逃出魔幻紀

對於這種不知意義何在的討論（或許説吵架更貼切），我想重申我的看法：「對於天主聖言的理解，信天主的人跟抵擋天主的人的最大分別，就是前者承認並敬畏天主的無限及其主權（耶穌基督就係世界醫生、警察、老師、法官、主宰）；後者看不到人的有限，認為自己的能力可以掌握一切，自己的智慧可以判別一切真偽（自己就係世界醫生、警察、老師）」，兩者就像珠江口的鹹淡水，涇渭分明。陽關道與獨木橋，互不相干，吵什麼呢？

逃出魔幻紀

回覆  逃出魔幻紀


    逃版友真是真知灼見。

還想請教一下：以為自己的智慧可以判別一切，自己就係世界 ...
抽刀斷水 發表於 2022/8/9 15:04

耶穌基督對門徒説：「你們往普天下去，向一切受造物宣傳福音」（馬爾谷福音16:15）並說：「你們去罷！看，我派遣你們猶如羔羊往狼群中⋯⋯聽你們的，就是聽我；拒絕你們的，就是拒絕我，拒絕我的，就是拒絕那派遣我的。」（路10:3，16）這裡耶穌的「你們」就是網主你說的「教徒」，要分辨教徒是真還是假，首先要認識天主——「那派遣我的」，反基者（你説教外人太籠統）已經明確「拒絕那派遣我的」，已經拒絕了智慧的開端，攻擊天主，詆毀福音，還能怎樣去分辨呢？

逃出魔幻紀

回覆  逃出魔幻紀

你的意思是否：真正的教徒本人即可以代表耶穌基督本身，成為世界醫生、警察、老師、法 ...
抽刀斷水 發表於 2022/8/9 16:58

呢個係你講嘅啫，我喺73同75樓已經講得好清楚，如果你認識天主，學習福音，自然會搵到答案。但係如果你拒絕天主，咁就冇計，「因為今世的神已蒙蔽了這些不信者的心意，免得他們看見基督──天主的肖像──光榮福音的光明。」（格後4:4）依度講嘅「今世的神」就係撒殫。

逃出魔幻紀

問你意思是否咁啫，你答「是」或「否」就得啦，再唔係話我既問題唔清晰需要澄清都可以，用類似「自 ...
抽刀斷水 發表於 2022/8/9 19:56

講咗咁多，你都仲係唔明我嘅意思，再再重申一次我嘅睇法：

「對於這種不知意義何在的討論（或許説吵架更貼切），我想重申我的看法：『對於天主聖言的理解，信天主的人跟抵擋天主的人的最大分別，就是前者承認並敬畏天主的無限及其主權（耶穌基督就係世界醫生、警察、老師、法官、主宰）；後者看不到人的有限，認為自己的能力可以掌握一切，自己的智慧可以判別一切真偽（自己就係世界醫生、警察、老師）』，兩者就像珠江口的鹹淡水，涇渭分明。陽關道與獨木橋，互不相干，吵什麼呢？」

總結：雞同鴨講，牛頭唔對馬嘴，希望今次你會明。

逃出魔幻紀

有沒有基督教徒，特別是魔幻和bbchan可以回答一下：
強姦小童的神父牧師修女的神學如何？
資歷如何？認識神 ...
leefeng 發表於 2022/8/9 23:38

leefeng點解你咁健忘？我好嚴蕭噉話過以後唔再同你講嘢，你仲喺度問呢問老？唔好話對話咁嘥精神，根本你寫嘅任何內容我都唔會睇，我係擸落黎見到「魔幻」兩字，所以先認真睇下你講乜，原來又係講嗰啲反基材料。點解你咁健忘？呢個「神父、牧師」話題我以前回答過抽刀、你、你老友旁觀者呢班茶友唔止一次，你而家又嚟放錄音帶。

點解你咁健忘？我唔單止答過，仲開貼講過呢個問題，你淨係講嘢問嘢，唔識聽嘢，聼唔到記唔到嘢，怪得邊個？「但如果說我們的福音也被蒙住了，那只是為喪亡的人蒙著，因為今世的神（註：魔鬼撒殫）已蒙蔽了這些不信者的心意，免得他們看見基督──天主的肖像──光榮福音的光明。」（格後4:3-4）

點解你咁健忘？唔記得我講過點解唔想再同你講嘢？因為你話俄國侵吞大片中國土地兼屠殺30萬中國人係合理嘅，我嬲到話要為你向天主祈禱，你仲答話「去你的祈禱」噉添！我而家見到你個頭像同你個名，就會聯想到你嘅「30萬合理」，就會作嘔，真喺反胃想嘔個隻，試問仲點會認真睇你寫嘅嘢呢？仲點樣同你講到嘢呢？所以下不為例，請見諒。

求天主保佑你，基督拯救你。

逃出魔幻紀

問你意思是否咁啫，你答「是」或「否」就得啦，再唔係話我既問題唔清晰需要澄清都可以，用類似「自 ...
抽刀斷水 發表於 2022/8/9 19:56

    進一步補充回答網主83樓嘅質疑（問你意思是否咁啫，你答「是」或「否」就得啦，再唔係話我既問題唔清晰需要澄清都可以，用類似「自己讀多啲書就知」、「之前我答得好清楚架喇」、「睇返我之前既貼文就自然知道」，而往往不正面回答，真係唔知咩心理。其實你有無反思過，如果你之前真係答得咁清楚，又點解會有人問呢？你咪當其他人係低能先得格）

網主話「真係唔知咩心理」，其實心理就係怕麻煩，懶惰，覺得就算做咗嘢都收唔到效果會好氣餒，所以唔耐煩；上次同你邏輯分析語意推敲嘅討論都係基於相同原因，雖然唔係太健康嘅心理，但希望你能夠體諒。

其實答「是」或「否」係解決唔到問題嘅，因為「是」或「否」背後牽涉好多嘢，如果唔理佢後邊嘅嘢就答是/否，，咁答咗都等於冇答。如果我話你既問題唔清晰需要澄清，你又好努力咁澄清，但係因為你唔知道佢背後嘅嘢，只係講你睇到嘅嘢，就會搞到越澄越不清，事倍功冇。所以問題又返翻嚟我度，你話我叫你「自己讀多啲書就知」、「之前我答得好清楚架喇」、「睇返我之前既貼文就自然知道」，咁樣的確唔係正面回答，的確係唔耐煩怕麻煩；我按照你嘅建議反思過，點解我「之前真係答得咁清楚」你都唔明呢？問題應該係我冇企喺你嘅角度嚟作答。所以而家嘗試進一步正面回答，並引用我哋之間嘅對話作為說明，俾你觀察下「唔係正面回答」同「進一步正面回答」之間嘅關係。

1）你：「以耶穌基督為世界醫生、警察、老師、法官、主宰，就想請教一下：耶穌基督會以什麼形式傳遞這個訊息？要藉著教徒的口來宣示，抑或有其他方式？」

我：「耶穌基督對門徒説：「你們往普天下去，向一切受造物宣傳福音」（馬爾谷福音16:15）」

2）你：「對教外人說，很難分辨是教徒本身自以為是世界醫生、警察、老師，還是教徒只是來宣示耶穌基督是世界醫生、警察、老師。」

我：「「你們去罷！看，我派遣你們猶如羔羊往狼群中⋯⋯聽你們的，就是聽我；拒絕你們的，就是拒絕我，拒絕我的，就是拒絕那派遣我的。」（路10:3，16）這裡耶穌的「你們」就是網主你說的「教徒」，要分辨教徒是真還是假，首先要認識天主——「那派遣我的」（說明：呢度指「教外人」辨別事實嘅唯一方法就係「認識天主」，但呢個方法通常不適用於反基者），反基者（你説教外人太籠統）已經明確「拒絕那派遣我的」，已經拒絕了智慧的開端，攻擊天主，詆毀福音，還能怎樣去分辨呢？

3）你：「你的意思是否：真正的教徒本人即可以代表耶穌基督本身，成為世界醫生、警察、老師、法官、主宰？」

我：「呢個係你講嘅啫，我喺73同75樓已經講得好清楚，如果你認識天主，學習福音，自然會搵到答案⋯⋯」

你覺得我喺1）、2）有冇答到你嘅問題？我認為有，可能你認為冇，否則就唔會提出第問題3），門徒受耶穌派遣「往普天下去，向一切受造物宣傳福音」，點解就會變成「可以代表耶穌基督本身，成為世界醫生、警察、老師、法官、主宰」？打個比方，皇帝派遣心腹傳信俾戍邊大臣吳三桂，吳將軍接到聖旨，從褲袋掏出半截虎符與信差嘅另一半對接無誤，確信送信人係皇上派來嘅，呢個時候，信差如果對佢講：「你都信係皇上派我嚟㗎啦，所以普天之下莫非我土，率土之濱莫非我臣，你係我嘅臣子，我而家命令你將陳圓圓送來俾我做老婆，然後你即刻自刎或者掛臘鴨死咗佢」，吳三桂聽到之後會有乜嘢反應呢？呢個就係問題3）嘅內容。好，回復正常討論，個信差冇發過癲，吳三桂對接完虎符之後，再私自展開密函，再將皇上字跡、皇上玉璽同檔案中嘅真跡對照，冇發現任何唔妥，先至會執行信中嘅禦令，呢個程序係常識，如果個信差用張A4紙鬼畫符寫幾行字然後自己打個手指模就話係皇上聖旨，吳三桂會點睇？呢個就係「自己讀多啲書就知」嘅原因，就係我講「要分辨教徒是真還是假，首先要認識天主」嘅意思。

講咗咁多，可能未必講得中你想聽嘅嘢，但係都希望你明白多啲我嘅意思。我唔鍾意無聊嘅打牙骹，但係冇任何共識基礎嘅認真討論又會事倍功幾？但係無論如何，益處始終係有啲嘅，可以睇到同自己唔同嘅人諗啲乜，都係一種學習。請你體諒我嘅懶惰。

逃出魔幻紀

回覆  逃出魔幻紀


    多謝你既回應，從你尾二段的詳盡回答，得知「真正的教徒本人並不可以代表耶穌基督 ...
抽刀斷水 發表於 2022/8/12 12:44

未算詳盡回答，如果要講清楚，你每個問題嘅答案都可以寫一本書。其實我一早就估到你係想問我借刀隊BBC同埋隊基督宗教，想用我把個口講出你心目中諗嗰句說話。鑒於你唔認識天主，而且根據你以往嘅紀錄同埋目前嘅提問，有可能係立心不良，所以我只係俾咗前邊三個答案俾你。

而家睇黎我估中咗，你從我第四個答案入便隔渣撈咗你想要嘅答案出嚟。其實你淨係撈到事實嘅一部份，佢後邊仲有好多嘢你都唔了解，原因係你唔認識天主。
你淨係睇到基督宗教嘅霎氣，又唔講吓基督宗教之間嘅聯誼交流、聯合祈禱、合一運動？兄弟嗌霎打交甚至登報斷絕關係你外人淨係睇到表象，你了解人哋嘅族譜家規同埋深層次矛盾嘅原因咩？家事與外人無關。你外人插嘴講異端唔異端，我睇起上嚟就好似食齋嘅人評論點樣煮盆菜先至係正宗、彈牙、和味、膠口咁樣。幾點唔記得bigmonster？佢走來話基督教徒唔正宗，違反耶穌教導諸如此類，我就一口咬定佢係魔鬼嘅奴僕，我唔單止喺呢度咁樣鬧過人，喺第二度都用同樣口氣鬧過唔少呢類人，但係有好多鬧過我嘅新教教徒我會當佢哋係兄弟姊妹，箇中原因你又了解得幾多？

其實根據天主教教理，基督徒係喺天主面前在世上執行先知、司祭、君王三重職務，《聖經》仲講明將來喺新天新地，基督徒仲要同耶穌基督一齊坐喺審判席做法官，審判世界甚至審判天使添。

所以話啫，你係有心認識天主嘅，就會越了解越覺得自己無知渺小，越想學多啲，唔敢懶叻亂噏嘢；相反，如果成日諗住點樣磨利張刀隊天主，到頭來只會對返自己。所以我話鹹水淡水涇渭分明。雖然如此，正如我講過，適當交流下都有得益嘅，起碼知道對方陣營啲人點樣諗，開闊下眼界。就好似leefeng最近嗰篇十幾年教堂心路歷程我就覺得好有參考價值，已經抄低咗作日後資料用途。

耶穌教導門徒：「你們不要把聖物給狗，也不要把你們的珠寶投在豬前，怕牠們用腳踐踏了珠寶，而又轉過來咬傷你們。」（瑪7:6）你成日話你自己係慕道者，估佢唔會聽完呢段聖經後轉過頭嚟咬我啩。

逃出魔幻紀

#144更正：《聖經》仲講明將來喺新天新地來臨之前（而唔係喺新天新地中），基督徒仲要同耶穌基督一同為王，一齊坐喺審判席做法官，審判世界甚至審判天使。

逃出魔幻紀

回覆 152# 抽刀斷水

我經常比喻呢度係一所學校，呢個的確係我嘅心裏話，因為呢度雖然人唔多，但每個人都真誠討論，毫無掩飾咁表露自己嘅真實思想，唔似「香討」嗰邊啲無聊人淨係拋個話題出嚟或者淨係用啲無聊說話單打下你然後就匿埋牆角陰陰笑嗰種。呢度每個人都盡其所能掏心掏肺表現自己嘅追隨基督、反基、護佛、拜神求福、遊戲人間、支持銳實力以求精神勝利等等方面嘅獨家情緒同生存技巧，就連悲觀迷惘嘅龍井樹都好真誠咁表達自己嘅意思。
所以呢度人雖少，但係真係有嘢學，估唔到大家講咗三幅被咁耐，最近仲竟然俾我執到一篇leefeng嘅「十幾年教會慕道經歷」，呢篇嘢對我非常有價值，充實咗我某個資料庫，令我自己嘅神學觀點更趨清晰。
我話抽刀你係呢度嘅校長，唔係隨口噏嘅，因為從開始我就覺得你個人好特別，喺呢個wee wang wang嘅反基環境中盡量保持大度包容、堅持原則、禮貌同善良（偶然疑似講嘢唔認賬同埋有時單打幾嘢鬧我幾句嗰啲亦屬人之常情，大家都係罪人吖嘛），從你所表述嘅睇書睇劇集嘅心得，我都睇到尋找真理、智慧思考、良心拷問呢啲元素，所以你都成為咗我重點研究嘅對象，第日大家離開咗世界之後，我會唔會喺亞巴郎拉匝祿嗰度見到你呢？抑或遙遠見到你同財主一齊玩呢（我絕對唔信你可能傾向相信嘅嗰啲輪迴嘢）？人嘅嘢好難話得埋，我見過有啲人一世唔信耶穌，臨死嗰陣叫屋企人快啲去搵神父嚟幫佢付洗。講唔埋㗎，沙文都話佢有呢個臨死領洗嘅可能啦。不過咁，我曾經喺呢度發帖討論過關於天主見人持續心硬就可能會送你一程，邊個話得埋？我記得神童輝喺東莞想轉層樓俾佢女朋友，喺律師樓揸住支筆準備簽字嗰一刻壘低咗死咗，搞到阿女朋友蜑家雞見水。
我重複講一次我嘅真心話：「多謝呢間學校嘅抽刀校長、教務主任、各科嘅科任老師、同埋所有校工哥哥姐姐！」不過而家啲教務主任同校工走走下走晒，睇見校長你要一腳踢，有時仲要代課，就會更加感激你嘅辛勞。

逃出魔幻紀

回覆  beebeechan


    淨係天主教先可以通靈丫嘛，其他一律叫交鬼，明哂啦。



...
抽刀斷水 發表於 2022/8/14 23:40

關於呢點我諗我可以講兩句。天主教唔係「通靈」，係驅魔，兩者絕不可混淆。所以，「耶穌會王敬弘神父從1970年代到1990年代有將近三十年的通靈治病經驗」呢句說話唔正確。

天主教嘅驅魔，係奉耶穌基督之名將附於人體嘅魔鬼驅除（魔鬼係指撒但及其控制嘅墮落天使，根本唔會有六道輪迴親朋戚友之類）；而問米通靈嘅神婆聲稱有能力同客人嘅過世親人嘅靈魂溝通，請佢哋相信同客人直接對話，呢啲「靈魂」其實就係「魔鬼係指撒但及其控制嘅墮落天使」所扮演（喺霍華彼特曼 嘅《魔鬼目擊者 —— 破解輪迴之說》有詳細解釋說明），所以天主教驅魔同神婆問米係兩個完全冇交集嘅事情。

再者，王敬弘神父嘅「心靈醫治禱告」同驅魔又係兩件完全唔同嘅事，我睇過佢兩本關於心靈醫治禱告（唔係通靈治病）嘅書，覺得佢採用嘅醫治方法同《前世今生》系列嘅作者布萊恩魏斯醫生嘅催眠治療法極其相似。布萊恩魏斯雖然係基督徒，但係我認為佢嘅治療方法係交鬼！因此，我對王敬弘神父嘅「心靈醫治禱告」抱持相當保留嘅態度，覺得呢種方法好危險，好容易比撒殫有機可乘，呢種治療方法同我認同嘅聖十字若望著作 —— 《攀登加爾默羅山》 —— 嘅「保持在信德的黑暗中」嘅主張有好大衝突，所以我唔係幾認同王神父嘅方法。

而且，王神父嘅方法同神恩復興運動好有關係，所以王神父同基督教嘅靈恩派有好密切嘅交流，我本人亦都對靈恩派嘅神學觀點抱持保留態度。

單憑以上幾點，就可以知道如果淨係睇到個殼唔了解內容就去妄加評論係幾咁冇意義。

逃出魔幻紀

回覆  逃出魔幻紀


    逃版友開始跟吳主光牧師同聲同氣：
抽刀斷水 發表於 2022/8/15 09:45

你又用錯咗方法來觀察問題啦。「默觀」係天主教嘅祈禱方法，你想評論呢個話題，係咪應該首先喺天主教嘅角度去了解「默觀」嘅內涵呢？甚至查都唔查下天主教教理講默觀係乜嘢，就淨係走去基督教嗰度搵到一篇啱心水嘅嘢就咁走出嚟落結論，搵齊正反資料做分析係啱嘅，不過你就冇咁做。你嘅做法就等如將《頭條新聞》作為觀察時事、歷史、政治、文化等唯一依據，將《辟邪紀實》嘅內容視為西方傳教士進入中國嘅唯一原因一模一樣，方法大錯特錯。

我話我認同聖十字若望著作 —— 《攀登加爾默羅山》 —— 嘅「保持在信德的黑暗中」嘅主張，呢個主張就係一種默觀嘅主張，咁你有冇睇《攀登加爾默羅山》？你有冇了解過「保持在信德的黑暗中」係乜嘢？點解你唔話我同聖十字若望同聲同氣？呢個就係點解我哋講嚟講去始終都係牛頭唔對馬嘴、雞同鴨講嘅原因，亦都係我好有興趣去觀察、研究呢間學校嘅原因。

逃出魔幻紀

正如你都有權唔認同某某神父既通靈行為

    都話王神父嘅係「心靈醫治禱告」而唔係通靈洛，無論慕道或者反基都應該認真啲。不過喺榕樹頭作《辟邪紀實》或《頭條新聞》式嘅吹水就另當別論，唔怪得你哋嘅思維方式同言語風格都咁相似，咁啱嘴型。