出口，重以為自己係一個好坦白好肯改過的人？你們基督教的【服從權柄】只限於服從你地個 ...
leefeng 發表於 2019/12/15 02:15

做人要用理智去分辨事物，明辨是非，先至可以正常生活。同樣道理，基督徒亦都要用靈魂嘅理智去辯別正確嘅方向，先至可以行到正路，我哋唯一信靠嘅係天主耶穌基督，而唔係某個教牧。我曾經建議你瞭解下基督徒對目前香港狀況嘅幾個不同觀點，亦都邀請過你睇下我喺本區嘅《如何判斷執掌權柄者公義與否》一貼，以就有關觀點展開討論，你抗拒瞭解，繼續指責「邪教禍港」。呢個唔係「信」與「不信」嘅問題，係肯唔肯去瞭解事實嘅問題，係邏輯同理智嘅問題，你對呢個問題有興趣，就算唔信基督，都可以並應該知道基督宗教對目前狀況嘅幾個不同觀點係乜嘢，否則點樣可以作出正確判斷甚至加以批評呢？試諗下：一個只食麵包從未見過食過米飯嘅人，嚐試食第一碗飯就覺得難食到嘔，打開米缸見到啲咪原來發曬黴，佢就去同周圍啲人講，米係黑心商人搵啲垃圾做出嚟嘅汙糟到不堪嘅毒物，會食死人。人哋話畀佢聽事實唔係噉，畀啲生產稻米嘅資料佢睇，同佢講解稻米從播種到收割再到加工倉儲出售成個過程，如果某個環節做得唔好就會變質會發黴就唔食得，冇變質嘅稻米係好有營養嘅食物。但係佢拒絕瞭解塞住隻耳仔唔聽淨係不斷重複「米係黑心商人搵啲垃圾做出嚟嘅汙糟到不堪嘅毒物會食死人」，噉合唔合理呢？

逃出魔幻紀

移鼠教落：
    「弟兄要把弟兄、父親要把兒子，送到死地。兒女要與父母為敵，害死他們。」《馬太》10 ...
旁觀者 發表於 2019/12/16 01:56

呢個問題你喺度講過好多好多次，我記得beebeechan同你解答過唔止一次，我應該都答過，但係解答嘅內容同方式就記得唔係咁清楚，所以而家再簡單補答一次：
1）根據上文下理去睇《瑪竇福音》10:21，好明顯耶穌係向門徒預告佢哋將會受到嘅迫害，呢啲迫害唔單止來自政府、社會、甚至來自佢哋最親嘅家人，這種被家人篤灰出賣、憎恨甚至殺害嘅最極端痛苦，唔使睇咁遠，文化大革命時期喺中國亦都係一種普遍現象。噉如果係文革初期，一個有政治觸覺嘅大學校長同學生講，社會將會分成勢不兩立嘅兩大派，各社會單位包括每個家庭都將無一倖免被捲入，會出現無數至親相殘嘅悲劇，請問呢個校長係咪萬惡不赦嘅壞人呢？
2）耶穌多次講過，天上嘅國同地上嘅國係兩個完全唔同嘅概念，基督徒要將心擺喺天上，唔可以既服侍天主又服侍財富，噉跟隨耶穌的人同跟隨財富嘅人係咪已經排咗兩條隊？呢兩條隊嘅人撈埋一齊住埋一齊係咪會產生矛盾會嗌交打交？按照原文，耶穌係話唔係帶和平而係帶咗一把刀嚟世界，你聽落刺耳係另外一件事，但呢個係事實，第34節就係呢個意思。根據呢個意思，就好容易理解嗰啲子脫離父母新抱脫離家婆嗰啲拆散家庭嘅章節，我相信你亦都喺你身邊睇到唔少家庭因黃藍政見、因宗教立場、或者因跟不同大佬搵食而搞到家庭分裂，喺呢個討論區入邊，基督徒同非基督徒肯定唔係frieng過打band 嗰隻，唔通你覺得同我好啱嘴型？所以我完全明白你嘅「嬲」，但唔明白你嘅「唔明白」。你既然睇過聖經，有自己嘅見解，但係人哋話畀你聽你個見解有瑕疵，建議你從另外嘅角度去睇下瞭解下思考下，我唔知你有冇試過啦，不過你就不斷重複你之前嘅見解，而對人哋相反嘅見解又提唔出合理嘅邏輯性反駁，淨係不斷不斷不斷重複重複重複噉講同一番說話，噉同不斷重複「米係黑心商人搵啲垃圾做出嚟嘅汙糟到不堪嘅毒物會食死人」有乜分別？
3）基督教嘅資料庫入邊有關呢啲經文嘅解釋如汗牛充棟，我亦曾經接觸過天主教嘅相關解釋，有一樣各種解經查經資料講得比較少嘅嘢係，四福音係四個宗徒分別講畀唔同嘅人群聽嘅，這四個人群喺貧富知識理解力等各方面都有好大差別，所以四福音嘅表達手法有分別，加上希伯來文希臘文等文字經過多重翻譯後，原文嘅準確意思，同我哋睇到嘅可能有少少分別，譬如話送嚟一把刀變成動刀兵，愛我多於父母變成憎恨父母之類。

逃出魔幻紀

「跟隨耶穌的人同跟隨財富嘅人係咪已經排咗兩條隊？」唔係，移鼠同佢「父親」、和後來教會嘅「神父」、「牧師」都在搞傳銷，要班走肉「奉獻」，走的是同一條路。

回覆 53# 旁觀者
關於你講嘅呢樣嘢，都係應該瞭解曬事情嘅全部，先至可以得到一個正確嘅觀念。偏聽偏看就會容易做出錯誤嘅判斷。

當做學術研究，建議你行入天主教堂，參加一臺彌撒，就算你幾嬲都好，忍住唔好走，想像自己喺喺實驗室做緊嘢，睇下神父有冇叫人殺人放火，奉獻時間有冇監人畀錢，同埋觀察下你睇唔睇到教友奉獻幾多錢，我相信你無辦法睇到絕大部份教友嘅捐獻數目，思考下佢哋係咪喺度扮畀錢其實一文都冇捐？捐咗三兩文？定係幾千文？我建議你觀察佢呢幾個項目，睇下所得結論同你嘅基模觀念有冇出入？有冇失衡？需唔需要調整？呢幾個被觀察嘅項目其實都包含咗聖經入邊嘅基督精神，而唔係你同leefeng表面睇得咁簡單，做學術研究取樣應該取多啲所得結果先至比較準確，所以建議你俾啲耐心參加十台彌撒，十次你都唔比錢睇下有冇人強逼你、怒睥你、嘲笑你、或者趕你走？

逃出魔幻紀

睇下呢班臭罌木屍個個賊眉賊眼，臭罌咪教出bbchan，魔幻呢類虛偽的臭草囉！

回覆 48# leefeng
leefeng先生，請你明確指出我呢個基督徒幾時贊成個你所列舉嘅呢啲暴力行為，我又冇明確反對過呢啲暴力行為？我又冇建議過你瞭解下耶穌基督面對政權迫害嘅時候應該採取乜嘢態度？我又冇指出過你未曾瞭解事實嘅全部就去妄加判斷同指責，係唔會得到科學同有意義嘅結論？如果我將日本、泰國、越南、中國、澳洲等地出產嘅新米舊米同發黴米擺喺你面前，並將關於稻米生產同倉儲知識嘅文字同音像資料介紹畀你睇，你仍然淨係繼續將專注力放喺嗰堆發霉米嗰度，不停噉講「米係黑心商人搵啲垃圾做出嚟嘅汙糟到不堪嘅毒物會食死人」，噉合唔合理呢？

逃出魔幻紀

回覆  leefeng

教會学校都教出反基。
我就佢地嘅好學生。小學癲鼠教、中學雞涿教，特此鳴謝。春風化雨， ...
沙文 發表於 2019/12/17 13:02

好正常，我睇過一篇有關研究嘅結論講，17歲之後嘅人接受宗教教育，大約祇有6%嘅人會信（如果我冇記錯百分比，亦都唔記得呢個研究浄係針對華人定係全世界嘅人）。

逃出魔幻紀

唔係喎，我幼稚園2nd year已經讀癲鼠教學校，17歲就差不多洗完了。我畀咗好L多青春貴教嘅啦，並非after 17 ...
沙文 發表於 2019/12/17 14:11

亦都好正常，個研究分好多個階段，好似話兩歲至幾,歲幾歲至幾,歲幾歲至17歲噉,不過每個階段嘅百分比都好似唔係太高，17歲之後就最細。

逃出魔幻紀

回覆  beebeechan
咁就承您貴言，我都好open  mined,睇下幾時我腦退化症、失智症之後信主。
我諗初起都唔 ...
沙文 發表於 2019/12/17 19:21

呢樣應該唔得, 唔正常。

逃出魔幻紀

你個米生產商係虛構物種，稻田，米倉，賣米人都不存在。
你們吃的米亦只是虛幻的，你們的米只是在書本上見 ...
leefeng 發表於 2019/12/18 04:09

    同你溝通好似有D困難，簡單講詳細講你都唔知我講乜，可能我講得太心急太籠統，所以後來就將要講嘅嘢精細界定，忽略「信」嘅元素，唔講其他嘢，淨係同你討論你固有觀點入邊可驗證嘅問題：

1）唔係所有基督徒都主張打家劫舍殺人放火搞亂香港，我所認同嘅神學觀點你到而家都唔明白，繼續老屈我，噉樣係偏激唔負責任嘅表現，建議你認真瞭解後再發言。
2）唔係所有教會都好似你講噉強迫人捐獻，建議你做社會科學實驗你又拒絕做，噉樣冇根冇據嘅觀點係唔會有說服力嘅。

同你講比喻係希望你容易啲理解現實情況，你代入唔到唔單止，仲走咗入個比喻本身入邊，話啲嘢虛構虛幻唔存在，仲話各個國家嘅嘅米代表個個宗教，其實我講嚟講去就係想講「你喺未瞭解事實嘅全部而且堅持拒絕整體地觀察研究瞭解嘅前提下，你對有關事情嘅任何評論都會偏差，係盲人摸象（你就係捉住隻象耳不停講「象係一把扇」）」，世界上有4/5人或幾多人信乜嘢宗教同我想講嘅呢個中心有乜關係呢？
我而家覺得同你哋傾偈好有意思，大家互相交流學到唔少嘢，包括鍾意講笑嘅沙文，雖然佢飛嚟飛去扮曬唔明，但我覺得佢比較明白我表達嘅意思，唔怪得beebeechan成日讚佢。

逃出魔幻紀

我唔記得你有乜嘢得罪過我，就算有應該都係好小事，take it easy。
龍井樹 發表於 2019/12/18 17:11

我記得起碼頂撞過你一兩句，心存惡意定好意自己最清楚，多謝你。

逃出魔幻紀

硬係覺得信耶稣教係自己攞黎犯賤，好好一个人唔做，要做奴才叫洋人做【主】，又做埋畜生【羊】？
真係如 ...
leefeng 發表於 2019/12/19 02:30

我雖然唔知你講嘅「叫洋人做主」係乜嘢概念，但我肯定你講嘅呢個洋人唔係幾夠「洋」，其實佢好兜踎。天主揀選自己嘅降生地同埋出生身份係：羅馬帝國統治下嘅殖民地，亡國奴猶太人之中嘅一個木工家庭，仲指定用普通到唔普通嘅「耶穌」做自己嘅名，呢個名就等於我哋個個人都識得幾個嘅「強仔」。你諗下：如果而家緬甸入邊有個羅興亞人嘅咕哩仔「細B」，話自己係救世主，噉佢洋唔洋呢？
至於天主點解揀喺中東出世同用啲咁普通嘅名，其實係好巧妙嘅計畫同安排，睇表面係睇唔明嘅。

逃出魔幻紀

硬係覺得信耶稣教係自己攞黎犯賤，好好一个人唔做，要做奴才叫洋人做【主】，又做埋畜生【羊】？
真係如 ...
leefeng 發表於 2019/12/19 02:30

呢個其實係唔錯嘅問題，可以啟發多層面噉去思考問題。但係呢個討論版區，如果一嘢開到咁大，就好容易進入我經常指出嘅天/地、精神/物理crossover但缺乏比喻性聯想嘅冇意義討論。如果你唔界定喺邊個層面嚟討論，就會出現以下嘅情況：你話「信耶穌教嘅人」好好一個人唔做而要做奴才做畜牲咁犯賤，噉我用你同旁觀者嘅討論模式就會問：佢哋同信耶穌之前嘅自己相比，喺法律上、個人政治權利同社會權利上、身體嘅生理結構上、食物嘅種類上、語言嘅發音方式上，產生咗乜嘢變化？同唔信耶穌嘅人相比，喺呢幾個層面有乜嘢分別？係咪？係咪好無厘頭？更何況「犯賤」、「賤格衰格」呢啲元素含有極重嘅個人主觀情緒，更加難以科學論證。
所以我不嬲都話「信」與「唔信」呢個層面係冇交集，冇合理嘅討論空間。如果雙方要係呢個層面展開討論，就祇有各自发表自己嘅觀點，然後互相瞭解對方嘅諗法，僅此而已，而唔可以得出「賤格與否」、「有冇變成畜牲」呢種科學結論。

逃出魔幻紀

你既然唔明，又點知係「巧妙嘅計畫同安排」﹖
    唔明而去信，就係盲信。 ...
旁觀者 發表於 2019/12/20 01:28

我話「睇表面係睇唔明」，係講緊你同leefeng淨係識得睇表面而睇唔到表面背後嘅嘢，我自己講得出當然係明白嘅。都係嗰句，你同leefeng入唔到信嘅層次去理解，又做唔到用比喻crossover 嚟進行討論，噉就應該先搞清楚表面嗰浸嘢嘅邏輯同道理。比如講：洋人當然係泛指所有嘅外國人，但係崇洋媚外嘅人又崇唔崇孟加拉人非洲人阿魯阿圖人呢（我只係講事實，我並冇歧視世界上任何嘅民族）？