逃出魔幻紀

回覆 1323# 沙文
我對本貼嘅印象同感覺：
1）單凴基金經理管好一份錢就可判斷此人小事忠心而可托大事？沙兄真心如此認為？未必掛。此乃小事忠心之個案？我唔係好認同，唔知李嘉誠級數D富豪係點樣觀察一個人係咪小事忠心嘅呢？
2）#1323樓對耶穌基督嘅不娶不嫁比喻嘅理解，有啲似D無性或單性繁殖嘅水母之類嘅低級生物武斷噉判斷傳說中「人類係受婚姻法律制度規範嘅雙性繁殖動物」肯定係子虛烏有嘅謊言噉。

逃出魔幻紀

有時睇野肯睇多少少, 就唔使咁糊塗哩。
打後的一句，　便是：

9:26 那鬼喊叫、使孩子大大的抽了一陣瘋、 ...
beebeechan 發表於 2020/3/4 08:33

chan教友，你睇得諗得好仔細。我哋身為基督徒，一切思言行應該係以對耶穌基督嘅絕對信心為核心，瑪竇福音11：4-6：

『耶穌回答他們說：「你們去，把你們所見所聞的報告給若翰：瞎子看見，瘸子行走，癩病人得了潔淨，聾子聽見，死人復活，窮苦人得了喜訊。凡不因我而絆倒的，是有福的！」』

創造所有有形無形萬物嘅耶穌基督能使聾子聽見，佢叫聾鬼聽見又有乜出奇呢？好在你醒目冇被絆倒！

逃出魔幻紀

沙文 發表於 2020/3/11 03:23

睇嚟你真係好鍾意玩摔跤，我喺書房讀書你都嚟拍門要求比試，應該係諗到啲撻低我嘅新招數。我曾經講過，我講嘅嘢係儘量按照耶穌基督所要求嘅愛天主及愛人如己嘅命令而為之，你如果唔鍾意跟呢啲規矩而要用打爛仔交方式嚟撻低我，怒不奉陪，因為有違耶穌基督教導。
你以上陳述嘅內容充滿矛盾，所以覺得你唔係想講道理而淨係想拳腳過招。既然係噉，要打就正經打，唔好搞埋啲講粗口掟鞋吐口水嗰啲嘢，或者好似乜代宗師噉打打下走左落觀眾席坐。不過做嘢要有頭有尾，呢一場hold 住先，完成埋上次你打打下走左去個場先，請邏輯理性地回答你以前未回應嘅以下最屘一條有關瑪雅族滅亡嘅問題（為方便你記憶當時嘅比試情況，我將當日我哋過招嘅錄影片段回放，等你諗下點解當日唔接我最後雅瑪人嗰招就閃咗落台）：

沙文：『至於"And I will establish my covenant with you; neither shall all flesh be cut off any more by the waters of a flood"的屎眼contract, 就係因洪水而於1990年绝種的Dusky seaside sparrow. 神"學家"認真學習天天向上』

逃出：『諾厄帶上方舟嘅動物中，係咪包括每一種類嘅各分類，例如貓科動物嘅波斯貓豹貓……等等各一對、東北虎華南虎孟加拉虎等等各一對、獅子……各一對，鳥類就鳶屬……、鸚形目……虎皮鸚鵡各一對；如果調轉嚟諗，蜜蜂嘅絕種係咪代表蜜蜂屬或者所有節肢屬類嘅滅絕？塔斯曼尼亞虎嘅絕種，係代表袋鼠、狼、定係老虎嘅煙滅呢？乾隆屠殺準葛爾，係咪就等於屠殺左全人類呢？』

沙文：『事實上根據 rule of 50/500, 同一species帶少過 50 隻上船即等於滅絕，這是短期而言。若要長期維持繁衍則要每種500隻。您嘅騎哩contrary thinking 可以慳番同弘曆慢慢研究嘞。不過在您用咁騎哩嘅方法企圖convince我之前, 還需先去幫薩達姆翻案. 只不過造瓜百幾個什葉派啫, 你地做乜L嘢告佢反人類罪？依家佢反晒全人類咩?』

逃出：『我而家大概明白你嘅意思喇：
1）一種雀仔嘅滅絕等於整個鳥類（甚至包括「凡有血肉的」?)嘅滅絕；
2）準葛爾族人嘅滅絕，唔等於全人類（甚至包括「凡有血肉的」?)嘅湮滅。
如果我有誤解，請包涵。』

沙文：『我肯包涵, 羅先生logic都唔肯啦。
只要有一種雀仔滅絕, 就唔係凡有血肉的冇滅絕啦，滅絕師太』

逃出：『我哋講緊天主彩虹諾言是否信實，根據你哋舉嘅雀仔同薩達姆嘅例子，（我）邏輯噉推斷你哋嘅意思係以上1)2)，你哋又話唔啱，噉係咪應該用邏輯嚟反駁我嘅誤判？但係冇喎，淨係掟條拎嚟話網上d資料話準葛爾人係滅於天花而唔係屠殺，噉又點？撇開網上資料好似微微信嘅微信一樣僅供參考係係人都知嘅道理唔講，天花滅種事件對於天主信實議題有乜關係？唔通你覺得證實到我本人嘅無知就等於證實天主嘅无信？』
……
逃出：『我再指住另外一片樹葉問你：南美洲瑪雅族因為唔知係屠殺定天花定瘟疫而滅亡，係代表瑪雅族人、南美洲人、地球人、抑或「凡有血肉的」嘅湮滅？請結合你舉嘅薩達姆同雀仔嘅論據嚟解釋。』