逃出魔幻紀

回覆  旁觀者

繼國際智商登記處之後又有CUHK。你到底諗掂佢地係咪權威未？
需要時當佢權威，踩著自己時就 ...
jimmychauck 發表於 2025/10/9 00:13

    你哋拗咗咁多日都搵唔到大家都認同嘅智商證明權威，不如換個方法啦：正值而家選緊諾貝爾獎，你哋可唔可以列一個諾貝爾科學獎嘅list出嚟，睇吓邊一個民族嘅原始科研成就最勁，攞過最多世界公認嘅科學發明大獎？畢竟每個民族睇到自己人攞到諾貝爾大獎，都會請小鳳姐出場，由此證明諾貝爾獎嘅公信力譽冠全球。

逃出魔幻紀

冇咩？碟仙知喎。佢話截至主後2023，共計214名jewish nobel price winners.佔總得獎人數22％.（主後2025未 ...
沙文 發表於 2025/10/10 13:38

智商106.48嘅日本人今年起碼擸兩個科學獎，直程祖墳冒青煙；咁IQ92.43嘅猶太人反而攞咗歷史上諾貝爾獎總數嘅22%，呢條數點計㗎？IQ排名嘅作者有冇諗過呢樣嘢㗎？

逃出魔幻紀

我問perplexity啦：

歷來獲得諾貝爾獎的華人共有12位。其中包括物理學獎、化學獎、生理學或醫學獎 ...
抽刀斷水 發表於 2025/10/10 23:32

巴仙list咪即係排名囉，我就係建議不如「你哋可唔可以列一個諾貝爾科學獎嘅list出嚟，睇吓邊一個民族嘅原始科研成就最勁，攞過最多世界公認嘅科學發明大獎？」

逃出魔幻紀

回覆  抽刀斷水

咁就唔對題啦，人地智商係跟國家分㗎嘛。話題唔好成日轉得唔得？ ...
jimmychauck 發表於 2025/10/12 04:20

    你冤枉抽刀啦，佢根本冇轉話題，反而跟話題跟得好貼添。樓主喺貼文入邊主要係講種族而唔係國家，雖然有時講下地域，有時講下膚色，有時又將範圍縮細到同種同族嘅智商最上層嗰一群，總結嚟講，樓主係着重講種族而唔係國家，佢從來冇提「以色列」呢個國家名，如果唔信你可以參考以下呢啲佢講過嘅嘢：「華人雖排在第三」、「遠超西方人」、「中國人僅僅高西方白種人不到10個百分點」、「前四都屬東亞中華文化圈」、「中國排在第三，祗因少數民族眾多⋯⋯和人口基數過大，而被平均拉低了」，「猶太佬，祗有92.43」。
因此，「華人」同「猶太佬」各自攞諾貝爾獎嘅數目，可否作為智商高低嘅重要參考數據，呢個話題絕對值得討論。
所有認同自己係華人，包括認同自己係中國人嘅人（例如堅定維護中華文化嘅樓主），都可以黐到樓主認為「東亞中華文化圈」智力榜首嘅日本人（大和民族）嘅金糠，係咪都應該與有榮焉，當自己都係第一名呢？不過可惜嘅係，就算當咗自己第一名，都唔知會唔會因為「人口基數過大，而被平均拉低了」，所以只能夠開心住先？實際係點，有待你哋嘅討論結果去證實。
所以請你都唔好轉話題，應該好似抽刀咁嚴格按照樓主講嘅「種族」以及大東亞文化共榮圈嘅思路去理性討論。講埋晒啲屎屎尿尿性器官嘅嘢於事無補，只會令討論嘅理智層次「被平均拉低了」。

逃出魔幻紀

回覆  逃出魔幻紀

樓主唯一攞得出手嘅數據，係跟國家分㗎嘛。其他果啲咩第三其實第一咩猶太人，開局一張 ...
jimmychauck 發表於 2025/10/12 16:36

    OK，打擾咗你哋屎尿屁性器官Level同文獻Level馬拉松對決嘅雅興，真係唔好意思！你哋自便啦。
話時話，我對知識都幾渴求嘅，你嗰唔夠十個係頂樓開題未俾人破過嘅立論，所用嚟開題同埋論證嘅資料係咪全部都係文獻Level 㗎？全世界嘅大學，唔係！都係唔好咁講，因為我都唔知朝鮮同阿富汗啲大學嘅情況，都係講返香港嘅大學穩陣啲，香港所有大學嘅研究學術論文，所引用嘅論證資料，都必須係文獻。
你話自己要求高，「高」都有好多個層次㗎，學術機構係舉世必認嘅高層次，大笪地啲論政者個個都話自己係高層次；所以，你話到對自己開題立論同埋辯論舉證嘅要求咁高，我就好好奇高唔高得過大學嘅學術層次㗎？其實高唔高好簡單，一查資料就知道係咪文獻Level。你自己查下啦，唔打擾你雅興。