逃出魔幻紀

數月前，我跟沙文在這裏打過幾個回合擂臺，就天主的彩虹諾言是否信實展開辯論。當時沙先生説：『普通招都墶得低您啦』，結果他未答完問題，就顧左右而言他地離開了擂臺。我當時對他說：『OK啦，你唔鍾意繼續討論就暫時唔好勉強，你幾時搵到或者諗到啲乜嘢勁嘢，請不吝賜教，我隨時洗耳恭聽，我真心希望喺辯論中不停被你「撻」低，以達教學相長之效果。』，並表示我要進書房讀書，學習並實踐全心全靈愛天主及愛人如己的聖言教導。
沙先生最近敲我書房門，説已經擺下另一個擂臺要求我切磋切磋，以辯論耶穌是否有能力驅逐附於聾人身上的魔鬼。我作為基督徒，把為耶穌作見證及光榮天主的事情視為義不容辭的義務和責任，因此當仁不讓地接戰，但聲明只作邏輯性理性討論，如果任何人在擂臺上惡意謾駡攻擊天主，本人恕不奉陪。
考慮到光榮天主的擂臺賽應該在人多的廣場上公開進行，以顯公平公正文明之效，所以我在這裏開貼應戰。然而，做事情要有頭有尾，先後有序，這一場（耶穌驅鬼）暫時hold 住不急，先完成了上次沙先生還沒打完便跑到觀眾席上閒坐那場（天主彩虹諾言）再説。
Well，現請沙文先生邏輯地回答以前未作回應的以下最后一條有關瑪雅族滅亡的問題（為方便記憶那場拳賽的情況，我將當天過招的錄影片段在下面順序回放，好讓觀眾知道來龍去脈，沙先生亦能回想起當時為何不接我最後瑪雅人滅亡那招就像乜代宗師般閃到臺下觀眾席）：

2019年11月，當我、沙文、及其他網友正在本論壇討論威尼斯教堂水浸事件及聖經《創世紀》9章11節關於天主的諾言（「我與你們立約：凡有血肉的，以後決不再受洪水湮滅，再沒有洪水來毀滅大地。」）是否信實時，沙文與我的切磋就開始了。

沙文：『至於"And I will establish my covenant with you; neither shall all flesh be cut off any more by the waters of a flood"的屎眼contract, 就係因洪水而於1990年绝種的Dusky seaside sparrow. 神"學家"認真學習天天向上』

逃出：『諾厄帶上方舟嘅動物中，係咪包括每一種類嘅各分類，例如貓科動物嘅波斯貓豹貓……等等各一對、東北虎華南虎孟加拉虎等等各一對、獅子……各一對，鳥類就鳶屬……、鸚形目……虎皮鸚鵡各一對；如果調轉嚟諗，蜜蜂嘅絕種係咪代表蜜蜂屬或者所有節肢屬類嘅滅絕？塔斯曼尼亞虎嘅絕種，係代表袋鼠、狼、定係老虎嘅煙滅呢？乾隆屠殺準葛爾，係咪就等於屠殺左全人類呢？』

沙文：『事實上根據 rule of 50/500, 同一species帶少過 50 隻上船即等於滅絕，這是短期而言。若要長期維持繁衍則要每種500隻。您嘅騎哩contrary thinking 可以慳番同弘曆慢慢研究嘞。不過在您用咁騎哩嘅方法企圖convince我之前, 還需先去幫薩達姆翻案. 只不過造瓜百幾個什葉派啫, 你地做乜L嘢告佢反人類罪？依家佢反晒全人類咩?』

逃出：『我而家大概明白你嘅意思喇：
1）一種雀仔嘅滅絕等於整個鳥類（甚至包括「凡有血肉的」?)嘅滅絕；
2）準葛爾族人嘅滅絕，唔等於全人類（甚至包括「凡有血肉的」?)嘅湮滅。
如果我有誤解，請包涵。』

沙文：『我肯包涵, 羅先生logic都唔肯啦。
只要有一種雀仔滅絕, 就唔係凡有血肉的冇滅絕啦，滅絕師太』

逃出：『我哋講緊天主彩虹諾言是否信實，根據你哋舉嘅雀仔同薩達姆嘅例子，（我）邏輯噉推斷你哋嘅意思係以上1)2)，你哋又話唔啱，噉係咪應該用邏輯嚟反駁我嘅誤判？但係冇喎，淨係掟條拎嚟話網上d資料話準葛爾人係滅於天花而唔係屠殺，噉又點？撇開網上資料好似微微信嘅微信一樣僅供參考係係人都知嘅道理唔講，天花滅種事件對於天主信實議題有乜關係？唔通你覺得證實到我本人嘅無知就等於證實天主嘅无信？』
……
逃出：『我再指住另外一片樹葉問你：南美洲瑪雅族因為唔知係屠殺定天花定瘟疫而滅亡，係代表瑪雅族人、南美洲人、地球人、抑或「凡有血肉的」嘅湮滅？請結合你舉嘅薩達姆同雀仔嘅論據嚟解釋。』

逃出魔幻紀

沙先生冇敲您書房門喎, 係咪阿穌医好聾鬼上咗您身,聽錯呀?
沙文 發表於 2020/3/12 08:45

乜冇敲咩？噉我哋又要回下帶，重溫下『聖經錯謬補遺』嘅對話，等你回憶下有冇敲我書房門：

(#1835)沙文：咁又係。今日我打開本經一睇，又有新發現:古今蝦碌捉鬼天師。
9:25 耶穌看見眾人都跑上來、就斥責那污鬼、說、你這聾啞的鬼、我吩咐你從他裡頭出來、再不要進去。
同聾人或聾鬼溝通，一係寫紙仔，一係就用sign language.
若果靠把口斥責, 而聾人/鬼能夠聽到，這個scam gang即使未必即時穿煲，二千年後都畀我揭穿。點解主耶穌辦事總是唔識小心尐？

(#1836)beebeechan ：有時睇野肯睇多少少, 就唔使咁糊塗哩。打後的一句，　便是：
9:26 那鬼喊叫、使孩子大大的抽了一陣瘋、就出來了．
識「喊叫」既仲係啞？仲係一「聽到」耶穌既命令先嗌。裝聾扮啞就真。即係好多幕前淑女，　玉女，　乖乖女，　其實都幾粗口爛舌。

(#1837)逃出魔幻紀：chan教友，你睇得諗得好仔細。我哋身為基督徒，一切思言行應該係以對耶穌基督嘅絕對信心為核心，瑪竇福音11：4-6：『耶穌回答他們說：「你們去，把你們所見所聞的報告給若翰：瞎子看見，瘸子行走，癩病人得了潔淨，聾子聽見，死人復活，窮苦人得了喜訊。凡不因我而絆倒的，是有福的！」』
創造所有有形無形萬物嘅耶穌基督能使聾子聽見，佢叫聾鬼聽見又有乜出奇呢？好在你醒目冇被絆倒！

(#1840)沙文：（引用#1837)咁我們又產生疑問。救助一位被聾鬼上身的聾耳陳，原來方法就係醫好隻鬼。
聽說，要得阿穌醫治，都要好大信心，例如嗰位12年血漏女士，阿穌醫人時又有句,你的信救了你'。但原來，做鬼仔咁著數，唔駛出聲就可接受治療。嗰位迦南女士又都要扮狗食餅碎，鬼仔就咁様有特別優惠。您咁講就露出馬腳, 其實隻鬼仔係信耶稣, 真相就係佢地打聾通嘅。

你大庭廣眾引用咗我嘅發言而公開反駁，噉就肯定你唔係喺度默想思考問題，而係公開質疑我嘅論點啦，係咪？不過唔緊要，如果你唔係好似其他網友噉淨係識得袒露胸膛不斷高呼『扶清滅洋，刀槍不入』，或者時不時鼠上擂臺吐啖痰然後走返落觀眾席扮瞓覺，而係真係想辯論聖經嘅道理，我幾時都歡迎，光榮天主嘅擂臺永遠擺喺度等你。
我都係嗰句說話：『OK啦，你唔鍾意繼續討論就暫時唔好勉強，你幾時搵到或者諗到啲乜嘢勁嘢，請不吝賜教，我隨時洗耳恭聽，我真心希望喺辯論中不停被你「撻」低，以達教學相長之效果。』，尤其係你真係諗到『普通招都墶得低您啦』嗰陣，相信到時我嘅光榮天主同為耶穌做見證嘅拳擊技術會得到飛躍性嘅提昇，我期盼呢一刻早日出現，多謝你先！
我入返去讀書喇，「你應全心，全靈，全意，愛上主你的天主……你應當愛近人，如你自己」（瑪22），希望你真係陪我讀書切磋，做到以上兩點。亞肋路亞！

逃出魔幻紀

您同陳版友兩位大聲公喺我房傾偈，畀我聽到，唔怪得我喎。
沙文 發表於 2020/3/13 12:19

冇問題，你敲完門縮沙又好，耳仔唔覺意碰到隻門又好，光榮天主嘅擂臺隨時恭候大駕。不過真係要練好身體先好上嚟，唔好走上來吐啖血痰又閃咗去，噉樣唔合衛生兼俾人覺得冇品。
如果你真係睇唔明我嘅招數諗唔到拆解嘅方法，睇返我入書房之前嘅舊貼啦，我師傅教落嘅所有招數都係以「你應全心，全靈，全意，愛上主你的天主……你應當愛近人，如你自己」（瑪22）呢兩招為核心，希望你真係陪我讀書切磋武功，大家既然分屬同事，理應一齊光榮天主。亞肋路亞！

逃出魔幻紀

"不過真係要練好身體先好上嚟" --- 冇屈佢喎, 其實我都講少咗。樓主要我不但医好咳嗽, 仲要固本培元做埋gym ...
沙文 發表於 2020/3/13 23:15

你特登上擂臺吐痰冇問題，撒旦係以詛咒嘅方式去光榮天主嘅。但係你上臺要求同我過招嘅時候講：『普通招都墶得低您啦』、『我邊有扮專家學者, 我講嘅無非都係一般common sense, 會唔會係您唔識嘢呀？郭靖VS參仙老怪梁子翁都係來去一招亢龍有悔, 對付跳樑小丑, 大俠招式從來唔駛多。您覺得悶可早尐抖。 sweet dreams』，噉擺明係用亢龍有悔嚟對付我呢個『跳樑小丑』啦，唔係醫病啦？唔係借廁所啦？點知我一發招，你格幾下招架唔住就吐啖痰閃咗落台，好似《喜劇之王》噉，原來亢龍有悔就係一個『閃』字，鑊鑊都冇例外。所以咪叫你如果真係想打，就練好身體堂堂正正上臺，打到分出輸贏為止，唔好得把口，玩埋啲古靈精怪嘢。
既然你知道冇辦法撻低我，冇心打擂臺，噉你鍾意吐痰就吐飽佢啦，隨便啦，我唔care喎。不過如果我係怪錯咗你，其實你係想嚟認真辯論嘅，噉我就真係對你唔住，噉就請你回答本帖嘅問題啦。
再講，我師傅耶穌係嚟召叫信佢嘅罪人，包括我，而唔係嚟召叫天主嘅仇人。佢見到魔鬼就驅趕，見到撒旦的靚就閙。