逃出魔幻紀

btw, about #151 老君台, I have a question for you.
那個插在樹幹上的的迫擊砲彈, 係咁多年嚟都冇人搞過 ...
沙文 發表於 2020/12/24 07:28

睇到呢單野，我又搵到我同老沙另外一個交集點：黃絲嘅fact chect本能。我係噉諗嘅：第一個收集並保護12個原裝炮彈嘅係邊個呢？係日軍？國軍？八路軍？村長？村民？道士（我搵到一篇話係道士收埋嘅，不過係11個唔係12個）？啲相話打凹埲墻就係炮彈冇爆，噉我親眼見過嘅盧溝橋宛平城比炮彈打到無數凹痕嘅墻又係遇到啞彈？而插喺樹上嗰個，就算各屆政府不理人民安危不加理會，點解冇細路仔貪玩攞返屋企（有一篇話係道士擔梯拆咗落嚟）？迫擊炮係抛物線吊射但點解個炮彈平插入棵樹？唔通當時日軍已擁有現代肩托平射火箭炮？點解大躍進唔攞哂12個炮彈去大煉鋼鐵？……我不停喺各種渠道揾資料力求揾出真相，點知越摷越多個不同版本。
日本人去世界各地立咗唔少謝罪碑祈願和平，本來無乜出奇。但呢個梅村太郎既然牽涉咁深，我就好想親耳聽下佢講乜，但係摷勻日文嘅各大網站，一單都冇。所以我推測呢單嘢又係啲只存在於中文圈嘅《今日頭條》之類嘅流嘢，流傳於微信群組同埋美國唐人街公園呃like 。
想再搵真啲，就摷到好多中文辟謠文章，仲搵到小說版本（我唔排除所有新聞故事都源自呢篇小說）。無論如何，呢單嘢已經成為河南省鹿邑縣一個都市傳説式生財嘅旅遊項目。

http://reader.epubee.com/books/m ... 7177/text00013.html

https://www.bastillepost.com/hon ... A%E9%AB%98%EF%BC%9F

https://youtu.be/YCzzcNcFJZc


https://www.jianshu.com/p/e66bbc9579cc

逃出魔幻紀

你係基督教徒，千祈咪信。
你只要信耶禍華6000年前創造了你的先祖亞當夏蛙，之後一路亂倫亂倫亂倫亂倫亂 ...
leefeng 發表於 2020/12/27 11:58

老君台炮彈事件係完全可以用人類已經掌握嘅物理化學等技術加以驗證，所以你應該用現代科學手段嚟證明你所講嘅係堅料。呢樣嘢嘅真偽同基督徒與否毫無關係，如果你用科學證明到，噉我信唔信都好，呢件事都係真嘅。反而你用情緒發洩式嘅詛咒謾駡對澄清事實嘅真相毫無幫助。

逃出魔幻紀

耶穌都話天主嘅歸天主，凱撒嘅歸凱撒，佢都講明無聖神嘅引領你哋係唔會明白天主嘅事嘅，你哋要用科學來證明天主嘅事就已經畀耶穌講中曬，唔明就係唔明冇辦法（其實我出過好多篇貼講科學驗證嘅事，你哋都睇唔明嘅）。但係日軍嘅事係地上嘅事係凱撒嘅事，但係人類嘅科學都解釋唔到，例如當年嘅日軍點樣攜帶13個幾十年之後喺中國生產嘅十尾翼炮彈去老君台呢？迫擊炮點樣遠距離將炮彈平射入樹呢？……
搞濁的水將天地嘅事混為一談無助澄清地上事實嘅真相，亦都冇可能將假嘅變成真，我希望呢啲事係真嘅，但請你哋提出證據，我都唔希望我對藍絲同埋小粉紅老粉紅有偏見。

逃出魔幻紀

基督教徒正面回复问题吧！
你先出示耶穌心臟纖維科學驗證上黎，我立馬要求老君台的科學驗證給你，怎麼樣 ...
leefeng 發表於 2020/12/28 12:38

我冇興趣同你討論，因為你講嘢太混亂而且唔講邏輯唔認真學歷史，次次要我提醒你先去摷資料又摷錯曬，而且搵到資料都繼續講錯，又話俄國佬殺江東60屯等30萬中國人係好合理，枉你話自己食咗咁多年菠蘿包，所以我都唔想同你再討論歷史同社會嘅嘢。
我主要係想提醒旁觀者，佢問嗰啲摸病人嗰啲嘢，我以前好認真噉同佢解釋過，係信德嘅問題，係個人修為嘅問題，係屬靈層次嘅問題，我自認自己渣，所以做唔到，但我自己做唔到唔妨礙我信有呢樣野，我冇興趣重複再講，屬靈嘅嘢，信者恒信，不信者恒不信，冇必要討論。
我同嗰啲死攬住外國護照閙外國、口講愛國但又唔肯回國定居、日日喺微信收發都市傳聞兼睇《今日頭條》嘅老粉紅小粉紅完全唔啱嘴型，你追我九條街搭訕我都冇興趣同你討論社會問題，全世界十幾億粉紅色，我邊得閒理得咁多。bbc俾你悶走咗，沙文又冇晒乜心機同你傾，連你好辛苦喺香討賣告白吸引過嚟嘅刹華，都拋低句「 但這裡真的很恐怖哦~~離教後就變成這樣，倒不如繼續信，起碼聖經教人做好人」就掉頭走咗唔返嚟（佐證咗我話每個人都以不同方式光榮緊天主，多謝你拯救刹華於墮落嘅邊沿），仲有你喺香討……。所以，我同你雖然冇嘢好傾，但係我都建議你檢討下自己認識事物認識世界嘅方法，起碼唔好攪到個討論區淨係得旁先生、上先生同埋你三個老粉紅傾偈咁無聊，不過人以群分，可能離教者之中粉紅色係比較少。作為溫馨提醒嘅bonus ，send條link畀你參考下，畀你睇下當年德國嘅老粉紅小粉紅，戈培爾講乜佢哋就信乜，嗰啲激動人心嘅場面啱曬你哋三個嘅氣場，當年一個德國兵講過「我嘅腳所踏之處就係祖國」同你講用武力打返嚟嘅江山土地就係合理如出一轍。https://youtu.be/-1UolB0yc0I

逃出魔幻紀

都唔係執 　duds  , 老君山，根本就是埸景佈置嚟

發現戰時未爆啞彈，為公眾安全都會引爆，移走。。 ...
beebeechan 發表於 2020/12/28 23:17

最好笑就係俾人踢爆咗嗰13個係幾十年之後製造嘅十片尾翼中國貨而唔係八片尾翼嘅日本貨。

逃出魔幻紀

既然係解放軍炸老君台：即是日本人冇去過老君台啦！對不？
咁，日本仔去叩拜做乜？
既然日本仔冇到過老君台，冇打過十幾炮，又會特登立個碑做乜呢？犯駁！

既然係解放軍炸老君台：即是日本人冇去過老君台啦！對不？
咁，日本仔去叩拜做乜？
既然日本仔冇到過老 ...
leefeng 發表於 2020/12/29 04:51

你知唔知自己講緊乜嘢呀？D人話「解放軍炸老君台」即係話日本人冇可能用中華人民共和國製造嘅炮彈係炸老君台，證明呢單新聞係流嘢。中日炮彈相片對比圖文並茂你都諗唔明諗唔通，點同你講呢？
舊日本兵喺全世界各戰區留過好多碑反省戰爭罪行兼祈求世界和平，但係咁樣唔代表日本兵喺全世界周圍打咗好多啞彈，酸梅太郎去老君台立左個碑，碑文冇寫啞嘅事亦都搵唔到佢講嘢嘅錄音，所以我哋衹能夠估佢立碑嘅原因：開炮炸個老君廟好驚老君報復；殺過當地村民好後悔；畀當地村民救命心存感激；畀當地國軍俘虜然後釋放好開心；因為反戰做逃兵喺老君廟住咗好耐成為村民一份子；想搵返當年喺嗰度娶過嘅村民老婆；因為食咗好多菠蘿包自己唔知道自己做緊乜……反正特登立碑同啞彈冇必然關係，呢個就係邏輯。
你搞到我對菠蘿包有心理陰影，唔通菠蘿包成份含鉛？

逃出魔幻紀

得就得，唔得就唔得，「自由意志」、「信德」，全係遁辭！
    觀音菩薩、濟公活佛救苦救難，人哋有要 ...
旁觀者 發表於 2020/12/29 10:28

我覺得你好專一，永遠攬住啲清朝公仔書嚟背書，同哈佛一樣咁專一，所以暫時冇持續觀察同研究同討論嘅必要嘞。
反而leefeng比較得意，可供觀察同研究嘅元素比較豐富，任何人衹要將任何嘢裝飾成粉紅色通過特定粉紅渠道（例如微信同今日頭條等）發佈，佢就會不加分析絕對相信並跟倒貼，甚至不惜今日的我打倒昨日的我，非常有趣。
你哋兩個合作救返刹華，我非常開心，願天主祝福你哋。

逃出魔幻紀

唔好意思
我摷番你之前成篇狗吠帖 （見圖）

都搵唔到邊到有講過：
    「其它的炸彈已经講明處理過再放 ...
beebeechan 發表於 2020/12/30 23:32

仲有乜好拗啊？淨係睇十片尾翼同八片尾翼，已經完全冇必要再爭論。日軍侵華嘅時候leefeng應該戒咗奶識行識走啦，點知食咗咁多年菠蘿包都仲係睇唔明啲圖文並茂嘅簡單解釋。

逃出魔幻紀

咁勸喻既事, 交俾你
我繼續調較佢
beebeechan 發表於 2020/12/31 22:24

佢都成百歲人啦，比較難轉彎，唔好迫佢啦，唔使太認真。

逃出魔幻紀

之前提過, 就快過農曆年, 貴國農曆根本係天主教定出嚟嘅曆法, 清聖祖時滿朝文武竟無一華人能夠準確算出康熙 ...
沙文 發表於 2021/1/21 02:08

哦！有啲噉嘅事？中國農曆即係湯若望引入嘅《西洋新法歷書》，真係未聽過，要研究下先得，多謝提供資料。
我好鍾意睇呢啲歷史知識嘅嘢，睇得多個人無咁蠢。以前有一次beebeechan喺度講過約伯記入便同天主傾偈嘅撒旦唔係魔鬼撒旦，仲擺曬啲希臘文乜乜文出嚟解釋，非常補腦，可惜我唔記得收藏，希望bbc摷番段嘢出嚟益街坊。
不過噉，就算講呢啲知識性嘅嘢都未必全部係有益嘅，我有一次喺呢度講蘇俄侵佔中國從唐努烏梁海到庫頁島一百幾十萬平方公裏土地兼屠殺咗江東六十屯等三十幾萬中國人嘅歷史，有啲網友唔知道，不停勞嘈質問我，我又不斷再提供新資料，佢哋越知得多就越勞嘈越興，惡言相向，搞到我又試言語上犯罪。自此唔敢再喺度回答啲冇意義嘅無聊問題。

逃出魔幻紀

康熙曆獄，您話唔知令我有點surprised.
沙文 發表於 2021/1/21 11:06

玄學嘅野我玩過好多年，印象中五行生克理論源自中東，好似係波斯之類嘅國家。
人生苦短，只能夠用有限嘅時間去學一啲自己最有興趣嘅嘢，所以識得野少好正常。我雖然知識有限，但最緊要吸收同思考，更加唔會話人白癡，我曾經喺度同網友講過1999年至2001年中國簽字承認160萬平方公里土地永歸俄國，而家網友仲話呢個係因為弱國俾人踩到上心口，噉仲有乜好講呢？唔係話有獵槍嘅咩？所以知識比獵槍更重要。

逃出魔幻紀

康熙曆獄，您話唔知令我有點surprised.
沙文 發表於 2021/1/21 11:06

康熙曆獄TVB都做過好多次，欽天監鬥法行雷閃電。不過我就唔知現行農曆始於湯生，多謝資料！