逃出魔幻紀

盲信者當然就唔會有乜交集，但我相信真盲嘅只係好少數，大多數情況都只係人唔敢去面對，選擇逃避。信與不 ...
龍井樹 發表於 2019/12/20 09:14

見到稀客出現，心中不覺一喜！龍井先生大駕光臨即時豐富咗討論群組嘅光譜。
自從上次同你詏撬咗兩句之後，我就想像你係一個喜歡理性討論嘅斯文人。其實斯文唔斯文都唔係好緊要，香港人習慣串嘴，我都唔係好介意。我真係好多謝抽刀網主搞呢個論壇，俾平時冇可能面對面溝通到嘅人喺呢度切磋，通過討論甚至嗌交黎互相增加瞭解（瞭解唔代表認同，大家唔好即刻起曬杠又話我傳教，其實我都想瞭解多啲你哋嘅觀點同理據），我相信除非自己拒絕聆聽觀察同接收，否則大家通過討論都會變得聰明咗。
如果你所講嘅「盲信」，係我所理解嘅「信德大」，噉我希望我係「盲信」嘅人（我唔敢咁自大話「我係信德大嘅人」）。信唔信同買大細嘅問題，我以前喺度開帖討論過，都幾有討論空間下。我唔清楚你係真斯文定係扮斯文，定係鍾意禮橫折曲鬧人嘅人，希望你得閒多移玉步過嚟傾下偈指教下。

逃出魔幻紀

唔好以為買大細就唔使理性。
比如連開咗十口大，好科學既人就會用或然率，認為下舖開細既機率大啲。訓身 ...
beebeechan 發表於 2019/12/20 12:18

講得好！但係我更加信耶穌所講嘅看不到而相信的人更有福。所以有特別經歷嘅人未必更有福，我對呢樣嘢都好警惕，經歷到特別嘢嘅時候都諗下耶穌這句說話。
我嘅盲信就如同幼兒期嘅細路信老竇，知道老竇唔會點條黑路我行，跟住佢行就包冇撞板，好開心好有安全感，包有著數（呢個只係比喻，天主同人不可同日而語，如果理解唔到比喻請唔好攞啲賣兒賣女還賭債嘅老竇嚟講）。

逃出魔幻紀

做乜你連迎賓都做埋嘅？你鍾意討論可以去時代論壇丫，我又唔係教書先生，冇特別大興趣去指教人。

孟子曰 ...
龍井樹 發表於 2019/12/20 14:18

華人文化嘅客套說話，同日本人嘅類似寒暄習慣差唔多，大家明就得啦。如果你唔鍾意聽，我遞日就避免講「得閒飲茶」嗰啲咁具體嘅嘢啦。不過如果你唔係嫌呢邊環境太嘈，啲人又個個好似懶自大好為人師噉（其實我諗可能個個都好謙虛，但係爲咗融入環境同攪起個討論氣氛所以叉曬腰呼呼喝喝咁，係搞下笑扮下嘢架咋），得閒過嚟坐下觀察下都冇乜壞嘅。我又迎賓添！網主唔知會唔會打賞呢？

逃出魔幻紀

回覆  逃出魔幻紀
成日卦住華人恐怕偏離基督之道。用猶太佬見面親嘴仲有聖經氣氛。 ...
沙文 發表於 2019/12/20 16:53

睇對象啦，不過自己個文化同習慣都仲有條底線嘅，我同歐洲嘅男男女女都習慣攬咗攬右，仲識埋兩邊面珠墩，好似你講噉錫嘴我就真係未試過，我諗我做唔出。

逃出魔幻紀

你洽埋眼咁聽移鼠話就好咯。
    移鼠教落鬼徒：有要借貸嘅唔好推辭。
    我最近手緊要跟「聖公會」 ...
旁觀者 發表於 2019/12/21 01:37

你嘅呢幾個問題係針對我嘅發言而提出，而且指名係問我，我本應答你嘅疑問嘅。但係你問題入邊嘅核心人名我唔識喎，所以答你唔到。

逃出魔幻紀

你洽埋眼咁聽移鼠話就好咯。
    移鼠教落鬼徒：有要借貸嘅唔好推辭。
    我最近手緊要跟「聖公會」 ...
旁觀者 發表於 2019/12/21 01:37

雖然你侮辱耶穌令我難過，但係考慮到佢係唔會介意，所以我都係決定回答你嘅問題。
耶穌基督當時對門徒同群眾講「真福八端」、「登山寶訓」等道理嘅時候，係結合當時嘅社會嚟講嘅，現代人唔知道當時嘅環境，如果唔主動瞭解下，係好容易諗歪左而產生誤解。譬如耶穌講人哋逼你行1千步，你就陪佢行夠兩千步，噉唔通你話基督徒要聽耶穌話，企喺彌敦道等人叫我行1千步噉咯喎？
借錢嘅嘢，見到人有困難我當然會幫啦，記住借錢幫人係幫有困難嘅窮人，唔係你所講嘅呢種情況。耶穌嘅新誡命其實只得兩條：全心全幣靈全意全力愛天主同埋愛人如己，做任何事嘅出發點都應該基於此。如果你真係有困難，我綜援都維持唔到你嘅生存基本所需，我一定會幫你，呢個係基於「愛人如己」嘅教導，但係如果你爛賭，俾大耳窿追斬，你要求我我都會幫你，但係絕對唔會借錢，因為借錢俾賭徒一定唔會幫到佢而係害咗佢，噉就違反咗「愛」嘅原意。至於你話借錢學聖公會買豪宅住，咁你個出發點係奢侈享受，同貧窮、困難完全無關，你明架啦。至於聖公會點解買大屋，邊個決定買大屋，我冇興趣知，我講過，我學習嘅終極導師係耶穌，而唔係任何一個教牧。

逃出魔幻紀

你又誓神劈願話要盲信移鼠，咁就好咯，又有單好嘢益你。
    移鼠就教班靚，鍾意邊間屋就即管入去住，重要 ...
旁觀者 發表於 2019/12/22 06:05

你暫時分唔清耶穌講現實同比喻之間嘅關係，呢樣嘢要慢慢理解。沙文扮唔明我就唔使解釋喇，但我就想同你補充講多句：耶穌唔介意你侮辱佢唔代表你做咗啱嘅事，而係佢既然用極端嘅方式救人類，佢就肯定原諒曬人所有嘅罪，正如佢為劊子手求天主「父啊，原諒他們吧，他們不知道自己做的是什麼」。所以，任何人不能做過任何事，喺斷氣前真心向天主認罪都會得到赦免。
你習慣忽略或拒絕講聖經其他嘅章節而執住一兩句黎講，唔整體噉讀聖經。你既然改唔到呢個習慣，噉你就應該淨係執住耶穌最大最重要嗰條新誡命：「『你應全心，全靈，全意，愛上主你的天主。』這是最大也是第一條誡命。第二條與此相似：你應當愛近人，如你自己。全部法律和先知，都繫於這兩條誡命。」………我給你們一條新命令：你們該彼此相愛；如同我愛了你們，你們也該照樣彼此相愛。如果你們之間彼此相親相愛，世人因此就可認出你們是我的門徒。」
基督徒做任何事都應該基於呢個「愛」嘅原則，包括幫賭仔，或者流浪漢，幫賭仔同道友咪勸佢戒賭戒毒囉，帶佢哋搵社會機構或者政府機構幫佢哋囉，勸佢哋做嘢囉，帶佢哋搵啲力所能及嘅工囉，如果佢哋拒絕呢啲幫助，噉都冇辦法，借錢畀佢哋賭錢吸毒只係害左佢，當然請人食餐飯有乜所謂，但下一餐呢？下下一餐呢？所以一切都要基於愛嘅出發點，要真係為佢好。至於佢屋企人點樣亦都係用呢個原則去幇，如果你話我唔怕長貧難顧要養埋佢屋企，噉咁多賭仔獨有你養得幾多？政府同社會慈善機構設立咁多部門嚟做乜？希望你真係諗嘢而唔係凈係講嘢。至於沙文話嗰啲賣老婆落火坑之類嘅嘢，係搞爛geg啫，佢老婆又唔係奴隸，又唔係弱智，香港又唔係奴隸社會，點賣呀？如果係弱智都賣唔出啦！如果佢智力正常但係因為懶唔願做工而自願被賣落火坑，噉係佢自己選擇個咯喎，使乜人幫佢呢？

逃出魔幻紀

點解您又今次唔考慮主耶穌係唔係咁做嘢呢？佢會介意人扮唔明嘅咩？
沙文 發表於 2019/12/22 10:18

我呢，淨係考慮新誡命

逃出魔幻紀

回覆  逃出魔幻紀
侮辱耶穌令您難過係新誡命, 扮唔明令您唔識點搞係舊誡命 ...
沙文 發表於 2019/12/22 11:58

「全部法律和先知，都繫於這兩條誡命。」

逃出魔幻紀

考慮新誡命, 有人叫主耶穌畀錢贖身。
耶稣說: tilt, 您搞爛geg啫，您老婆又唔係奴隸，又唔係弱智，巴勒斯坦 ...
沙文 發表於 2019/12/22 12:23

巴勒斯坦又唔係奴隸社會

我以為你從二年班開始睇聖經，基本讀過曬但係扮唔識咋，原來你真係唔係咁熟唔係扮唔明，噉就要加強全面學習，先至夠資料作判斷喇，首先睇下《費肋孟書》睇下羅馬帝國有冇奴隸。

逃出魔幻紀

有都話冇,費L事破費賙濟。 您都係學耶穌噉, 新誡命.....乞嗤
沙文 發表於 2019/12/22 13:10

我而家戒咗睇戲喇，儘量收心養性專注學習，希望你都擺多啲時間學習啊，勤有功戲無益！

逃出魔幻紀

其實，您呢亭「香港冇性奴」嘴臉，您估我見得少咩。好多時月杪手緊，問屎窟蜂度住幾個江湖救急：“hehehe沙 ...
沙文 發表於 2019/12/22 13:46

關於你講呢個k史，我係噉諗嘅：
如果任何人埋嚟問我：「耶穌話如果有人度水唔好托手踭喎，我而家糧尾有啲手緊又肚餓，可唔可以度住幾草嘢食飯呀？」我答佢「好啊冇所謂」，即時爽手過水，第二個又埋嚟話輸咗錢冇飯開問我度住D，我又滿足佢，……，噉整整下全世界知我易話為，越嚟越多人埋嚟同我度水，我又包唔托手踭，捐出去嘅錢幫唔到真正有困難嘅人唔單止，我仲喺人哋眼中成咗一個阿呆，我咁冇智慧嘅行為造成咗「惡表」，世人就會將所有基督徒視為冇智慧嘅阿呆，更加對天主及耶穌基督嘅道理避而遠之唯恐不及。噉我咪成咗絆倒佢哋害死佢哋嘅人囉！咪違反咗愛天主愛人嘅兩條最重要誡命囉！係咪？慢慢學習領會啦。

逃出魔幻紀

回覆 176# 沙文
有時世界邊度邊度有乜天災人禍，教會喺彌撒收完捐獻之後，主祭講完道順便要求教友為受災者或者某個需要幫助嘅人群再解囊捐獻多一次。感恩彌撒嘅捐獻數目教會通常唔喺教堂公佈，但係每臺彌撒為受災者/有困難者嘅特別捐獻數目就通常喺下一臺彌撒公佈，我個堂區次次都最少有幾萬文。

逃出魔幻紀

回覆 180# 沙文
你唔係話問教徒借錢佢hehehe耍你嘅咩？唔通成個教會得你老婆一個捐錢比人？基督教會同天主教會有無數個善會喺世界各地幫緊唔同需要嘅窮人，佢哋啲錢喺邊度嚟嘅呢？你老婆以行動做D同寧可殺錯1000不可放過一個嘅曹操等惡人相反嘅善舉，點講都好都係一件好心地嘅事情，但將可能幫錯1000個人嘅錢，交畀教會，嚴謹審核每個個案將每一文都發揮到實際幫助窮人嘅效果，係咪更有智慧呢？仲有，你係158樓講明係你賣自己老婆落火坑，賣基督徒老婆落火坑唔係搞geg係乜？我話你呢個係搞自己老婆爛geg你就扯到全世界嘅悲慘故事，仲有，你一路得閒周街咀咒天主嫌佢勤力搵幾分工做，一路問基督徒度水話手緊飯開噉……仲有仲有，太多犯駁嘅矛盾點我費事摷喇，如果你係表演緊我熟悉嘅跳嚟跳去嘅戯路，我冇乜心機睇。如果你係真心研究思考討論問題，噉係好現象，我最好去除枝節雜質直接討論以提高討論效果。我要撥多啲時間專心學習，你嘅問題我會儘量答覆，如果我太忙唔得閒回答，請你睇返我以前嘅發言（其實好概括簡單，都係離唔開耶穌基督教導嘅愛天主愛人），你肯定領略到我嘅答案。你跳嚟跳去搞geg，我唔答你又好似冇禮貌，答你又好似嘥時間，截止出你嘅荒謬同無禮又好似有D驕傲，搞到我三難狀態，你應該係我其中一個好導師，或者天主派嚟嘅牧羊犬。

逃出魔幻紀

覆#163
    「佢既然用極端嘅方式救人類，佢就肯定原諒曬人所有嘅罪」，我就唔明，教人殺滅親屬、世人，背 ...
旁觀者 發表於 2019/12/23 00:54

你講呢啲嘢，淨係喺呢個貼已經唔止一個人同你講到一字咁淺，加埋以前都同你解釋過好多次，到而家你又問返同一句說話，噉有乜辦法呢？

逃出魔幻紀

覆#182
    「基督教會同天主教會有無數個善會喺世界各地幫緊唔同需要嘅窮人，佢哋啲錢喺邊度嚟嘅呢」﹖係 ...
旁觀者 發表於 2019/12/23 01:17

所以我成日話你要全面瞭解事情先至可以準確發言，你知唔知歷史上有幾多神父喺遠東包括中國過住艱苦生活傳教甚至犧牲性命，你唔肯認真學習都可以google下，好簡單好方便，或者睇下電影《沉默》，都可以略知一二。
大屋嘅事，我已經清楚答咗你，你又再問，我冇理由再重複一個答案畀你架，你自己慢慢諗下啦。

逃出魔幻紀

我見您扮innocent問'唔係奴隸社會點賣呀"

唔答您又冇禮貌, 又驚您真係出唔到貨, 梗係盡量提供多尐途逕 ...
沙文 發表於 2019/12/23 09:17

你講得冇錯，我係真心多謝你嘅，我同龍井樹講嘢嗰陣都多謝過呢度出現嘅所有人啦，最多謝就係網主抽刀先生，畀個平臺我哋互相瞭解，擴闊視野。
leefeng同旁觀者唔理解聖經可能係因為佢哋未曾系統噉學過，我以為你學過哂應該係理解上冇問題，但原來唔係噉，呢樣嘢會令我重新思考預定論同自由意志論嘅問題。你學多咗十幾年（幾十年？），都同佢哋企喺同一個思考層次，發言模式一樣，叫佢哋情何以堪呢？難怪佢哋冇動力去學習，講極都唔明問返同一個問題。

逃出魔幻紀

回覆  逃出魔幻紀

您真係好L有“智慧”，下次我問您度住幾個救急，我話“you"re the last guy I can thin ...
沙文 發表於 2019/12/23 07:23

請你用個良心諗下：你諗呢D劇惰出嚟反駁我嘅「謹慎地保證將每一文用到幇助窮人/困難人身上，比「寧可被呃一千文都不能錯過交到一文俾個真窮人」更有智慧」嘅觀點，符唔符合基督愛天主愛人嘅原則？

逃出魔幻紀

回覆  逃出魔幻紀
我牧羊狗點敢反駁您呀，我不過呻下我嘅困境啫。您天主上身, 统一揸盤, 一文都要畀晒教會 ...
沙文 發表於 2019/12/23 11:18

哦，原來你係噉諗，我明白啦。不過你諗嘅唔係真相。

逃出魔幻紀

聖賢嘅教誨係愛嚟警惕自己，唔係用嚟教訓人嘅。我一向都係得閒先上嚟，所以如果你見我唔到，就表示我生活 ...
龍井樹 發表於 2019/12/23 14:34

每個人都按照自己嘅性格來選擇生活方式，我不嬲都知你覺得呢邊討論係嘥氣。但喺呢度人比較少，觀點雷同，各人講嘢方式亦都比較相似，所以你過嚟我就希望可以豐富呢度嘅討論色彩，你覺得厭煩我好理解，我都覺得有的悶有啲沮喪，但係好想係度學多啲野。