逃出魔幻紀

某天，兩個分別來自西班牙和墨西哥的神父 一一 孔神父和孟神父，帶領我們一眾教友進行了一個「承先啟後、傳遞幸福」的交流活動。孔神父在開場白中說明了活動的目的:「我們的祖先、父母、親戚朋友和社會上其他人的言行，無論是好的還是壞的，善的還是惡的，都會深入地影響我們的價值觀和待人接物的處事方式；同樣，我們的行為也會影響自己的後代以及身邊的人。如此，人間的善及惡就這樣一代一代地承接下來，並一代一代地延續下去。因為「善」會令人幸福和快樂，「惡」卻會為人帶來挫折和難過，所以，為了令社會向好的方向發展，大家應該感恩並紀念曾經將幸福的「善」傳給我們的人，並將這幸福傳播下去；相反，我們應將「惡」的傳播鏈剪斷，使從長輩或他人傳過來的「惡」在我的生命裡終止傳遞。」
接著，神父要求大家說出自己生命中所遇到的三名「善」的傳播者。在大家所列舉的人物中，多數是祖父母、父母等長輩，也有一些是其他親朋或路人甲，這些被列舉者的善行決定性地左右著發言教友們世界觀的形成。可見，我們每個人的日常行為都會對他人的生命產生深遠的影響。
以往，當我每次參加亡者彌撒或追悼會時，不太明白為何總是有人上台講述亡者生前的事跡，但只提及其善良行為及品德。難道人死後就變成大善人了嗎？我們都是善惡交集，甚至惡多於善的個體，然而，為何每個逝者都會被隱惡揚善大肆讚美一番呢？通過與孔、孟神父及教友的以上「傳遞幸福」交流，我終於明白到追悼會上癮惡揚善的積極意義所在。
《路加福音》17章記述的那十個被耶穌治癒的麻風病人，只得一個撒瑪黎雅人回來感謝耶穌，大聲光榮天主；那另外九個人，我相信他們心裡也非常感激耶穌為他們所做的善行，但卻沒有對耶穌公開表示感恩，這使耶穌很失望。同樣道理，如果我們將自己生命中承上啟下的「善」的傳播鏈剪斷，耶穌也會很失望。如果世界上百分之九十的人都像哪九個人，都不「斷惡揚善」，這世界就會趨向「人只愛自己、愛錢、矜誇、驕傲、謾罵、不孝順父母、忘恩、負義、不虔敬、無慈愛、難和解、善誹謗、無節制、無仁心、不樂善、背信、鹵莽、自大、愛快樂勝過愛天主；他們雖有虔敬的外貌，卻背棄了虔敬的實質」(弟後3:2-5)的「困難時期」。
但願這個世界有越來越多人成為那個感恩揚善、傳遞幸福的撒瑪黎雅人。

逃出魔幻紀

請問樓主，善與惡跟有否信仰的關係是如何？
抽刀斷水 發表於 2021/3/1 10:35

如果要講善惡同信仰嘅關係，作為基督徒，我一定企喺基督嘅立場講。我曾經講過喺屬靈層面人係主要分三大陣營：
1)相信天主耶穌基督及響往天國的陣營；
2)受撒旦迷惑、留戀世界物事拒絕天主的反基督陣營；
3)未知論者以及正在探索者。
除第三陣營仍在探索思考，可以慢慢討論之外，第一陣營同第二陣形唔啱嘴型，善惡標準亦都好唔同，所以好難講得埋欄。
撇開信仰唔講，普通人單憑良心做出發點，就會感覺到唔少善惡嘅本質，剎華臨走時揼低嗰兩句說話，好有代表性，好說明問題。

逃出魔幻紀

問得你就梗係按你既立場啦。

1. 你認為所有反基督陣營的人，都是受撒旦迷惑，沒有一個例外的嗎？
2. 受撒 ...
抽刀斷水 發表於 2021/3/1 23:50

bbc基本上講咗我要講嘅嘢。我曾多次聲明過，唔會同反基陣營嘅人討論屬靈嘅問題，因為雙方已經作出咗選擇。我只會表明立場，如果你問作為基督徒嘅我嘅立場，我鄭重指出：「惡」嘅根源出至於《創世紀》第三章4-6節所描述嘅人選擇相信蛇嘅說話，拒絕承認並服從創造萬物嘅天主，認為自己有能力分辨善惡，自己如同天主一樣咁叻，仲論斷天主係因為出於妒忌心同自私心而唔俾人知善惡，本討論區嘅反基言論就係呢個基調。
本帖係講「隱惡揚善」嘅目的，人憑良心可大概感覺到善惡，《天主教教理》1776：「 在良心的深處，有一條法律，并不來自人，但是人應當服從它。這條法律，在必要時，便會向人發出清晰的呼聲，告訴人應當愛好真理，行善戒惡。是天主把這條法律銘刻在人的心內的。良心是人心中的聖所。在這里，人孤零零地站在天主前面，聆聽天主的親切講話。」。剎華同本討論區嘅互動真係一個非常特別嘅「良心」個案：佢喺基督教團體見到惡而導致萌生退意，嚟到「離教」見到充滿罪惡嘅恐怖討論環境，憑良心覺得唔妥，嚇到走夾唔透，從而喺善惡嘅認識上上左一個台階。咁樣睇起上嚟，惡固之然會傳遞，令人墮落；但同時亦會令人卻步，棄惡從善，從本討論區開始時人聲鼎沸到目前門可羅雀便可知一二。
雖然你嘅言行屬於反基陣營，但由於你多次否認反基，所以我當你係第三陣營而同你討論。
就算唔講信仰，殺華嘅發言都好值得我哋深刻思考：

「只是我看你們的果子很像流氓而已，沒別的。也別怪我直接。
但這裡真的很恐怖哦~~離教後就變成這樣，倒不如繼續信，起碼聖經教人做好人。即使聖經有錯，我們不去學不就好了，耶穌也不是只宣揚愛與和平嗎？但有些預言到教會被逼迫，才有點恐怖嘛。
你們給我的感覺是內心充滿怨毒、傲氣、怨言、恐嚇、淫亂、污穢、憤恨等等，這版內充斥這些，你們給那些離教者很大的落差吧，不應該用溫柔、良善、和平的話勸導別人嗎？其實我初次來到這兒，看名字已經有心理準備了，可是，我還是被嚇到了，這裡的文章，簡直能用「深仇大恨」來形容對基督教的憎惡，即使聖經有錯，即使以色列人的神太殘暴，然而，我們更應該用謙卑柔和善良的心來看，耶穌說，他來不是要廢掉律法，乃是要成全，作為基督徒，不，作為一個有良知的人，難道不應該糾正然後重新接納嗎？只要我們一心行善，即使天下人誤會我，即使天下人不了解我，但我心中知道，我裡面的靈知道，我是正確的！！而不是像你們，一味數落，憤怨，仇恨，敵視聖經，視之為洪水猛獸，這樣你們不累，我看得也累了！！好了，我也睡了，各位也別再互相攻擊，應該包容和寬恕大家，像基督的大愛一樣，這樣就如耶穌所說，天國在我們心中了。
這兒很可怕~~他們的內心充滿怨毒、憤恨、妒嫉、傲慢……媽媽教我要做一個心地善良的人，不要像他們，他們的心蒙了脂油，耳朵閉著，眼不能見，恐怕明白了，回轉過來，主會醫治他們，我說的話有假嗎？我不是在香討那邊誠誠實實地承認我信有神嗎？怎麼這些人要逼迫我，哀哉！主啊，請不要責備他們~~~等到你的審判來到，或許他們會相信眼見的事情啊，求你寬容他們吧。我不會再來這兒了，因這兒不是我該來的地方，這裡充滿著各種邪情私慾，他們的心地昏昧，行可恥的事，主啊，願你常與我同在，使我不至陷入網羅中，從他們中分別出來，願天父的慈愛，耶穌基督的恩典，和聖靈的感動，常與我和這些不信的人同在，從今時直到永永遠遠，以上祈禱交託，是奉全人類的救主耶穌基督的得勝名字祈求，啊們。」一一 剎華

逃出魔幻紀

回覆 23# 抽刀斷水

我雖然唔同反基討論屬靈嘅問題，但係都曾經好熱心咁同佢哋討論過科學、文化、歷史等話題，希望透過討論互相促進，揾出真相。點知我每次提出網友唔知道嘅無可辯駁嘅歷史事實時，就會遭到禮橫折曲嘅謾罵同攻擊，事實越明顯確鑿，攻擊越強烈惡毒，所以我連呢啲話題都唔再同反基陣營嘅人討論。呢種禮橫折曲謾罵攻擊嘅惡意，唔單止剎華感覺到，連異端bigmonster都感覺到都頂唔順。

逃出魔幻紀

離教者變離家者
beebeechan 發表於 2021/3/2 21:54

從《賓墟》變為《二人轉》，的確值得人深思。

逃出魔幻紀

回覆  逃出魔幻紀


    看你經常興高采烈引用剎華的例子，我也想引用教會一方面對教徒離教時的常見相應回 ...
抽刀斷水 發表於 2021/3/3 00:56

這正是我想表達嘅意思：不論有信仰或無信仰嘅人(有冇信仰只有其本人嘅內心知道，教會中人唔一定有信仰，教會外嘅人唔一定無信仰)，而作出嘅善/惡行為都會對他人、對社會造成影響。剎華受教會中人嘅「惡」影響而萌生去意，然後又受到教會外嘅人嘅「惡」影響，內心極度困擾從而憑良心再去反思。相反，如果佢喺教會內同教會外都冇遇到「惡」，到處都受到他人善待，情況係咪好唔同呢？剎華個案同因人而信/而不信嘅問題無關，「因人而信」係指有啲人好buy某個牧者，只專註於此牧者而非耶穌基督，離開咗呢個牧者其對主嘅信德就會大為減弱。剎華只係遇到「惡」而思考人性，作孟母三遷嘅選擇而已。
我哋大家都希望人地善待自己，咁樣就證明我地嘅內心係向往善而非向往惡嘅。有冇信仰嘅人都係咁樣。

逃出魔幻紀

你既意思，係咪所有人（包括教徒和反基），都可憑良心大概感覺到善惡？抑或只限於教徒？ ...
抽刀斷水 發表於 2021/3/3 01:03

《天主教教理》節錄：

1776. 「人在其良心的深處，發現法律的存在。這法律的來源並不是人，人卻應服從之。這法律的呼聲不斷地促使人去愛、行善並避惡，在適當時刻，它便於人內心發出迴響……這是天主在其心內銘刻的法律……良心是人最秘密的中樞、聖所。在此，人獨自與天主會晤，並聽到祂的聲音」。
1781. 良心使人對所完成的行為負起責任。如果人作惡，良心的正直判斷能夠留在他內作為善的普遍真理的見証，同時對他這一次選擇作見証。良心判斷的裁決，仍可成為希望和慈悲的保証。在指証所犯的錯誤時，提醒人祈求寬恕，繼續行善，並因著天主的恩寵不停地修練德行：
在祂面前可以安心；縱然我們的心責備我們，我們還可以安心，因為天主比我們的心大，祂原知道一切(若一 3:19-20)。
1790. 人該常聽從自己良心確定的判斷。如果人明知故意違反這樣的判斷而行事，他必將定自己的罪。但是也有可能，道德的良心處於無知中，並對即將採取或已經冒犯的行動，作出錯誤的判斷。
1791. 這種無知多次能歸咎於當事人，要他負責。「當人對探求真理及美善不大注意，或因犯罪習慣而良心變得幾乎盲目時」，就會發生此種情況。在這情況下，人對自己所作的惡要負罪責。
1792. 對基督及其福音的無知、他人留下的惡表、作情慾的奴隸、對良心獨立自主的誤解和意圖、拒絕接受教會的權威和教導、缺乏皈依和愛德，都能成為對倫理行為判斷偏差的原因。
1793. 反過來說，如果無知是無法克服的，或者錯誤的判斷對道德的主體無責任可言，這人所作的惡便不能歸咎於他。但這行為畢竟是一件邪惡、欠缺、錯亂的事。因此，應該下功夫努力糾正道德良心的錯誤。

逃出魔幻紀

都唔淨止因牧者，教友的影響也是十分重要。

希望人地善待自己，也應要善待他人，否則世界邊有人善待自己？ ...
抽刀斷水 發表於 2021/3/3 11:30

反基督者已經喺服從/反對天主嘅問題上作出左選擇，佢哋喺一呢個問題上嘅發言全部都會攻擊天主，亦都唔會接受福音嘅教導。如此狀況，基督徒如果同佢地喺公開場合討論信仰問題，只會公開造成更大嘅壞影響，基督徒如果忍唔住鬧返佢地，亦會公開造成更大壞影響，呢個叫做「惡表」，即係映衰耶穌，做壞榜樣咁解。所以我雖然唔會憎佢哋(你根據乜嘢判斷我嘅內心係憎佢哋呢？又根據乜嘢量度到bbc內心活動內容嘅1%比例呢？)，但唔會同佢哋公開辯論，我曾邀請leefeng去另一個唔准鬧人只講道理嘅網站傾計，俾佢拒絕咗，佢仲話中意喺「離教」呢度講，因為呢度可以鬧人，請你評論下中意鬧人係惡定善呢？(就算我依家咁樣答你，唔講詳細你未必明，詳細講又好似講人是非咁)，所以我希望盡量唔講呢啲嘢。唔想搞到好似街市啲三姑六婆講人是非咁，呢個就係你話「因人廢言」嘅原因。其實我冇「因人廢言」，我發嘅帖係面向所有人嘅。
我唔想同佢哋嗌交令其他人受到不良影響，咁樣係善待他人定係惡待他人呢？如果中意並堅持用鬧人方式對待他人，係善待他人定惡待他人呢？
我係呢度再次邀請leefeng同埋其他成日追住我問嘢而抱怨得唔到我答覆嘅反基者，如果真係想討論福音道理嘅問題，歡迎大家相約去一啲網站我嘅私人領域一對一私聊討論，如果有興趣，我會提供網址，但參與討論者請保持喺「離教」用嘅名，等我認得你係邊個。

逃出魔幻紀

呢到憎隻瘋狗既唔止係教徒啵....
唔信教既迫芒時打, 信觀音既口合人弗....都憎佢㗎喎 ...
beebeechan 發表於 2021/3/3 12:33

其實真係唔應該憎人嘅，耶穌叫我哋一日原諒他人70個七次，我都希望大家互勉，做唔到都盡量做，唔好互相憎恨。唔啱嘴型就傾少句，表明自己立場就ok啦。就好似龍井樹網友咁樣，佢可能冇憎恨呢度嘅人，只不過頂唔順呢度嘅討論氣氛，仲話過驚住上嚟會沾染咗呢個版嘅傻氣，所以極少蒲頭，好似啲人驚咗索多瑪哈摩辣咁樣。

逃出魔幻紀

回覆  逃出魔幻紀

[quote]鬧人你估好開心咩，都要打餐慒既，對方又未必願意睇

抽刀斷水 發表於 2021/3/3 21:09 [/quote]「鬧人你估好開心咩，都要打餐慒既，對方又未必願意睇」呢個觀點未必啱，你睇下你講完之後啲人鬧得幾熱烈？打得幾落力？
公園同茶樓有好多阿伯每日坐喺同一地方圍堆討論時事，鬧特朗普，佢地明知特朗普聽唔到佢哋嘅發言但係都要鬧，為乜？我都有啲咁嘅親戚，點勸佢都冇用，我擰轉背都未行遠就聽到佢又試鬧呢個鬧嗰個，宜家佢年老不良於行去唔到茶樓，喺屋企鬧林鄭，屋企人又唔搭佢，變成鬱鬱寡歡。由此可知「鬧人」係某啲人每日樂此不疲嘅過日晨方式同精神寄托，或者佢哋根本就需要鬧人，antifa班人鬧到特朗普走咗而家咪揾民主黨黎鬧啰。

除咗leefeng話中意「離教」可以自由鬧人之外，上流寄生族亦都建議過我多啲嗌交，佢話喺屋企
夫妻/親子要盡量避免嗌交，但喺呢度嗌交就「提神醒胃，延年益壽= 情趣」，可見嗌交會令佢哋開心。

我就算同你輕輕手講呢啲嘢，都難免散發咗啲負能量，同本帖宗旨有抵觸，更何況嗌交？你好似信佛教嘅，唔通佛教徒向往嘅極樂世界或者低級啲嘅神仙界嘅居民都以嗌交為樂？佛教理論六道中邊度嘅居民最中意嗌交？……呢啲心得就係我喺本網交流活動嘅收穫，相信你都睇到我嘅變化，我係真心多謝校長你嘅。

曾經有人問余光中：「李敖天天找你碴（挑剔），你從不回應，這是為甚麼？」余答：「天天罵我，說明他生活不能沒有我；而我不搭理，證明我的生活可以沒有他。」，李敖固然以鬧人為樂，但余光中唔睬佢嘅理由，同我唔同反基者公開討論嘅原因有分別，我覺得我嘅理由合理啲。我以前同佢哋討論過，係想了解同學習，宜家已經了解清楚，所以唔想再同反基公開討論引起爭執，並唔係「因人廢言」，而係唔想傳播負能量，更加避免自己離開世界之後要走去嗌交嘅區域生活，亦都奉勸大家避免去嗰度。

逃出魔幻紀

講起學習同了解情況，忽然間諗起bigmonster，雖然我會用我生命的一切去反對佢歪曲天主耶穌基督聖言真理嘅呢種異端行為，但我好中意佢嘅「為何不能……呢？」、「為何總是……呢？」、「不去想一下自己在做什麼事的嗎? 用眼看一下事情真的沒人會嗎?」呢種說話方式，呢種語句會提醒我去自省、去思考，令自己進步。所以，喺呢一個角度講，bigmonster喺我嘅生命中留低左好嘅影響，傳遞咗幸福俾我，我要多謝同紀念佢，並將呢種思考方式傳遞開去。另一方面，我誓死反對佢嘅異端理論，但今後同佢講嘢者會諗下佢講嘅句型，檢討下目的係為咗擊倒他人自己認叻定係乜野，唔再攻擊佢本人，而只糾正佢歪曲聖經嘅觀點。

逃出魔幻紀

「鬧人你估好開心咩，都要打餐慒既，對方又未必願意睇」呢個觀

...
唔想再同反基公開討論引起爭執，並唔 ...
上流寄生族 發表於 2021/3/5 16:11

關於你呢個問題，我喺呢個討論區同任何人都討論過，答過呢度嘅所有人，除咗你。可能你遲嚟唔知以前嘅情況，所以我同你解釋下：
我抱住學習同交流嘅心情來到本討論區，同呢度嘅所有人就任何話題展開過交流。作為基督徒，我主要係講宗教信仰嘅問題。呢度有反基人士，有佛教徒，仲有啲可能係未知論者，點都好，我乜人都傾下。我回答反基者問題嘅過程中，解釋基督徒喺屬靈層面去理解《聖經》嘅神學含義，點知我無論如何強調呢個層面，無論解釋幾多次，反基者都嚟嚟去去提返佢嗰句喺屬世層面理解嘅問題，就例如話跟隨耶穌要殺死父母子女等等，好似放錄音帶咁樣不停重複，令討論毫無意義(其實都好有意義，令我清楚了解到拒絕天主耶穌基督嘅人內心諗啲乜)，考慮到繼續討論冇價值而且粗口爛舌嗌交會對其他網友或潛水人士做成壞影響，我決定唔再同佢哋公開討論，並唔係「逃鼻」，係覺得咁樣嗌交冇意義。其實除咗你一個人唔知道之外，呢度所有人都見過我同leefeng討論國家、歷史、政治等問題，嗰種極其惡劣嘅討論氣氛令我決定今後唔再咁樣傾計。不過如果佢哋真係想了解《聖經》嘅意思，我歡迎私聊，噉樣唔會對他人做成壞影響。其實如果真係有心了解《聖經》，喺google上嘅資料已經汗牛充棟，解釋得充分同埋完善過我講嘅野好多。
佛教徒哈佛問我我會解釋，因為哈佛就算堅持自己嘅立場都仍然會聆聽會思考會禮貌交流。抽刀斷水問我我都回答，雖然我憑表面現象話佢反基不過佢否認，反唔反基佢自己內心先知，但係同佢嘅交流係有問有答，互相有思考有尊重，佢雖然堅持自己嘅立場，但對我講過好多次「我明白你嘅意思」作為討論嘅結束語。
互相了解先至係溝通嘅目的，炒蝦拆蟹嘅嗌交唔會令我嘅知識有任何長進，只會搞到我覺得自己越嚟越蠢，越嚟越醜陋，IQ同EQ都同時跌volt，好唔化算，最大嘅問題係令自己忍唔住嗌交鬧人而犯天主誡命，令自己行近地獄，超危險。所以，就算你話我逃鼻又好借口又好，我絕對避免這種愚蠢嘅行為。呢樣嘢亦都係我喺本討論區學到嘅好寶貴嘅一課。多謝本討論區所有人。尤其多謝bigmonster教識我「為何不能……呢？」、「為何總是……呢？」、「不去想一下自己在做什麼事的嗎? 用眼看一下事情真的沒人會嗎?」呢種句型，尤如醍醐灌頂，提醒我去自省、去思考，令自己進步。

逃出魔幻紀

「没有看見去信的人，是蒙福的」是「屬靈」的了吧，但在現實世界，卻是盲從！
    現實世界提出的理性 ...
旁觀者 發表於 2021/3/7 08:51

睇嚟你誤解上咗「屬靈」嘅意思。
有意義討論嘅前提係必須首先了解對方講嘅嘢係乜意思。屬靈係屬於聖靈咁解，又叫屬神。

屬靈
屬靈是宗教用來描述信徒世俗生命以外的存在狀況，就基督教而言，是指一個信仰耶穌基督的人，就不再屬於世界，而是屬於聖靈了。 基督教認為屬靈出於聖靈的工作，是人獲得上帝的聖靈，並獲得新生。
http://newmsgr.pct.org.tw/Magazi ... agID=M2006062301113

要明白天主耶穌基督嘅道理必須靠聖神引領。耶穌講過：『為此，我告訴你們，沒有一個受天主聖神感動的會說：「耶穌是可詛咒的；」除非受聖神感動，也沒有一個能說：「耶穌是主」的。』（林前12:3）。成本《聖經》所包含嘅道理冇可能喺呢度一次過同你講曬，但係你唔明你就必須了解，唔信都得個知字先至有得討論，google下就有大把資料。如果我同你解釋清楚就十日十夜都講唔完，你又係問返同一個問題，咁有意思咩？如果我同你由頭講，聖經係一個連貫整體道理，舊約係新約嘅影子，係新約嘅預表，新約係本體，係舊約嘅圓滿，埃及預表左我哋嘅世界，以色列人懷念埃及嘅食物代表咗扶犁向後望，猶太人七個節日全部預表咗耶穌基督死而復活升天，日後再來審判生者死者，以及基督得勝等事件，西乃山下三千個死者與耶路撒冷聖神降臨三千個外邦人獲救嘅關係……，……，……，呢啲全部嘢，喺你唔了解嘅前提下我同你討論都毫無意思。
如果一個小學生見到人哋演算二進制，佢即刻提出質疑：「學過算術嘅人都知道數字算術去到十先至進位架啦，逢十進一吖嘛，你都唔識計數嘅！」，嗰個人同佢解釋呢啲係計算機嘅數位電路演算方式，同普通算術嘅計算方法唔同，要讀到高中大學先至理解到。呢個時候，小學生有幾種可能嘅反應：1)接受對方講法，等候第日讀到高中再理解；2)因為自己智商出類拔萃，一夜之間摷書學習理解曬全部道理；3)即刻喺書包攞部計算機出嚟計下1+1等於幾，計嚟計去1+1=2進唔到位之後，就周圍唱嗰個人唔識計數兼講大話，將計算機1+1=2講成1+1=10，簡直係胡說八道噉話。
你嘅思考方式就係第三種，就好似我同bbc多次向你解釋過「弟兄要把弟兄、父親要把兒子，送到死地。兒女要與父母為敵，害死他們。」《馬太》10：21呢段經文嘅意思，指出你對原文意思作出咗完全相反嘅理解，但係你仲係不斷重放錄音帶。咁有乜嘢意思呢？我哋可以唔認同某啲嘢，但頭腦必須裝得入嘢，記得人哋講過嘅嘢，如果只係為咗發聲練氣強身健體則例外。再重復一次：任何人可以唔同意他人嘅觀點，但必須理解對方嘅意思，討論先有價值。否則，就會進入左bigmonster所講嘅狀態：「他有看過本人的內容嗎? 當然沒有, 他只想自己的話。這就是簡單的自我中心, 自以為是。看一下他不是在回應本人的內容, 而是斷章取義, 只找中間一句就不停說自己的話， 本人的內容他跟本沒看。」
我嚟咗呢度咁耐，了解咗好多嘢，我明白你每次講話嘅內容同意思，但係你就完全唔明白我講乜，雞同鴨講。街市三姑六婆式嘅嗌交我固然唔會參加，對於毫無意願了解對方嘅人，我亦都冇絲毫興趣同佢討論，冇理由將有限嘅時間浪費喺無聊兼對自己無益嘅事情上，呢個就係點解我每次都會答哈佛，答抽刀，答龍井樹，答bbc，而唔答你嘅原因。你可以唔同意我唔答你嘅理由，可以中意鬧人，可以選擇將嗌交作為日常過日晨嘅強身健體方式，但係起碼應該理解咗我上述所陳述嘅唔答你嘅原因先，並且記住，或者做筆記寫低。

逃出魔幻紀

欣赏先生治学【十分严谨】
明白先生意思
上流寄生族 發表於 2021/3/8 16:54

我都欣賞你正常嘅溝通態度。

逃出魔幻紀

基督教徒狡辯最叻！ ！ ！ ！


如此說來，難怪性經書內如果寫：
不可行淫：就一定要淫，性侵，強姦！
...
leefeng 發表於 2021/3/9 02:47

你點解又嚟再次示範bigmonster所講嘅「他有看過本人的內容嗎? 當然沒有, 他只想自己的話。這就是簡單的自我中心, 自以為是。看一下他不是在回應本人的內容, 而是斷章取義, 只找中間一句就不停說自己的話， 本人的內容他跟本沒看」嘅作為？
我同你哋講過好多次，首先要明白人哋講乜嘢，有唔明嘅地方就思考下揾資料了解下，如果下下個口快過個腦，或者淨係郁口唔郁腦，咁就證明咗係中意嗌交唔中意學習。
學上流寄生族話齋，治學有嚴謹有求其，如果你對我講嘅嘢有任何唔明嘅地方，建議起碼用最求其嘅方法了解下：google(我建議過好多次)！如果你對邊段經文嘅理解同基督徒嘅講法有唔同，或者唔明我講乜，就去google下，例如「《馬太》10：21查經」→搜尋/search、「《馬太》10：21是什麼意思？」→搜尋/search等，如此類推……除非你係擰開咗個嗌交掣刪埋咗思考掣嘅人，否則，任何一個正常人都會用呢個起碼嘅方法嚟認識世界。
唔明白二進制嗰三種學童，第一種出於好奇心同求真精神，會帶住問題問老師同家長；第二種係神童，自學就即刻搞掂；至於第三種，你仲可以話佢乜嘢呢？
見你好中意發YouTube圖，我就順便講下，我睇YouTube只睇第一同第二種「學童」嘅片，至於第三種，無論佢嘅光譜同我幾接近幾相似，我都唔會睇。

逃出魔幻紀

見你好中意發YouTube圖，我就順便講下，我睇YouTube只睇第一同第二種「學童」嘅片，至於第三種，無論佢嘅光譜同我幾接近幾相似，我都唔會睇。

逃出魔幻紀 發表於 2021/3/9 10:26

補充下，對於第三種「學童」嘅YouTube，我都會睇少少，認識下世界上呢種人嘅存在狀況。

逃出魔幻紀

如果你對我話你嘅言論係【廢話一大堆！ 】邊一個字嘅理解同基督徒嘅講法有唔同，或者唔明我講乜，就去goo ...
leefeng 發表於 2021/3/9 14:04

我明白「廢話一大堆」嘅意思係講好多冇意義嘅說話咁解，唔使google。俾你形容為「廢話一大堆」嘅我嘅以上言論同信仰問題毫無關係，係關乎人吸收知識嘅方法。你話係「廢話」，即係唔認同呢種學習方法，我本來打算進一步請教你，我邊忽講得唔啱？你唔認同呢種學習方法係基於乜嘢邏輯？等我知道你係點諗嘅，開下眼界。宜家你搶先說明咗，我大概知道喇。如果你有進一步補充，希望你就我所講嘅嘢逐點指出其錯誤之處。多謝！

逃出魔幻紀

先生早晨

首先谢谢先生

先生常常子曰；；；；；；；；；使徒行傳 4:12
除他以外，別無拯救，因為在天下人 ...
上流寄生族 發表於 2021/3/11 01:46

『耶穌對她說：「你的兄弟必定要復活。」瑪爾大說：「我知道在末日復活時，他必要復活。」耶穌對她說：「我就是復活，就是生命；信從我的，即使死了，仍要活著；凡活著而信從我的人，必永遠不死。你信麼？」她回答說：「是的，主，我信你是默西亞，天主子，要來到世界上的那一位。」』(若11:23-27)

『耶穌回答說：「我的國不屬於這世界；假使我的國屬於這世界，我的臣民早已反抗了，使我不至於被交給猶太人；但是，我的國不是這世界的。」』(若18:36)

https://exchristian.hk/forum/vie ... 3877&highlight=

耶穌仲講過：「那麼，凱撒的，就應歸還凱撒；天主的，就應歸還天主。」（瑪22:21）追求死後靈魂永享天國福樂嘅人同只追求生前世界福樂嘅人係殊途不同歸嘅兩種人，所以對屬神範疇嘅事無法統一認識。

若要明白《聖經》嘅內容，須系統咁理解基督宗教嘅教理，最起碼都用最懶嘅方法去google尋找正統基督宗教教派嘅神學解釋，否則就會一頭霧水，或者理解錯誤，例如將《瑪竇福音》10章21節「弟兄要把弟兄、父親要把兒子，送到死地。兒女要與父母為敵，害死他們。」呢段經文嘅意思作出同原意完全相反嘅理解。

唔明白、唔了解一樣嘢好正常；明白、了解左咗一樣嘢而加以反對、拒絕亦都好正常；但係反對、拒絕一樣自己唔明白唔了解嘅嘢就唔正常。

逃出魔幻紀

首先谢谢先生教导=
抱歉，先生，去google找了，但，越找越一頭霧水， ...
上流寄生族 發表於 2021/3/11 14:15

乜人都可以放資料上google，上邊嘅資料只代表作者個人或者某教派嘅意見，不過對於求其想得個知字嘅人，都好有參考價值，就一個問題嚟講，睇多幾條信息，就會理解全面啲。例如呢個就係其中一條：https://ha32.pixnet.net/blog/post/40199995

逃出魔幻紀

首先谢谢先生指教，感恩

  ...
【抱歉，先生，他说得太乱】
请问先生你自己的意见？

重谢谢先生
重谢谢先 ...
上流寄生族 發表於 2021/3/12 15:06

我自己每日的日程都排滿，要讀的書也很多，神學問題逐個思考逐個理解。我已經沒有時間去大量仔細閱讀你提供的牽涉廣泛的神學觀點，然後作出評論，對不起。如果你想係統並簡單地了解天主教教理，可從「天主教教理問答」、「教理精要」「……基礎」之類入手。